Mauri mai Biribin!
Ngai Paolo. Ao Ngai Margo. Te ririki aei ti na mwananga ni katobibia te aonaaba n reirei taekaia natin te Atua. Raoniira ngkai ti a kawara Biribin!
E nakon te mwaiti ae tebubua te mirion aomata aika a maeka i Biribin, n raonaki ma maan aika a kamimi!
Iai waniua mwaitin taetae aika a kabonganaaki i Biribin. Ana Boki Moomon aei e boretiaki n te taetae ae aranaki bwa te Cebuano.
Ko kanga n nako n taromauri? Tabeman utu aika kain Biribin a toka n te jeepneys n nakon taabo ake a na nako iai!
Aio te mwamwa ae CTR n te taetae ni Biribin e aranaki bwa te Tagalog. Aio aron taekinan “rinea ae eti”: piliin ang tama.
Aikai tembora ni kaawa aika Cebu ao Manila. Ao keeti bwa tera? Te kauoua n tembora e kateaki i Manila! Ao tembora a na kateaki riki ni kaawa aika uoua, Urdaneta ao Cagayan de Oro.
Ataein Biribin a takakarona te takakaro ae luksong tinik, ke “kibakiba iaon te kateketeke.” Temanna ke uoman ataei a tekateka iaon te timanti ao a katokai rangaia ma baia ni kauaotaoi. Ngkanne ataei ake tabeman a kiba iaoia n aki toko iaoia.
Kaitibo ma raora tabeman mai Biribin!
“I ingainga n tainako nakon ara wareware n utu iaon koroboki aika tabu n te tairiki. I namakina ae raoiroi ni katoa te tai are I warekii iai koroboki aika tabu.”Lanneah D., ana ririki 10, mai Central Luzon, Biribin
“Ngke I moan reireinai ni wareware, I nanonakawaki ibukina bwa I aki kona ni kabaitii ni wareware. Au karo ao tariu a buokai, ao ngkai I a rang kukurei ni wareware ni koroboki aika tabu.”Acumen D., ana ririki 7, mai Central Luzon, Biribin
Ngkoe kain Biribin? Koroboki nakoira! Ti rang kan ongora mai iroum!
Ko rabwa ibukin raonakira n neweabaakin Biribin! Tiabo rimwi!