Laajrak in Kein Katakin an Jemenere aikuj Ekkeijel wōt ippān Itok, Ļoor Eō

Ekkatak an Jemenere ipeļaakin laļ in ejjab to enaaj ekkeijel wōt ippān Itok, Ļoor Eō laajrak in kein katak eo im jikejuuļ eo, juon oktak me enaaj kōkm̧anm̧anļo̧k pedped ilo m̧weo, jipan̄ jān Kabun̄ in ilo wāween eo n̄an ekkatak gospel eo ilo juon wōt ilo m̧weo , Jabōt Jikuuļ, im jemenere.

Jino ilo 2020, kūlaaj ko an jemenere renaaj ekkatak ejja jān bok in jeje ko rekwojarjar me rej kōjerbali ilo Itok, Ļoor Eō laajrak in kein katakin eo ilo kajjojo iiō. Ijjeļo̧kin ļoor kōļōnta in iiō in jikuuļ eo, kooj in ekkatak an jemenere eo enaaj ļoor juon kōļōnta an juon iiō.

Ilo an ekkatak ko an jemenere naaj wōnm̧aanļo̧k wōt n̄an pedped wōt ilo jeje ko rekwojarjar, laajrak in kein katak eo enaaj ļapļo̧k an pedped ioon katak eo im naaj jipan̄ kōkajoorļo̧k, kōjparok, im kōpooj jodikdik ro n̄an mijen ko, m̧are, im jerbal in jipan̄ ilo Kabun̄ in.

Riiti juon tipdik in ennaan in eļapļo̧k—eo ekitbuuj juon link n̄an juon pija in alooj an ritōl ro an Kabun̄ in, ekoba Elder Holland, ej kōmeļeļeik oktak in—ilo ChurchofJesusChrist.org/go/519122.