Kakien eo n̄an Ajri ro Nejin ro Jinen im Jemen rej LGBT, Membōr ro ilo M̧are ko an Em̧m̧aan n̄an Em̧m̧aan

Ro jinen im jemen me rej kile er make āinwōt lesbian, gay, bisexual, ak transgender remaron̄ kiiō kajjitōk bwe ajri ro nejier ren kōjeraam̧m̧an āinwōt nin̄nin̄ ro jān juon rikabwijer eo erreo an Melkizedek Priesthood eo, im ajri ro nejier remaron̄ barāinwōt peptaij ālkin aer tōpar ralitōk iiō dettaer ilo an ejjeļo̧k mālim eo an Būreejtōnji eo Kein Kajuon, Būreejtōn Dallin H. Oaks, Rikakpilōklōk eo kein Kajuon ilo Būreejtōnji eo Kein Kajuon, kar kōjeļļā kake ilo m̧wein̄an eo an ritōl an kweilo̧k eo eļap.

Ilo kakobaba, men̄e m̧are eo ikōtaan m̧aan n̄an m̧aan ak kōrā n̄an kōrā ej watōke wōt “juon jerawiwi eļap,” Kabun̄ in ejako an watōke āinwōt “bukweļo̧k er jān Kabun̄ in” kōn un ko an bukweļo̧k an Kabun̄ in. “M̧wil ko renana an kanniōk ilo jem̧jerā an kōrā im em̧m̧aan ak kōrā kōrā ak em̧m̧aan em̧m̧aan naaj kōm̧m̧ane ilo ejja wāween in wōt,” Būreejtōn Oaks ekar ba.

Oktak kein an kakien eo “ejjab bōk jikin juon oktak in katak an Kabun̄ in eo ej iookļo̧k m̧are ak kien ko an Anij ekkar n̄an kien erreo ak mour erreo,” Būreejtōnji eo Kein Kajuon rekar je ilo juon ennaan kōmālimi. “Katak eo an karōk in lo̧mo̧o̧r im aorōkin kien erreo ejjamin oktak.”

Būreejtōn Oaks eaar ba kakien kein rej aikuj em̧m̧anļo̧k aer jipan̄ baam̧le ko, im, “ilo kakobaba, kijejeto ko an membōr ro ad n̄an kwaļo̧k eļapļo̧k meļeļe, tūriam̧o̧ im iakwe aikuj kōļapļo̧k kautiej im meļeļe ibwilijin aolap armej ro rejouj.”