Rijilōk ro rej Jerbal in Karejar Ipeļaakin Laļ
Ej kab kein kajuon ilo bwebwenatoon Kabun̄ in me em̧ōj an jepļaaktok, aolep membōr ro ilo Būreejtōnji eo Kein Kajuon im Doulul eo an Jon̄oulruo Rijilōk ro rekar koba ippān doon ilo juon jikin ilikin Amedka, ilo an aolepeer kar etal Italy n̄an kōjeram̧m̧an eo an Tampeļ eo ilo Rome Italy ilo Maaj 2009. (Lale Bwebwenato ilo peij xx.)
Ilo ijjitōn ko jet an jerbal in karejar ilowaan allōn̄ ko jiljino rejem̧ļo̧kļo̧k:
Ālkin loļo̧k eo ilo Tulōn̄ im Tulaļ in Carolina, USA, Būreejtōn Dallin H. Oaks im Elder David A. Bednar rekar kōnono n̄an ro rekar jorreen jān juon lan̄ ilo juon nokon in jota ilo Tallahassee, Florida, USA. Tallahassee, Florida, USA. Būreejtōn Oaks ekar kakeememej ri ron̄jake ro bwe melejon̄ ko im en̄taan rej m̧ōttanļo̧k mour in, ak bwe “Eļan̄n̄e jej tiljek im jar, Irooj enaaj jipan̄ kōj eļļā iooer.”
Ilo Chicago, Illinois, USA, Chicago, Illinois, USA, Elder Oaks ekar kapilōk ripālele ro redik ro rej membōr in Kabun̄ in bwe, “Oktak n̄an Irooj ej bōk jikin m̧okta jān oktak n̄an Kabun̄ in. Im oktak n̄an Irooj ej itok kōn jar im ekkatak im jerbal in jipan̄.” Im ilo Arizona ippān Būreejtōn Russell M. Nelson, Būreejtōn Oaks ekar kakeememej jodikdik ro im rem̧m̧an ded ro bwe, “Em̧m̧an eo ad make n̄an kwaļo̧k kadkadid make ej bwe jej m̧aan im kōrā ro nejin Anij.
Membōr ro ilo Doulul eo an Jon̄oulruo Rijilōk ro rekar barāinwōt kakūrm̧ool ijjitōn ko jet ipeļaakin laļ in:
Ilo England, Elder Jeffrey R. Holland ekar e wōt rikōnono ilo juon būrokūraam in Kūriijm̧ōj ilo Pembroke College Chapel ilo Oxford University, ijo ekar katakin bwe meļeļein Kūriijm̧ōj eo ekam̧ōņōņō tata ejjab kōn wōt ļōtak eo an Kraist ak barāinwōt kōn mour eo An, mej, im “An aņjo̧ kōn katok in pinmuur.”
Ilo São Paulo im Salvador, Brazil, Elder Dieter F. Uchtdorf ekar jerbal in karejar n̄an kurup ko reļļap ilo kweilo̧k ko ak barāinwōt n̄an kurup jidik ko im kajjojo, ekoba kaeņōm̧m̧an baam̧le eo an mijinede eo ej kab mej, pād ilo kweilo̧k in kwojkwoj ilo ward ko ruo im kweilo̧k ko an Jabōt Jikuul, ippānļo̧k jet kampānien in mijinede ro ilo aer kar loļo̧k baam̧le ko me elōn̄ jet rejjab membōr ie, im kar kile eō jān eo ej kab oktak ke kōm ej iuwe ilo subway eo ilo São Paulo. Ekar ba bwe Brazil ej juon “jikin eo ijo ļōmņak ko ralikkar im rej mour kaki bwe kōj aolep jej nejin Jemedwōj Ilan̄.”
Ilo United Arab Emirates, Elder David A. Bednar ekar tōl juon kweilo̧k ejeņoļo̧k ippān jodikdik ro im rūm̧m̧an ded ro ilo Abu Dhabi Stake. Ekar loļo̧k juon jikin ekkatak kōn rijipo̧kwe ri Africa ro ilo Egypt im juon jikin n̄an armej ro rej em̧akūt jān jikin ko ilo Iraqi Kurdistan. “Jej aolep m̧aan im kōrā ro nejin Anij,” Elder Bednar ekar ba ālkin kweilo̧k eo ippān rijipo̧kwe ro. Ilo Israel, ekar tōļ iumin juon kweilo̧k ilo Jerusalem District im juon nokon io Brigham Young University Jerusalem Center. Ilo kweilo̧k eo an RootsTech family history ilo Salt Lake City, Utah, USA, Elder Bednar ekar kwaļo̧k juon jeen in jipan̄ $2 Milien ilo etan Kabun̄ in n̄an International African American Museum Center n̄an Menmenbwij an Baam̧le.
Ilo Ukraine, Armenia, France, Hungary, Switzerland, Romania, and Czechia, Elder Quentin L. Cook ekar kwaļo̧k unin kōnono eo kōn mour kōn gospel eo an Jisōs Kraist aolep raan im kwaļo̧k e kōn waanjon̄ak im kōn jerbal in karejar n̄an ro jet. Ilo New York City, USA, Elder Cook ekar kōnono kōn juon wōt me rej waļo̧k ikōtaan Kabun̄ eo an Jisōs Kraist im Armej ro Rekwojarjar ilo Raan Kein Āliktata im jukjukin pād an ri Ju ro. “Jej kwaļo̧k ippān riJu ro m̧ōttam ļōmņak in kōn armej ro reinepata im ro me rej jelm̧ae apan̄ ko,” ekar ba.
Ilo Mexico City, Mérida, im Cancún, Mexico, Elder Cook ekar jerbal in karejar n̄an ritōl ro an Kabun̄ in, membōr ro, mijinede ro im kabun̄ ko, kien eo, im pejnej ritōl ro. Juon nokon an jodikdik ro ekar wōt tarin in 800 jodikdik ro jān stake ko rualitōk ilo Mexico City ekar ļapļo̧k n̄an 38,000 jodikdik ilo aolepān Mexico. Im Elder Cook ekar barāinwōt ilo juon iien kweilo̧k ilo juon auditorium ilo Mexican Senate, ijo ekar kūr armej in tōmak n̄an jutak pen im ippān doon n̄an jojo anemkwōj in kabun̄.
Ilo Puerto Rico im ilo Dominican Republic, Elder D. Todd Christofferson ekar lo bwe jekdoon kakkure ko jān lan̄ ko, membōr ro rej m̧ōņōņō jekdoon ta eo ekar waļo̧k. Ekar ba bwe eria eo ej “itoklimo,” ilo an jeļā bwe enaaj lōn̄ ejjab to jilu tampeļ ilo Carribean (ilo Haiti, Puerto Rico, im ilo Dominican Republic). Ekar barāinwōt kōnono ilo juon kweilo̧k ikkijeen jerbal ko rem̧m̧an an pejnej ko im juon kweilo̧k ikkijeen anemkwōj an kabun̄. Ilo juon kweilo̧k kar kadiwōjļo̧k imejatoto ilo Washington, D.C., USA, Elder Christofferson ekar kwaļo̧k kōn aorōkin m̧ool im tiljek. Im ke ekar pād ilo juon ijjitōn ilo Guatemala im El Salvador, n̄an m̧ōttanļo̧k kweilo̧k ko jet, Elder Christofferson ekar bōk koņaan ilo kadiwōjļo̧k eo imejatoto ilo aolepān Central America, ej kwaļo̧k kōn aōrokin ekkatak kōn gospel ilo m̧ōko.
In South Africa im Zimbabwe, Elder Neil L. Andersen ekar kapilōk membōr ro n̄an keememej Rilo̧mo̧o̧r im mour kōn katak me rej pedped ioon m̧ōko, im ekkatak in jipan̄ ko an Kabun̄ in. Ilo England, Wales, France, im Austria, Ekar kwaļo̧k kajoor ko me rej itok n̄e baam̧le ko ilo Kabun̄ in eļōn̄ epepen ko aer im ekar ba bwe membōr ro ilo Europe rej wōnm̧aanļo̧k wōt n̄an kōm̧m̧ane juon an eddo eaorōk ilo eddōkļo̧k im em̧m̧anļo̧k eo an Kabun̄ in. Er rej, ekar ba, rijojomar ro an tōmak.
Kabun̄ in ekar lukkun bōk koņaan n̄an jipan̄ jodikdik ro rej bōk mour ko aer, Elder Ronald A. Rasband ekar kwaļo̧k aorōk eo ilo an kar kōnono n̄an jemenere im institure rikaki ro ilo Salt Lake City, Utah. Rikaki in Jemenere im Institute remaron̄ jipan̄ ro me rej pād ilo kauwōtata ilo aer kōjerbal elōn̄ kein bōbrae ko an Kabun̄ in n̄an ro rej ļōmņak in bōk mour ko aer im ilo aer kakeememej rijikuul ro bwe jipan̄ eo ekwojarjar im jerbal in karejar ej itok jān Rilo̧mo̧o̧r.
In Rwanda, Elder Gary E. Stevenson ekar loļo̧k juon jikin kakeememej mej an elōn̄ armej kōn mōrō, ijo ekar ba bwe kōjekdoon aolep nana ko rekar waļo̧k m̧oktaļo̧k, rainin armej in Rwanda rekar obrak kōn “jouj, meanwōd, meļeļe, im jeorļo̧k bōd” me ej kwaļo̧k kōn em̧m̧an im jouj an armej. Ekar leļo̧k juon jāān in jipan̄ n̄an kakeememej ilo etan Kabun̄ in. Elder Stevenson ekar barāinwōt loļo̧k Uganda, Ethiopia, Tanzania, im Madagascar, ekar tōl ko an ritōl ro an Priesthood, kōnono n̄an membōr ro im mijinede ro, bōk koņaan ilo nokon ko an rūm̧m̧an ded ro rejjan̄in m̧are, loļo̧k ritōl ro an kien eo, im uwaak jet iaan kajjitōk ko an ro rej pijaik ak rekoot n̄an bōk meļeļe ko.
Elder Dale G. Renlund ekar loļo̧k jikin ko rettoļo̧k ilo juon an ijjitōn ilo Argentina im Chile, āinwōt Antofagasta ilo desert region ilo ijoko tulōn̄ in Chile; juon kweilo̧k n̄an Argentina Comodoro Rivadavia Mission; El Calafate Branch eo ilo Argentina, ijo mōn jar jidikdik eo ekar obrak kōn armej ro elōn̄ļo̧k 30-40 ro me kar kōtmene n̄an pād ie; juon koba ippān doon ilo Ushuaia, Argentina, ijo 600 bōnbōn me rekar pād me rekar bōk aolepān membōr ro rekajoor ilo aolepājikin eo ilo Tierra del Fuego. Ilo jikin ko āinwōt Rio Gallegos, Argentina, Elder Renlund ekar kōnono kōn kōjeram̧m̧an ko ilo ad pedped wōt ilo m̧ōko, curriculum n̄an jipan̄-Kabun̄ in im wāween an baam̧le ko kar kōjeram̧m̧an ilo aer kōjparok raan in Jabōt.
Ilo Paraguay, Uruguay, Chile, im Argentina, Elder Gerrit W. Gong ekar kwaļo̧k katak ko jān jeje ko rekwojarjar im jān katak ko an Būreejtōn Nelson—ekoba unin kōnono kōn jerbal in karejar, pād wōt ilo iaļan Bujen eo, revelesōn an juon make, kōjerbal etan Kabun̄ ilo lukkuun jejjetin, im kōjerbal gospel eo n̄an kappukot uwaak ko im eļļā ioon apan̄ ko im menin lōkatiptip ko.
Ilo jikin kaminene an mijinede ro ilo Guatemala, Elder Ulisses Soares ekar kwaļo̧k katak ko me ekar ekkatak jān oktak tok eo an jinen im jemān. Ekar kōjerbal katak ko n̄an kōkajoorļo̧k mijinede ro dāpdep wōt ilo tōmak im pen. Ekar bar loļo̧k Costa Rica im Panama im ekar ba membōr ro ilo Central America “rej kōņaan jerbal n̄an Irooj. Rekōņaan kōm̧m̧ane ta eo Ekar kajjitōkin er n̄an kōm̧m̧ane.” Ilo juon loļo̧k tokālik me ekoba eIn a later visit that included the Dominican Republic im Trinidad im Tobago, ekar ba bwe ilo Carribean, “armej ro rej m̧ōņōņō kōn gospel eo an Jisōs Kraist ilo mour ko aer.” Ekar barāinwōt kōjeram̧m̧an āne ko an Curaçao Curaçao n̄an kajedeed gospel eo. “Kabun̄ in ewōr an kōjatdikdik eļap ilju im jekļaj ilo Curaçao,” ekar ba. “Armej ro retiljek im rej ikdeleel n̄an bōk gospel eo.”