Te Onimaki

Taeka mairoun Beatrice Goff Jackson

Katangitang iroun Michael Finlinson Moody

Ma te rairaki = 80–92

1. Te onimaki bon ataakin taai bwa e na oti, ni kaotai boong aika boou.
Te onimaki bon ataakina bwa te Uea e ongo n au tataro ni katoa tai are I tataro iai.
Te onimaki kaanga ai aron te kora ae uarereke:
Ngkana e unikaki, e na rikirake.
Te onimaki e na rikirake inanou.
Ngkana I karaoa ae eti, I ataia.

2. Te onimaki bon ataakin ae I maeka ma te Atua imwain bungiakiu n rabwata.
Te onimaki bon ataakin bwa I kona n oki ngkana e toki maiu iaon te aba.
Te onimaki bon onimakinan te Atua are i karawa;
Inanon Kristo, are e kaota te kawai.
Te onimaki e kakorakoraaki; I namakinna e rikirake
N te tai are I ongeaba iai.