Wujlepļo̧k ej Kwaļo̧k “Jekļaj eo Ejjan̄in kar Waļo̧k M̧okta”

“Kabun̄ in enaaj wōr juon an jekļaj eo ejjan̄in kar waļo̧k m̧okta, eļap,” Būreejtōn Russell M. Nelson ekar ba ilo iien aje eo an Rome Italy Tampeļ ilo M̧aaj in 2009 eo. “Jej kab tōn ejaake pedped eo n̄an ta eo epād im̧aan kiiō.”

Ilo iien aje eo, aolep ro uwaan Būreejtōnji eo Kein Kajuon im Doulul eo an Jon̄oulruo Rijilōk ro raar, kōn ejkab kein kajuon, kar aiintok doon ilo juon jikin itulikin United States. “Āinwōt Rijilōk ro raan-kein an Jisōs Kraist,” Būreejtōn Nelson eaar ba, “ennaan eo jej kwaļo̧k rainin ejja āinwōt ennaan eo me Rijilōk ro etto rekar kwaļo̧k—bwe Anij emour im bwe Jisōs ej RiKraist eo.”

Ilo kakobaba n̄an aje tampeļ eo, Būreejtōn Nelson ekar kōnono n̄an jodikdik ro ilo jikin eo im ekar ioon Pope Francis, ej kab kein kajuon in an juon Būreejtōn an Kabun̄ in kar wōr juon jarlepju ippān jeban eo an Kabun̄ eo an Roman Catholic.

Riiti ennaan ko kōn Rome Italy Tampeļ eo im alooji pija ko jān Rome ilo ChurchofJesusChrist.org/prophets-and-apostles.