Sister ro rej Jerbal in Karejar, Kweilo̧k, im Kwaļo̧k

Sister Jean B. Bingham, Būreejtōn Eo Eutiej an Doulul eo Kōrā ro, im Bonnie H. Cordon, Būreejtōn eo Eutiej an Doulul eo an Jiron̄ ro, ekōnono kōn elōn̄ būrokūraam in menin jipan̄ ko an Kabun̄ in, āinwōt dān erreo, kōjparok n̄an nin̄nin̄ ko rej kab ļotak, wā ko, im barāinwōt jikin bōk jeļāļo̧kjeņ an Kabun̄ in im būrokūraam in ekkatak ko, ke rekar ioon ritōl ro an kien im kōm̧m̧ane jerbal in karejar n̄an membōr ro an Kabun̄ ilo Ghana, Nigeria, im Ivory Coast (Côte d’Ivoire).

“Unin loļo̧k eo am ej n̄an kweilo̧k ippān Armej ro Rekwojarjar, n̄an kōm̧m̧an jet kōmeļeļe ko n̄an sister ro, n̄an ron̄jake apan̄ ko aer, n̄an en̄jake būruweer, im n̄an kwaļo̧k n̄an er bwe jej iakwe er,” Sister Bingham ekar ba.

Sister Bingham im Sister Cordon rekar kōm̧m̧ane juon nokon ippān mijenede ro ilo Ghana Accra West Mijen eo. Rekar bar ioon jet membōr ilo m̧ōko m̧weer. Sister Bingham eaar bōk kuņaan ilo juon pilot būrokraam̧ in katakin kilen riit im jeje, eo ej katakin armej ro ekōjkan riit ilo an katakin er kōn gospel eo an Jisōs Kraist. Im jimor sister ro rej bōk kuņaer ilo juon kaminene an ritōl kadiwōjļo̧k imejatoto jān Accra, eo me ej tōpar elōn̄ļo̧k jān 100 mōn jar ko ilo West Africa; kar kweilo̧k ippān First Lady eo an Ghana im Permanent Secretary eo an Ministry eo an Women Affairs im Poverty Alleviation an Kien eo an Lagos State ilo Nigeria.

Ālkin kweilo̧k eo ippān sister ro ilo Ivory Coast, Sister Cordon ekar ba, “Lōke ko aer im jeļā eo aer kōn Anij im wōn E im ta eo Emaron̄ kōm̧m̧ane n̄an mour ko aer, ekabwilōn̄lōn̄ n̄an eō.” Ekar ba bwe ke ekar kōnono kōn juon tampeļ ilo Abidjan, juon sister ekar kōmjaļaaļ kōn lan̄lōn̄. “Kōmij jepļaak kōn kōlmenļo̧kjeņ pedped ioon Africa,” Sister Cordon ekar ba. “Kōmij jepļaak kōn juon bōro ekāāl.”

Sister Joy D. Jones, Būreejtōn eo Eutiej an Būraimere, ekar leļo̧k jāān jān kar kōpajet ko aer kōn campaign eo an Light the World n̄an opiij ko kajjojo an doulul in jipan̄ ko ilo Manhattan, New York, USA. “Jej kautiej Rilo̧mo̧o̧r Jisōs Kraist kōn jerbal in jipan̄,” Sister Jones ekar ba, jeļā bwe ekar juon men ekabwilōn̄lōn̄ n̄an lo ta eo ekar waļo̧k “ilo an armej kile iien ko rem̧m̧an n̄an jipan̄.”

Ilo Salt Lake City, Utah, USA, Sister Sharon Eubank, Rikakpilōklōk eo Kein Kajuon ilo Būreejtōnji eo Eutiej an Kōrā ro, ekar leļo̧k jāān jān Light the World “giving mechine ko” n̄an juon jikin kakkoņ m̧ōn̄ā, juon charity me ej jipan̄ kōm̧m̧an mejān ajri ro, im juon jikin rijipo̧kwe. Men kein rekar jet iaan $2.3 milien taļa ko kar tōprak in mijin ko ilo Arizona, New York, im Utah, USA, im ilo London, England, im Manila, Philippines, im kar lilo̧k wōt n̄an charity ko laļ in.