Olsem wan yang woman, ?lukluk blong mi i mas stap moa long edukesen mo wok, o blong kam wan waef mo wan mama?
Yumi save se, “famli, hem i stamba blong plan blong Krieta” mo we “Ol fas wok blong wan mama hem i blong fidim ol pikinini blong tufala long saed blong spirit mo long saed blong bodi.”1 Mo yumi save tu se, from plante risen, tugeta, man mo woman, oli kasem kaonsel long ol profet blong oli mas kasem wan edukesen.2 Antap long hemia, yumi save se plante woman bae oli nidim, o bae oli wantem blong lukaotem wok.
Presiden Dallin H. Oaks, Fas Kaonsela long Fas Presidensi i bin talem se, long ol woman, joes i no stap bitwin famli, o edukesen mo wok. “Taem, hem i wanem yumi mas jusum,” hem i talem. “Mo yumi lukaotem insperesen we i kam long Lod mo ol tijing blong ol wokman blong Hem blong mekem hemia.”3
Plan blong gat wan edukesen, mo plan blong gat wan famli. Yu save plan tu blong gat wan wok mo kam antap long wok ia. Long evri samting ia, lukluk blong yu i mas stap long fasin blong folem plan blong Papa long Heven, mo mekem tingting blong Hem.