Elder James R. Rasband

Ritōl Eutiej Jiljilimjuonn̄oul an Kabun̄ in

Ke Elder James R. Rasband kar kar kūri n̄an juon stake būreejtōnji iiō ko ļo̧k, eaar en̄jake jab pojak. “Menin eaar juon bōd,” ekar ļōmņak.

Ekar en̄jake juon ejja kain likjab in wōt āinwōt19-iiō dettan delo̧n̄e Jikin Kaminene an Mijenede ilo Provo ilo kōppopo n̄an juon mijen edipio n̄an Seoul, South Korea. “Ewi wāween aō nej kōm̧m̧ane menin?” ekar ļōmņak.

Ilo jekjek kein jim̧or, uwaak eo ekar ejja eo wōt:” Dāpdep wōt ie. Lan̄lōn̄ ej itok.” Ak, ilo naan ko an jinen, “Ejjeļo̧k an Irooj armej ro rewānōk. Baj etal wōt in jerbal.”

Elder Rasband ej en̄jake jet iaan itweļo̧k ko kiiō ke ej itok n̄an kūr kāāl eo an āinwōt juon Ritōl Eutiej Jiljilimjuonn̄oul an Kabun̄ in, bōtaab ejeļā uwaak eo: “Jemedwōj Ilan̄ ej aikuji kōj n̄an etal n̄an jerbal im kwaļo̧k ennaan in kemour im lem̧ōņōņō eo an Nejin im pinmuur in en̄taan eo an Nejin.

James Richard Rasband ekar ļotak ilo Seattle, Washington, USA, n̄an James E. im Ester Rasband ilo M̧aaj 20, 1963 eo. Ekar rūttoļo̧k ilo Pebble Beach, California, USA, ilo juon em̧ enan̄in 200 yard jān tōrerein lojet.

Elder Rasband ekar ioon Mary Diane Williams āinwōt juon freshman ilo Brigham Young University. Rekar jeje n̄an doon ke rekar jikuuļ ettoļo̧k jān doon ium̧win ļalem allōn̄ ko ilo Israel innām ilo aolepān iien jerbal eo an ilo Korea Seoul Mijen eo. Rekar m̧are ilo Los Angeles California Tampeļ ilo O̧kwōj 11, 1984 eo. Rej jinen im jemān emān ajri ro.

Ālkin an kar ro̧o̧l jān mijen eo an, ekar kadedeikļo̧k bachelor degree eo an ilo English im ekkatak kōn Near Eastern ilo BYU ilo 1986 innām ekar bōk juris doctor degree eo jān Harvard Law School eo ilo 1989 eo. Ālkin an jerbal ikkijeen law ium̧win ļalem iiō ko ilo Seattle, ekar jepļaakļo̧k n̄an BYU ilo 1995 eo n̄an kobaļo̧k ippān rūkaki ro an J. Reuben Clark Law School eo. Ekar jerbal āinwōt juon dean ilo law school eo jān 2009 n̄an 2016 eo, ke ekar erom būreejtōn eo an academic an BYU.

Elder Rasband ekar jerbal āinwōt juon Eria Jiljilimjuonn̄oul, stake būreejtōn, rikakpilōklōk ilo juon stake būreejtōnji, high ko̧o̧njeļ, bisop, im Būreejtōn eo an Doulul eo an Likao ro ilo Ward.