Beretitenti Ballard e Kawara Texas, USA

Abotoro a mwananga ni katobibia te aonaaba n ibuobuoki nakoia aomata ao n reireinia taekan Iesu Kristo.

Ngke e orea Houston te angibuaka ae korakora ae arana Hurricane Harvey, Texas, USA e mwaiti mweengaia aomata aika a iekaki ao a uruaki. Beretitenti M. Russell Ballard e kiba nako ikekei n ibuobuoki!

Bon te tai are e ruo te wanika, e kaineti nakon te tienta are te Ekaretia e karekei buoka ao n anga nako nakoia Taan Ibuobuoki aika aki kaboaki.

Imwina e kawari taabo ike a mwaiti mweenga aika a iekaki. Tabeua kawai a kainaki, ngaia are e rianna man te auti teuana nakon teuana. E ongora irouia aomata ao e tibwaua ana tangira Tamara are i Karawa nakoia.

E kaitibo ma mitinare ao tabeman kain te Ekaretia ake a ibuobuoki.

E taetae n teuana te bwabwaro ao n teniua bootaki n toa bwa e aonga ni kona n tibwaua ana tangira Tamara are i Karawa ma aomata aika mwaiti!

Ngke e katibo ma temanna te unimwane are e rootaki naba mweenga, e taku Beretiteti Ballard:

“Ngai temanna mai buakoia Abotoro n Ana Ekaretia Iesu Kristo ibukia Aika Itiaki ni Boong aika Kaitira. … Ti tangiria bwa ko na ataia ae ti tangiriko. Ao ti roko ikai kioina bwa anne ana kataninga Iesu Kristo ibukira.