O Le Malamalama o le Lalolagi

Saunia e Peresitrene Henry B. Eyring

Fesoasoani Lua i le Au Peresitene Sili

Fetuutuunai mai le Faigalotu o le Kerisimasi a le Au Peresitene Sili 2011.

O le malamalama o se tasi o faailoga sili ona matagofie o le soifua mai o Iesu Keriso. Ina ua soifua mai Iesu, sa Ia aumaia le malamalama i se lalolagi pogisa.

Sa aoao mai perofeta e faapea o le a avea le malamalama ma faailoga o le soifua mai o le Faaola. I tausaga a o lei soifua mai Iesu, na valoia e Samuelu le sa Lamana:

“O le a i ai malamalama tetele i le lagi, e oo ina leai se pogisa i le po a e lei afio mai ai o ia, e oo lava ina foliga mai i le tagata e peiseai o le ao.

“Ma faauta, o le a i ai se fetu fou e oso mai, o se ituaiga o fetu tou te lei vaai lava i ai” (Helamana 14:3, 5).

Sa taialaina e lenei fetu le Au Makoi ia Iesu e ifo atu ia te Ia. Na latou tuuina atu ia te Ia meaalofa taua o le auro, ma le pulu lipano, ma le pulu muro.

Ou te molimau atu o Iesu o le Keriso Soifua. E mafai ona tatou manatua o Ia ma taumafai ma o tatou loto atoa e alolofa e faapei foi ona alofa o Ia. O le agaga lena o le Kerisimasi. O le Agaga o le fiafia moni i aso uma. ●

Mulimuli i le Fetu

Ina ua soifua mai Iesu, na mulimuli le Au Makoi i le fetu. Valivali fetu o loo i lalo ina ia fesoasoani i le Au Makoi ia maua Iesu.