Elder Rubén V. Alliaud

Ritōl Eutiej Jiljilimjuonn̄oul an Kabun̄ in

Kar 14 iiō drettan Rubén V. Alliaud ke ekar em̧m̧akūt jān m̧weo im̧ōn ilo Argentina im joļo̧k juon iiō ippān ļeo rikorāān ilo Amedka. Jemen, Rubén Reynaldo Alliaud, ekar mej moktaļo̧k, im Rubén ekar jino ejaake “juon jetōb in kabbwil.”

María, eo jinen eaar inepata, kar jilkinļo̧k e n̄an Houston, Texas, n̄an jokwe ippān būratōr eo an, Manuel Bustos, im baam̧le eo an. Eaar kajjitōk wōt juon men ippān baam̧le eo an ļeo jein: “Jab kwaļo̧k tōmak ko an Armej ro Rekwojarjar ilo Raan-ko Ālkiktata ko ami ippān ļaddik eo neju.”

Jetōb in gospel eo, ijo wōt ke, eaar kareel jodikdik eo ekar apan̄. Eaar lale wāween an Kabun̄ in kakobaik baam̧le eo an Bustos ro ilo jar im jerbal in jipan̄, im ejjeļo̧k an maron̄ bōtaab kile elōn̄ kape ko an Bok in Morrmon ilo jikin bok eo ilo ruum̧ eo an.

Kōņaan jeļā, eaar jibwe laļļo̧k juon im kar loe kallim̧ur eo an Moronai bwe emaron̄ jeļā kōn jar bwe Bok in Mormon ej m̧ool.

“Kallim̧ur jab eo eaar un̄ur eō,” Ritōl Eutiej Jiljilimjuonn̄oul in ekāāl ej ba. “Iaar kōņaan riiti bok eo.”

Eaar m̧ool ilo an bōk kallim̧ur eo an Moronai, kar bōk juon uwaak epen, im kar jiron̄ eo rikorāān ebwilōn̄ bwe ekōņaan kar peptaij. Rikorāāea Manuel eaar m̧ōkaj in jilkinļo̧k Rubén n̄an Argentina bwe en kajjitōk mālim eo an jinen. Ekar jab to eaar peptaij. Jen iien eo, gospel eo kar kōjepļaaktok eaar dilepān mour eo an Elder Alliaud.

Rubén Vicente Alliaud eaar ļotak ilo Jānwōde 8, 1966 eo, ilo Buenos Aires. Eaar m̧areik Fabiana Bennett Lamas ilo Buenos Aires Argentina Tampeļ eo ilo Tijem̧ba 17, 1992 eo. Ewōr jiljino nejier ajri ro.

Elder Alliaud eaar bōk law degree eo an jān University of Belgrano, ilo Buenos Aires, im eaar lem̧ōņōņō kōn elōn̄ jerbal in kakien ko, tijem̧ļo̧k ilo criminal law. Jān 1998 eo, eaar jerbal āinwōt juon managing partner n̄an Alliaud & Asociados.

Eaar jerbal āinwōt Eria Jiljilimjuonn̄oul, būreejtōn n̄an Argentina Córdoba Mijen eo, stake būreejtōn, high ko̧o̧njeļ, bisop, būreejtōn an doulul an elder ro, im mijenede ilo Uruguay Montevideo Mijen eo. Ilo iien eo kūri, eaar jerbal āinwōt juon rūkaki in institute, rikakpilōklōk eo kein kajuon an būreejtōnji an Jikin Kaminene an Mijenede ilo Argentina, im tōreektōr an public affair.