Elder Hans T. Boom
Ritōl Eutiej Jiljilimjuonn̄oul an Kabun̄ in
Ke Elder Hans T. Boom kar ruwalitōk iiō dettan, baam̧le eo an raar em̧m̧akūt jān Amsterdam n̄an jikin kweilo̧k Breda, ej pād ilo mōttan eo iturōk in Netherlands. Jemān, juon em̧m̧aan in Netherlands eo eaar rūttoļo̧k ilo Indonesia im eaar juon rioktak n̄an Kabun̄ in, ekar en̄jake bwe baam̧le eo an raar aikuj in em̧m̧akūt n̄an juon jikin kweilo̧k ekilep im jepļaak n̄an ļām̧orāān eo an aļap ro an.
Iien eo Elder Boom ekar pād ippān baam̧le eo an ilo branch jidikdik eo eaar kwaļo̧k bwe ekar juon jikin kaminene an jerbal in jipan̄ an Kabun̄ in—jerbal in jipan̄ eo ekar leļo̧k n̄an aolepān mour eo im naaj wōnm̧aanļo̧k wōt n̄an leļo̧k kūr eo an ekāāl āinwōt juon Ritōl Eutiej Jiljiljuonn̄oul.
“Aolep men ko ij erom im aolep men ko ewōr ippa ij m̧uri n̄an Irooj im iien ko rem̧m̧an Eaar litok n̄an eō n̄an ekkatak im eddōkļo̧k,” ej ba.
Ļotak ilo Juļae 13, 1963 eo, ilo Amsterdam n̄an Hans im Ankie Boom, Hans Theodorus Boom eo ej kein karuo rūtto tata iaan ajri ro emen nejin Boom ro. Ro jinen im jeman raar katakin gospel eo ilo m̧weo im kaketak ajri ro nejier n̄an buuļ jerbal.
Ke ekar 18, Elder Boom eaar jerbal ilo England London East Mijen eo. Jejjo allōn̄ ālkin an kar kadedeļo̧k mijen eo an, eaar ioon lio nej kar pāleen ilju jakļaj, Ariena Johanna “Marjan” Broekzitter, ilo juon kweilo̧k an rūm̧m̧an ded an Kabun̄ in. Ripālele in kar m̧are ilo Juļae 27, 1984 eo, ilo Rhoon, Netherlands, im kar liāp jilu raan tokālik ilo London England Tampeļ eo. Ewōr jilu nejier ļaddik ro.
Elder Boom eaar jerbal āinwōt juon rijeje n̄an principal eo an Markenhage College im juon rikappok armej n̄an Franchise Development Benelux eo. Ilo iien kar kūri n̄an juon Ritōl Eutiej Jiljilimjuonn̄oul an Kabun̄ in, eaar jerbal āinwōt juon sale menija n̄an MacLean Agencies.
Elder Boom ekar jerbal āinwōt juon Eria Jilimjon̄ooul, rikakpillōklōk ilo juon stake būreejtōnji, būreejtōn an Doulul eo an Likao ro ilo stake, branch būreejtōn, im rikakpilōklōk ilo juon branch būreejtōnji. Ilo iien kar kūri, eaar jerbal āinwōt juon rūkaki in institute im rijerbal an kain̄i an tampeļ ilo The Hague Netherlands Tampeļ eo.