!Halo i Kam longEstonia!
Mitufala i Margo mo Paolo. Long yia ia, mifala i stap travel i go raon long wol blong lanem abaot ol pikinini blong God. !Joenem mifala taem mifala i stap visitim Estonia!
Estonia i stap long Not Yurop. Hem i gat ova long 2,000 aelan. I gat samples 1.3 milian pipol oli stap laef long Estonia.
Long lanwis Estonia, oli talem “hello” olsem: !Tere!Mo oli talem nem blong Jos olsem ia: Viimse Aja Pühade Jeesuse Kristuse Kiriks
Hemia, hem i Talin, kapitol siti blong Estonia. !I stap ia kolosap 800 yia finis! Estonia i gat plante wael ples, olsem ol dak bus mo ol ples we wota i fulap long hem. Wanem i tru, i we, haf blong Estonia, dak bus i kavremap yet. Plante pipol long Estonia oli laekem blong spendem taem long dak bus.
?Oli kakae wanem long Estonia? Ating, pig, o drae fis wetem poteto, kabis, konkon krim, mo blak bred. Oli singaotem hemia wan sprat, o flat sanwij.
Yu yu laekem singsing long Praemeri? Evri faef yia, Ol Man Estonia oli kam tugeta long wan bigfala lafet blong selebretem kantri blong olgeta wetem ol singsing mo danis.
Jos long Estonia i smol, be i strong. I gat samples wan taosen memba blong Jos. Tempol we i kolosap long olgeta, i stap long Helsinki, Finlan.
!Mitim tufala sista blong Estonia!
Wan naet, taem mi bin wantem go long bed, tedi blong mi i lus. Mi lukaotem be mi no save faenem. Mi prea. Afta nao mi faenem tedi blong mi mo mi gat ol gudfala drim.
Bianka J., 7 yia
Famli blong mifala i laekem blong givim seves long ol narawan. Blong givim seves i stap helpem yumi blong filim Tabu Spirit, we i givim yumi wan gudfala filing blong pis. Ol sista blong mi mo mi, i mekem ol presen blong ol narawan from se mifala i wantem olgeta blong oli filim se mifala i lavem olgeta.
Piibe J., 10 yia
!Tangkyu blong wokbaot long Estonia wetem mifala! !Luk yu nekis taem!