Nuuj in Mijenede

Kōnnaan Ippān Baam̧le eo ilo M̧weo. Mijenede ro remālim n̄an kōnono ippān baam̧le ko aer kajjojo wiik ilo raan in kakkije eo ilo wāween text message, online message, kūrļo̧k ilo taļboon, im video chat ilo kakkobaba n̄an leta im email ko.

Kein jerbal in kōm̧m̧an karōk n̄an ro ejjab to remijenede. Juon online mission planning tool jān Church Missionary Department eo emaron̄ jipan̄ ro ejjab to remijenede n̄an ļapļo̧k aer mejmejkaruo im lukkuun kōlmenļo̧kjen ilo aer kālet n̄āāt eo renaaj lukkun pojak n̄an jerbal n̄an Irooj āinwōt juon mijenede.

Mijen in jerbal in jipan̄ ko. Jān Jānwōde 2018, Church-Service mijenede ro rej ņaetaer “service missionaries.” Aolep rūm̧man ded ro rej kanne n̄an jerbal in mijenede rej kōm̧man ilo juon wōt wāween, jān juon portal online, im aolep kūr ko an mijen—men̄e n̄an mijen in kwaļo̧k naan ko ak service mijen ko—rej itok jān rikanaan eo. Rūm̧m̧an ded ro rōrreo me kōn elōn̄ un ko rejjab maron̄ kōm̧m̧an mijen in kwaļo̧k naan remaron̄ kūr er n̄an juon service mijen.

Sister Mijenede ro remaron̄ ekōņak jero̧jij ko. Sister mijenede ro ewōr kiiō aer kālet n̄an ekōņak jero̧jij ilo m̧akūtkūt ko aer kajjojo raan, sister ro rej aikuj wōnm̧aanļo̧k wōt n̄an ekkōņak nukkun ko ak likko ko n̄e rej pād ilo tampeļ im ilo iien kabun̄jar ko ilo Jabōt, kweilo̧k ko an ritōl im zone, iien peptaij ko, iien nokon in jota ko ilo jikin kaminene eo. Ekōņak jero̧jij emaron̄ jipan̄ bōbrae sister ro jān kij in ņam̧, kōm̧āņāān sister ro ilo ijoko rem̧ōļo, im kom̧m̧an bwe en pidodo aer kojerbal bajekōļ.

Mijen ko kar ejaki, bar kajim̧we jem̧ļo̧k ko aer. Emen mijen ko rekāāl raar ejaak, im jon̄oulruo̧ mijen ko naaj ātiļo̧k n̄an mijen ko jet. Oktak rōt kein rej kōm̧m̧an jān iien n̄an iien n̄an kōm̧m̧an ekkar n̄an jo̧n̄an mijenede ro rej jerbal. Mijen ko rekāāl rej Democratic Republic of the Congo Kinshasa East, Guatama Antigua, Peru Limatambo, im Philippines Antipolo. Jinen im jeman mijenede ro ilo mijen kein jeļōti—men̄e rej ejaak ak jakoļo̧k—naaj kōnanik er kōn ennaan kāāl jān mijen būreejtōn ro.

Oran Missionary Training Center ko rebar oktak. N̄an kōkm̧anm̧anļo̧k kōjerbal missionary training cener ko peļaakin laļin, center ko rej kilōk ilo Argentina, Spain, Chile, im Dominican Republic. Ippān kilōk kein, Kabun̄ in enaaj jerbale 11 missionary training center ko, pād ilo Brazil; Colombia; England; Ghana; Guatemala; Mexico; New Zealand; Peru; Philippines; Provo, Utah, USA; im South Africa.

Pija in alooj ko kōn kōjparok. Pija in alooj eo 12-m̧ōttan ekāāl The Safety Zone kār kōm̧m̧ane n̄an kōļapļo̧k ineem̧m̧an eo an 65,000 mijinede ro im rej jerbal kiiō barāinwōt ro rejjan̄in de jerbal. Pija in alooj eo jinoin tata kar kōm̧m̧an en alooje jān ro ejjab to remejinede ippān jineer im jemaer ālkin aer bōk kūr in mijen eo aer im m̧okta jen aer deļo̧n̄e missionary training center eo. Ilo MTC, mijenede eo enaaj bar alooje pija eo jinoin tata barāinwōt pija ko 11. Iien n̄an iien kakememej ko an kōjparok naaj barāinwōt leļo̧k n̄an mijenede ro ilo aolepān mijen eo aer.