Lo Ļaam̧ eo an Anij
Oktak in ad kabun̄jar ilo Jabōt ej n̄an kōkm̧anm̧anļo̧k kwojkwoj eo ekwojarjar an Irooj āinwōt kwojarjar eo, mije ilo ad kabun̄jar kajjojo wiik.
Eaar em̧m̧an wōt aō pād ke iaar lo dānin kōmjaļļaļ iturin mejen armej ro ilo kumi in al in. Dānin kōmejaļļaļ ko eaar katak eo ej make wōt me imaron̄ kar leļo̧k.
Reiļo̧k jān tōrerein dān eo, kalimjōkļo̧k jarlepju eo rekōnaan bwe ren peptaij ippān, Jon, eo ņaetan Ripeptaij, eaar lo ilo ettoļo̧k eo rilikin, Jisōs RiNazaret, jibadōkļo̧k bween kajjitōk ejja kain̄i in wōt. Ilo ettā, bōtaab eļaaj bwe ro repaak ren ron̄, Jon eaar kwaļo̧k naan ko me rej kōm̧akūt wōt kōj ruo epepen tokālik: “Lo Ļaam̧ eo an Anij.”1
Ej alikkar bwe kōkkaļļein kanaan kōn Jisōs eaar jab kūr Emake “Jeova” ak “Rilo̧mo̧o̧r” ak “Ripinmuur” ak “Nejin Anij”—aolepeer rej taitōļ ko rekkar. Jaab, Jon eaar kālet m̧oktata im bōlen pija eo emakijkij kile ilo tōm̧ak ko an armej ro an. Eaar kōjerbal kōkkaļļe in juon ļaam̧ in katok kōn pinmuur eo kōn jerawiwi im būrom̧ōj, kōn juon laļ im aolep armej ro ie.
Jouj im kōtļo̧k bwe in kakeememej jidik kōn bwebwenato in.
Ālkin diwōjļo̧k jān Jikin Kallib Eden, Adam im Iv raar jelm̧ae juon jekļaj eo ekabūrom̧ōjm̧ōj. Ālkin kōpeļļo̧k kōjem in mour wabanban im mour in kanniōk n̄an kōj, raar kiil kōjem in mour jab wabanban im mour indeeo n̄an er make. Kōn juon bōd raar kālet n̄an kōm̧m̧ane ilo etad, kiiō raar jelm̧ae mej ilo kanniōk im jepelļo̧k in jetōb, jepel jān im̧aan Anij indeeo.2 Ta eo rekar kōm̧m̧ane? Ekar ke wōr juon iaļ jān menin epen? Jejjab jeļā ewi jon̄an an rein ruo kar keememej kōmeļeļe eo raar bōke ke rej pād wōt ilo jikin kallib eo, ak raar keememej bwe rej aikuj emakijkij kōm̧m̧an katok n̄an Anij juon, laam erreeo, m̧anjeen kom̧aan in mennin mour ko aer.3
Tokālik juon enjeļ eaar itok im kōmeļeļeik bwe katok in ekar juon kōkaļļein, menin leļo̧k eo aer me Rilo̧mo̧o̧r, eo an laļ naaj itok im kōmm̧ane n̄an er. “Menin ej juon kamool kōn katok eo an eo Nejin Eaaar Make keotak in Jemān” enjeļ eo eaar ba. “Kōn menin, … kwōn ukeļo̧k im kūr ioon Anij ilo etan Nejin n̄an indeeo.”4 Jeraam̧m̧an, ekar wōr juon iaļ n̄an rōļak.
Ilo ko̧o̧njeļ eo ilo mour eo m̧okta ilo lan̄, Anij eaar kallim̧uri Adam im Iv (im kōj aolep) bwe jipan̄ eo enaaj itok jān E eo erreo, Nejin Maan ekwojarjar, Laam eo an Anij “eo eaar mej jān pedped eo an laļin,”5 āinwōt an Rijilōk Jon kōmeļeļeik kōn E. Jen aer make leļo̧k kōkaļļein katok in ļaam̧ ko aer make ilo mour in, Adam im ro ineen raar kwaļo̧k aer meļeļe im aer pedped wōt ioon pinmuur in en̄taan eo an Jisōs eo Make Wōt Kapiti.6 Tokālik, tebteb in bujen eo ekar jino kōm̧m̧an n̄an kain̄i in im, ālkin, tampeļ eo Solomon eaar kalōke.
Ejerata, āinwōt juon kōkkaļļe in ukweļo̧k im mour eo emool ilo etiljek, katok in ajeļo̧k ļaam̧ ko reddir rerreeo eaar jab lukkuun jerbal, āinwōt an Kallim̧ur Mokta kalikkare. Erreo in mour eo me enkar bōkļo̧k ilo katok eo jet iien rejjab to aer pād jān an bōtōktōk nej kar m̧ōrā ilo dōkā. Ilo jabdewōt jekjek, eaar jab to kitien n̄an dāpiji an uroor, bwe Cain eaar m̧an Abel ilo epepen eo m̧okta.7
Kōn kain apan̄ im inepata ko rej waļo̧k elōn̄ epepen ko, unin an enjeļ ro ilan̄ al in lan̄lōn̄ āliktata, ke, Jisōs eaar ļotak—Messaia Eo eto kar kallim̧ur kake. Ālkin jerbal in kwaļo̧k eo An ioon laļ in, Jisōs eaar kōpooj rijilōk ro An kōn mej eo An n̄an kwaļo̧k kadkadin kwojkwoj in Kijone eo an Irooj, juon kain̄i eo me kar kwaļo̧k kadkadin itulikin Eden. En kar wōr wōt ajeļo̧k, en kar wōr wōt katok, ak en kar ilo kōkkaļļein eo em̧wilaļ ļo̧k, eo eļapļo̧k n̄an juon make kōļmenļo̧kjen kake jen kōtto̧o̧rļo̧k bōtōktōkin m̧aanjeen juon ļaam̧. N̄an RiNipai ro, ālkin Jerkakpeje eo An, Rilo̧mo̧o̧r eaar ba menin:
“Im kom̧ naaj jab ajetok n̄an Eō kōto̧o̧rļo̧k bōtōktōk. …
“… Im kom̧ naaj ajetok āinwōt juon katok n̄an Eō bōro e rup im jetōb ettā. Im jabdewōt eo ej itok n̄an Eō kōn juon bōro e rup im jetōb ettā, e Inaaj peptaiji kōn kijeek im kōn Jetōb Kwojarjar. …
“… Kōn menin ukweļo̧k, … im lo̧mo̧o̧r.”8
Ro jeiū im jatū rejitenbōro, kōn oktak in ekabwilōn̄lōn̄ n̄an kōļapļo̧k ekkatak gospel ilo kapijuknen, eļap an aorōk bwe jen keememej bwe kar kipel kōj n̄an “ilōk n̄an im̧ōn jar eo im ajiļo̧k aolep kwojkwoj ko am ilo raan eo ekwōjarjar Aō.”9 Ilo kakkobaba n̄an kōļapļo̧k iien n̄an pedped in m̧weeo ekkatak gospel eo, ad kabun̄jar ilo Jabōt ej n̄an bar kadikļo̧k apan̄ in jikejuuļ in kweilo̧k ko ilo juon wāween eo n̄an kōkm̧anm̧anļo̧k kwojkwoj eo ekwojarjar an Irooj āinwōt an kwojarjar, mije ilo kabun̄jar kajjojo wiik. Jej aikuj keememej ilo juon wāween eo ealikkar bwe Kraist eaar mej kōn bōro erub n̄an ineek make jerawiwi ko im būrom̧ōj ko an aolep armej.
Toon wōt ad leļo̧k ad n̄an en̄taan in, ej juon iien n̄an ad kautieje. Lo, kōmij rōjan̄ kom̧ n̄an m̧ōkajtok n̄an iien kabun̄jar ilo kautiej, karbab ilo nukun ko rekkar n̄an bōk kūņami ilo kain̄i eo ekwojarjar. “Piktokkiid ilo Jabōt” ejakoļo̧k aurōkin ilo iien kein ad, im jej kautiej E ilo ad itok, jej aikuj ļoor imminene eo kōn paoktokiid ilo nuknuk ilo Jabōt n̄āāt im ia eo jemaron̄ in pād ie.
Ikijeen rum̧wij im jab rumwij, jej aikuj jeo̧rļo̧k bōd im meļeļe kōn m̧am̧a ro, ippān ro nejier, kein kapije ko, im kaaļ peba ko ilo aer ekairiir in itok n̄an jar, im rej m̧ōkaj n̄an jar aolep iien. Mekarta, enaaj wōr ro jet epen aer kotak er ilo Raan in Jabōt. Ijoke, n̄an kurup jab in kōmij ba juon alen rum̧wij emeļeļe, ak eļan̄n̄e ewōr men en ej kōm̧m̧an rum̧wij kajjojo Jabōt, innām kōmij lukkuun kipel eok bwe kwon jab kammineneik eok rum̧wij.
Ilo ejja jetōb in wōt, kōmij kwaļo̧k am̧ akweļap n̄an kadikļo̧k keroro ilo im̧ōnjar ko ad. Em̧m̧an n̄e jej bwebwenato ippān doon, me jej aikuji—ej juon iaan m̧ōņōņō ko an Kabun̄ in—ak ejjab aikuj in kōm̧m̧an ilo iien ad kabun̄jar. Ij leln̄o̧n̄ kōn rilotok ro rejjab jen tōmak in ad rem̧wiur kōn ta eo jet iien emaron̄ in jab jejjet ilo karōk eo me aikuj in kar kōm̧m̧an ilo jar, naan in kam̧ool, revelesōn, im aenōm̧m̧an. Bōlen lan̄ ebar m̧weiur jidik.
Enaaj letok jetōb n̄an kweilo̧k in kwojkwoj ko ad eļan̄n̄e ritōl in opiija ro rej pojak ijo m̧aan m̧okta jen an jino jar, ron̄jake al m̧okta jen jar im kōm̧m̧an waanjon̄ok ilo kautiej n̄an kōjwoj bwe jen ļoore. Eļan̄n̄e ewōr keroro itum̧aan, jen jab ilbōk n̄e jarlepju eo rej keroro. Jej kōjeraam̧m̧an bisoprik ro rej joļo̧k kōjjeļā ko me rej kowaan jetōb in ad kabun̄jar. N̄a, bar juon, jab maron̄ pijaik ļo̧k juon pris ilo tampeļ eo etto āinwōt Zacharias—ewōr ilo tam̧peļ eo etto an Irooj—ej tin bōk kuņaan ilo jerbal eo ej make wōt an pris, iien em̧m̧an leļo̧k n̄an juon pris eo eutiej ej itok eo n̄an aolepen mour an—Ijjab maron̄ antoone ļo̧k an bōjrak ilo lokatok eo n̄an kakeememej kōj kōn jerbal eo jiljino week ettoļo̧k im iien rejijtōr epaak.
Ro jeiū im jatū, awa in em̧ōj an Irooj kapiti ej make wōt awa eo ekwojarjar ilo wiik eo ad. Jen kien, jej kuk ippān doon n̄an bōk kain̄i in ilo aolepen Kabun̄ in. Ej ilo ememej E eo eaar ba eļan̄n̄e kab eo Ej tin idaak jāne emaron̄ ke ilo̧k, n̄an wōnm̧anļo̧k wōt kōnke Eaar jeļā bwe kōn kōj emaron̄ jab ilo̧k. Enaaj jipan̄ kōj eļan̄n̄e jej keememej kōkkaļļein kab eo an itok n̄an kōj ilo iien eo tikōn ro 11 im 12 iiō rej letok.
N̄e iien eo ekwojarjar ej itok n̄an ad kwaļo̧k menin leļo̧k eo ad n̄an Irooj; ewōr make ad jerawiwi im likjab n̄an jerbali; en̄in unin ad pād ijin. Ak ej aikuj em̧m̧anļo̧k ad kōm̧m̧ane ilo wāween ukweļo̧k rōt in eļan̄n̄e jej lukkuun ļōmņak kōn rub bōro im jetōb in būrom̧ōj an ro jet ipeļaakin laļ in. Jijet ejjab ettoļo̧k ewōr jet ro rej jan̄—nam̧ōj ak tulowa—ilo aolepen al in kwojkwoj eo im ilo an pris ro jar. Jemaron̄ keememej n̄an leļo̧k ad ineam̧m̧an im ad tiriam̧o kake—jen maron̄ ke leļo̧k n̄an er? ak būrom̧ōje, membōr ro rejjab pād ilo jar im, n̄e em̧m̧an leļo̧k jerbal in ad karejar, en ke wiik in laļ? ak ro jeid im jatid ro rejjab membōr in Kabun̄ in lak wōt n̄an jidik rej rej ke jeid im jatid? Ejjab iiōt en̄taan ilo laļ in, ilowaan im itulikin Kabun̄ in, kōn menin reito-reitak ilo jabdewōt jekjek im kwonaaj lo ro rej metak kōn eddodo n̄an ineeki im metak bōro ko ejjeļo̧k āinwōt n̄e ejeļo̧k jem̧ļo̧kier. Juon wāween n̄an “keememej e iien otemjej”10 ej kobaļo̧k ippān Taktō eo Em̧m̧an kōn jerbal eo An ejjeļo̧k jem̧ļo̧kin n̄an ļōn̄aj ro rej eddodo im joļo̧k metak an ro rej būrom̧ōj.
Ro jera rejitenbōro, ilo ad juon wōt kajjojo wiik jej kōtmene enaaj juon iien ekwojarjar n̄an kile menin letok in pinmuur eo an Kraist n̄an aolep armej, jen bōktok n̄an lokatok in jikin kwojkwoj eo “liaajlaļ kōn būrom̧ōj eo an [im] metak kōn en̄taan eo an.” Innām, ilo ad keememeje, jar, im kōkāāl bujen eo, jen bōk jān iien in ekwojarjar “eļapļo̧k kijenmej ilo en̄taan, … eļapļo̧k nōbar kōn anemkwoj.”11 Kōn kain kijenmej im anemkwoj in, kōn kain kwojarjar im kōjatdikdik in, Ij jar kōn eok ilo Etan eo eaar ruje bread eo em̧m̧an kōn jeo̧rļo̧k bōd im kar letok dānnin lo̧mo̧o̧r, em̧ool Jisōs Kraist, eo eļap im etirim̧o im kwojarjar Ļaam̧ eo an Anij, amen.