Ti aika a maiu man te Iti
Bukin tera I aki Maaka te Maroro ni Kamarurungan te Iango
E maeka te tia koro karaki i Virginia, USA.
Karekean te ibuobuoki are I kainnanoia bon tiaki te kanikina ae mamaara ke te kabwaka.
“Ko riai n nako ni maroro ma te kauntira ibukin kamarurungan te iango.”
Te reirei aei I aki kantaningaia. I a tibwa tuanga raraou ae onimakinna korakain au iango ni karinakin te burokuram iaon te akauti ae rang kinaaki, kateimatoan au reitaki, ao kareke tangira ngkai Ia tibwa oki ni mitinare. I tuai man iangoa te iango iaon te kamarurung, ao I namakinna bwa te maroro ma te kauntira bon ti ibukiia aomata ake iai aia kaangaanga ae bubura ke a mamaara ni kaitarai kaangaanga ibon irouia. Raraou iai bwaai aika a tamaroa aika e taekin ngke e kawara te kauntira, ngaia are Ia moanna n iangoia.
N te tai ae tawe ao kakain nanou e moanna n roko ni korakorana. Imwiin te aki mamatu n iangoan te raraoma, I baireia bwa Nna bairea au tai ni kawariia. I bon nako n nano bwa tera ae a na kona n taekinna aomata ke n iangoia ngkana a ataia bwa N nang nakon te kautira, ma n te tai anne kakain nanou e a roota au konabwai ni kamwakuri, ngaia are I a nako.
Te Tokanikai iaon Kakain te Nano
N rokou, te kauntira e titirakinai titiraki aika a buokai ni karekei kaekaaia ibon irou. Te kauntira e aki anganai katokan au kaangaanga ae beebete. E aki naba aranai bwa te aomata ae aoraki ana iango—e a tia n nooria aomata aika a mwaiti aika titebo aia kangaanga ma ngai. N arona tabeua, kanga ai aron te namakin ni kawaran te taokita. E rang mwaatai ni kamatebwain te kaangaanga ao iai rabakauna n reireinai arou n totoko ao ni katoka te kakai n nano.
Ni kairaki ma kaotinano tabeua, te kauntira e tuangai bwa N na korea au namakin ao au iango n au tienoo. Aio bon te ibuobuoki ae korakora bwa N na tokanikai iaon te kakai n nano. I reitanako naba au kamarurung, kabanea au tai ma raraou ao au utu, kang amwarake aika a baeranti (ke I a rang marurung n aia aron te mwaane ae ataein te reirei are e kona n kuuka i bon irouna), kamatebwai koroboki aika a tabu, iriira te taromauri, ao n tatataro.
Imwiin kaitiboou ma te kauntira tabeua te tai, uoua bwaai aika I bitaki iai: Te moan, E a reke ae boou, iango aika kamarurung iaon kakai n nano, bon ngai, ao aomata tabeman, ao te kauoua, I namakinna ae kaanga iai au bwai ni mwakuri aika a ibuobuoki ake I kona ni kabonganai n taai aika a na roko iaon bwaai aika a kona ni kauekea te kakai n nano. I kamarurungaki raoi n te kakai n nano, ma I namakinna ae kaanga I kona ni kaitara riki n ae tamaroa ngkana e a manga riki riki. Man te tai anne, I tuai manga oki nakon te kauntira, ma ngkana I manga kainnanoia, I aki raraoma ni karekean te ibuobuoki—I a tia n reiakinna bwa akea bukina ae riai bwa kona korakai inanon te kainabwabu ke ni mama ni kakaea te ibuobuoki ae mwaatai ibukin kaangaanga ni kamarurungan te iango.
Katokan te Anua e Aki Raoiroi
Te kananokaawaki, e mwaiti te anua ae aki raoiroi ibukin bwainaorakian aorakin te iango, ma anne e riki ibukina bwa tabeman aki ota bwa te maroro ma te burobetia n aorakin te iango e kakaawaki n akea okorona ma karekean bwainaoraki ibukin aorakin te rabwata n aekaia nako. Unimwaane Jeffrey R. Holland man te Kooram n Abotoro n te Tengaun ma Uoman e taku: “Ngkana iai aorakin am abentekiti, te Atua e kantaningaia bwa kona ukoukora te kakabwaia n te nakoanibonga ao karekea te bwainaoraki ae tauraoi are te kabanea n tamaroa. Ai aron naba te So too with emotional disorders. Tamara are i Karawa e kantaningaira bwa tina kabonganai ni kabane bwaintangira aika a tamaroa ake E a tia ni katauraoi n te kabanea ni bong ae mimitong aei.”1
Kainnanon marurungin te Iango bon kaangaanga naba aika a raba. E aki beebete maroroakinana n aron reken te kabuebue ke mwaoton te rii. Ma a bon tabangaki. Te Bootaki ni Kamarurung n te Aonaaba e katautaua bwa mwaitiia aomata ake a reke irouia kaangaanga n aorakin te iango akea bwainaoraki ae a karekei: imarenan 35 ao 50 te betienti n aba aika a tia n rikirake ao 76 nakon 85 te betienti n aba ake a tibwa tabe n rikirake.2
Karekean te ibuobuoki are ko kainnanoia bon tiaki te kanikina n te mamaara ke te kabwaka. Tamara are i Karawa e tangiriira bwa ti na marurung, n ara iango ao n rabwatara, ao e a tia n anganiira “bwaintangira aika a kamimi” aika a bati bwa e na buokiira ni kaitarai kaangaanga n te maiu aei n ara iango ao ara namakin, n ikotaki:
Marurungin te Iango
Kataneiai
Rao ao utu
Maiuakinan te Euangkerio
Karekea te motirawa ae tau
Mataniwi n te Ekaretia
Buokiia tabeman
Te burobetia n aorakin te iango
Kang amwarake aika a baeranti
Ti aki kona n tainako n tokanikai iaon kaangaanga iaon aorakin te iango n te maiu aei, ao a bon aki beebete, ao kaanga akea te kawai ae beebete are e kona ni mwakuri ibukiia aomata ni kabane n aroia nako. Ma ngkai ti karaoa ara kabanea n tamaroa ni buokiira ni kabonganai ana bwai ni mwakuri Tamara are i Karawa are e a tia n anganiira, te Tia Kamaiu e na buokiira ni kabebeteira (taraa Motiaea 24:15), ao ti na bon kakabwaiaki ma te korakora ao te onimaki n ara mwakuri.