Kakaean te Burobetia ibukin Kamarurungan te Iango Ae Tau Ibukim

Iroun Kevin Theriot, PhD

Te Mwakuri n Ibuobuoki ibukin te Utu ibukiia aika a Itiaki ni Boong aika Kaitira

A mwaiti iango ao titiraki aika ko na iangoi ngkana ko iangoia ngkana ko rineia bwa kona karekea te ibuobuoki are ko kainnanoia.

Ngkana ko tuai n rinea te tia ibuobuoki ibukin kamarurungan te iango mai imwaina, kona bon bae n aki ata aron karekean ae tau ibukin arom n onoti are ko mena inanona. Aikai bwaai aika kona iangoi ngkai ko waaki ni kakaea temanna ae tau ibukim.

Ana aekakira te tia ibuobuoki n aorakin te iango ae ko kainnanoia?

Taan rabakau n aorakin te iango a kamatebwaia te aoraki ao a bwainaorakiia aorakin nako te iango. Angiina a tia ni karekea aia mwatita tikuri ke aia reirei ae tamaroa riki, kataneiai, ao credentials. Kakoaua bwa te tia rabakau are ko rineia e kona n anga ibuobuoki ibukin aorakin te iango.

Aika karinanaki mai inano bon tabeua aekakin ibuobuoki aika a tataneiai n anga. Tabeman rang mwaatai iaon itera tabeua n aron te aki rau n te iango, kakabonganaan te turaki n ae riao, ke karaoan te kamarurung n te iango nakon te utu ae bwanin. Katikua n am iango bwa mwaitira boon aia ibuobuoki ke mwaitira rabakauiia bon tiaki kanikina n aroia ae tau ke aia ibuobuoki ake a kona ni karaoia.

Psychiatrist

Te psychiatrist bon te taokita ibukin te kamarurung (MD or DO) ke te aomata are e onoti rabakauna ibukin bwainaoraki ni kamarurungan te iango. A kona n raka riki rabakauiia ni kamarurungaia aoraki ni kurubu n aroia ataei, ataeinnaine ao ataeinimwaane, ikawai, ke kaara.

Psychologist

Te psychologist bon te aomata are e kataneiaki bwa e buokiia aomata n aia iango, namakin, ao anua. Ae ataaki, a psychologist iai ana beebwa ae kinaaki (PhD, PsyD, EdD).

Psychiatric-neeti ibukiia aoraki ake iai aorakin aia iango

A psychiatric-mental health nurse bon te neeti are e a tia ni bwaati n te ukeuke ao kataneiai ni ootani bwainaoraki ibukin kamarurung n aorakin te iango.

Te tia mwakuri ae kariaiakaki ni buokiia ake iai toabuakaia

Te tia mwakuri n te kiriniki are ibuobuoki nakoia te bootanaomata riki naake iai toabuakaia e a tia ni kataneiaki ao iai ana taneiai ni bwainaoraki aorakin nako te iango. Riki, te tia mwakuri ma te botannaomata iai ana mwatita tikurii (MSW).

Burobetinoo kauntira

Te burobetinoo kauntira iai rabakauna ni kataneiai ao mwaataina ni kamarurunga aorakin te iango n aekaia nako. N aron ae ataaki, te burobetinoo kauntira iai ana beebwa te mwatita n te Tiaienti tekurii (MS).

Tera ae ko riai n iangoia ngkana ko rineia ibuakoia taan ibuobuoki n aekakin nako aorakin te iango?

Am kaangaanga are ko mena inanona. Angiina aika a mwaatai n aorakin te iango a tau ni bwainaorakii angiin aoraki ake a kamatebwaia, ma ko na tangiria n rinea temanna are e onoti rabakauna iaon am kaangaanga are ko mena inanona.
Ngkana ko kainnanoa te bwainaoraki, maroro, ke ni kauoua. Angiin kaangaanga n aorakin te iango a kona n irekereke ma te utu, iango, inoonoo ma aomata, ao bwain te tamnei. N tokina, ko na kona ni kawariia taan ibuobuoki aika e raka iaon temanna. Te katotoo, ko kona ni kainnanoa te taokita bwa e na anganiko bwainaorkiana te bwatin ao temanna te tia ibuobuoki ibukin te maroroo.

Kona kanga ni kakaea te tia ibuobuoki n aorakin te iango?

Aikai iango tabeua:

Tuanga am taokita are kawakin rongorongon aorakim ibukin te rinan n araia taan ibuobuoki are e taku bwa e tamaroa riki.
Kakaea temanna ae e a tia ni kamwaingaki nakon te taokita ae mwaatai n aorakina ke ae rineaki iroun te rao ae onimakinaki, kain te utu, mataniwin te ekaretia, taokita ni kamarurung, ke rabwata n ibuobuoki ibukin te Utu man te LDS (ngkana iai aobitina n am tabo).
Reitaki ma bootaki ibukin kamarurung n aorakin te iango n am tabo ke i abam (n te tareboon ke iaon te intanete).
Kakaai iaon te intanete bootaki aika burobetiono ake iai aia tareboon aika a ibuobuoki n am aono.

Tera titiraki aika ko riai n anga ngkana ko rinea te tia ibuobuoki ni kamarurungan te Iango?

Iangoa maroroakinan itera aikai:

Ngaiia kain te Ekareteia aika a kakaonimaki? Ngkana tiaki, iai anuaia ae tamaroa n ai arom?
Tera aia reirei, aia kataneiai, ao aia ririki n taneiai ae a tia ni karekea?
Tera rabakauia ae onoti ae a mwaatai iaona?
Tera te kambwana ni kabomwi ae a mwakuri ma ngaia?
Tera aia tai ni mwakuri, roo, ao abwakin tetere ake a karaoi?

Ngkana ko rineia te tia ibuobuoki ni kamarurungan te iango, , tai maaku ni kau titiraki. Ko kona n anga titiraki aikai imwain kawarakiia. Angiina taan ibuobuoki iai aia webutiaite ake a kona n ibuobuoki n angiin kaangaanga akana a taekinaki i eta. Karekean te tia ibuobuoki are e kaineti raoi ma kainnanom e rang kakaawaki ni katean te onimakinaki ao karekean te ibuobuoki ae korakora man am bwainnaoraki. Ngkai ko tataro mwaaka n iangoia bwa enga ae kona rineia, e na bon kotea te kawai ae eti.