Niufala Seksen blong Ol Pikinini Insaed long Liahona

Stat long 2019, ol pej blong ol pikinini insaed long Liahona bae oli jenis long tri bigfala wei:

Hem i wan seksen we hem i stap hemwan. Naoia ol pikinini oli save gat ol stori we i save bildimap fet blong olgeta, wetem ol aktiviti we oli stap long ol pej blong ol pikinini, we oli singaotem Fren. Naoia, Liahona bae i gohed tu wetem ol spesel stori blong ol adalt, ol yang adalt mo ol yut.
Moa pej. Namba blong ol pej i go antap, i stat long 14 pej i go kasem 24 pej, we i minim se i gat moa stori, moa aktiviti, mo moa tingting blong save tijim ol pikinini long hom mo long Praemeri. (Ol aedia blong tij oli go stret wetem niufala buk ia, Kam Folem Mi, we i wan niu risos.
Niu pepa. Niufala pepa we bae oli yusum blong magasin ia bae i isi moa blong katem, kalarem mo dro long hem.

Magasin ia, Fren, bae i stap insaed long Liahona taem yu sabskraeb (yu pem blong kasem evri manis) mo praes i no jenis, mo bae oli sendem i kam wetem magasin ia. Naoia i stap, yu no save odarem Fren magasin hemwan.

Evriwan we i kasem Liahona i gat wok ia blong givim haf magasin ia, Fren, i go long ol pikinini. Olgeta we oli no gat pikinini long hom, i save givim magasin ia i go long wan apupikinini, wan fren o wan neba, o wan lida blong Praemeri, we i save pasem i go long wan pikinini insaed long wod o long branj.

Blong oda long wan sabskripsen, o blong givim olsem wan presen, go long store.lds.org, o kontaktem distribusen senta blong yu we i stap kolosap, o toktok long wod o branj klak blong yu.

Letem Liahona i save olsem wanem yu stap yusum buk ia, we i niufala Fren, insaed long hom blong yu, o long jos, mo imel i kam long liahona@ldschurch.org, blong talem.