Kijejeto ko ikkijeen Menin Jipan̄ ej Jipan̄ Taujin
Juon nōōj ilo Indonesia ej jutak turin juon m̧am̧a ej kab pālōk et in m̧am̧a. Nōōj ro ilo jikin kōmmour in kar kadedeļo̧k juon kūlaaj in ņaetan Helping Babies Breathe kar kōm̧m̧an jān LDS Charities.
Juon likao ilo Ghana ej medikdik ālkin kar jon̄e ippān juon wiiļjea kōn jipan̄ jān juon rijerbal an LDS Charities.
Doulul in menin jipan̄ eo an Kabun̄ in, LDS Charities, rekar bōk kuņaer ilo 2,885 būrojāāk ko ilo 141 laļ ko ilo iiō eo ļo̧k, jerbal ippān 1,900 doulul in menin jipan̄ ko m̧ōttaer. Jān 1985 eo, LDS Charities eo ekar leļo̧k elōn̄ļo̧k jān $2.2 pilien taļa ko ilo jipan̄—ekoba jāān, m̧weik, im menin leļo̧k ko retenkwadik ilo 197 laļ ko im jikin ko, ekkar n̄an LDS Charities 2018 riboot eo iiō otemjej kar kwaļo̧ke ilo Pāpode 19, 2019 eo.
Kijejeto ko an menin jipan̄ ko an Kabun̄ in rej kōm̧m̧ani kōn tūriam̧o̧ im iakwe n̄an aolep ajri ro Nejin Anij im ej kwaļo̧k jilu pedped in unin tōl ko—kea kōn ro rej pād ilo eļap aikuj, kōketak un̄n̄are peid make, im kwaļo̧k kōn jerbal in baļintier im jerbal in jipan̄ Pedped in katak kein, kar pepded wōt ioon tōmak ilo Jisōs Kraist, kōkajoorļo̧k kajjojo armej im baam̧le ko jekdo̧o̧n ta kwe ria, kabun̄ ta eo am̧, ak laļ ta eo am̧.
Kabun̄ in ej jipan̄ kōn uwaaki iien idin̄ (ekoba jerbal in baļintier ko), jerbal in jipan̄ ko ikkijien piloļo̧k, kōjparok n̄an ribōro̧ro im nin̄nin̄ ko rej kab ļotak, dān in daak erreo im ājmour, wā ko, kōm̧m̧an wiiļjea ko im kein jipan̄ ko an etetal repād, jipan̄ armej ro n̄an kake n̄an er m̧ōn̄ā ko kōjerbal jekjek ko ijo jokwe ie im kein jipan̄ ko, im jipan̄ n̄an riatajinemjen ro ilo iien em̧ōkaj tata im aitok kitien. Kabun̄ in ej barāinwōt bōk kuņaan ilo būrojāāk ko an jukjuk in pād ko ilo 43 laļ ko im bukwōn ilo U.S. im Canada n̄an jipan̄ ro ejjeļo̧k m̧weer, rejipo̧kwe ro rej jukjuk im amņak, im aikuj ko jet.
“Jej en̄jake eļap kam̧m̧olool im jem̧jerā ippān kajjojo armej ro me raar leļo̧k jipan̄ n̄an em̧m̧aņļo̧k eo ikkijeen jerbal in jipan̄ eo ilo 2018 eo,” Sister Sharon Eubank ekar ba, būreejtōn eo an LDS Charities im Rikakpilōklōk eo Kein Kajuon ilo Būreejtōnji eo Eutiej an Doulul eo an Kōrā ro. Ekar ba bwe riboot eo ej jutak kōn jouj eo an jon̄oul taujin armej ro.