Jan E. Newman

Rikakpilōklōk eo Kein Karuo ilo Būreejtōni eo Eutiej an Jabōt Jikuuļ

Āinwōt juon mijenede edik jerbal ilo Strasbourg, France, Jan E. Newman ekar wōr juon an en̄jake ilo jetōb eaorōk me eaar kōkajoorļo̧k naan in kam̧ool eo an im kōm̧m̧an bwe en en̄jake iakwe eo an Jemedwōj Ilan̄. En̄jake in eaar itok ke eaar riiti naan ko an rikanaan Alma ilo Bok in Mormon kōn kalbwin ine eo an gospel eo ilo būruwōd. (lale Alma 32:28; 33:22–23).

“Iaar riiti bwe eļan̄n̄e kwoj kōm̧m̧an jikin ine eo ilo būruwōm̧, enaaj eddōk, im kwonaaj lukkuun en̄jake ļapļo̧k in en̄jake kein,” Brother Newman eaar ba. “Ij keememej aō riit menin im Jetōb eo kar kanooj kajoor an kam̧ool n̄an eō bwe eaar m̧ool. Iaar en̄jake ļapļo̧k in en̄jake kein. Ijjamin naaj meļo̧kļo̧ke menin toon wōt aō mour.”

Menin im bar en̄jake ko jet raar jipan̄ kakijin̄en̄eikļo̧k naan in kam̧ool eo an Brother Newman kōn gospel eo im kar kōpooje n̄an juon jerbal in jipan̄ to̧o̧n wōt an mour āinwōt ļeo pālele, baba, im rikaļoor an Jisōs Kraist.

Jan Eric Newman eaar ļotak ilo Eprōļ 16, 1960 eo, ilo Jerome, Idaho, USA, n̄an George Raymond im Dora Walker Newman. Eaar rūtto̧ļo̧k ilo Overton, Nevada, USA. Jemān ekar juon rioktak, im jinen kar juon Armej ro Rekwojarjar ilo elōn̄ diktak in epepen ko.

Eaar kōļapļo̧k juon naan in kam̧ool ke eaar dik wōt im kar jerbale juon mijen edipio ilo France im Belgium. Ālkin mijen eo an, Brother Newman eaar bōk juon bachelor degree ilo kajin French jān Brigham Young University eo. Ekar kanooj lem̧ōņōņō kōn degree eo an jon̄an eaar ļōmņak in erom juon rūkaki in kajin France bōtaab ijello̧kin kar kāālet n̄an pukōt juon jerbal ilo software industry eo. Eaar jerbal āinwōt juon serial entrepreneur elōn̄ļo̧k jān 30 iiō ko, kar loi jet iaan kombani in software ko reļļap. Kiiō, e ej juon paatnōr ilo SageCreek Partners, juon technology consulting comapny ilo Alpine, Utah.

Brother Newman eaar m̧areik Lucia Price ilo Oakland California Tampeļ ilo O̧kwōj 18, 1984 eo. Rej jinen im jemān jiljino ajri ro im jokwe ilo Elk Ridge, Utah.

Brother Newman eaar jerbal āinwōt juon stake būreejtōn, bisop, ward būreejtōn an Doulul eo an Likao ro, Scoutmaster, im rijerbal in tampeļ. Jān 2006 n̄an 2009 eo, eaar būreejtōn n̄an Nebraska Omaha Mijen eo.