O le a se mea e mafai ona fesoasoani ia te au ou te malamalama ai i le tusi o Faaaliga?
Ona o perofeta o aso nei, ua tatou maua ai ni fesoasoaniga mo le malamalama ai i le tusi o Faaaliga. Na tuuina mai e Iosefa Samita ia i tatou ni ki taua i le tusi lenei. Mo se faataitaiga:
-
Mataupu Faavae ma Feagaiga 77. O lenei faaaliga o loo i se mamanu faatulaga o fesili-ma-tali ma tatou te maua ai se malamalamaaga taua i le tusi o Faaaliga. Ua faamalamalama mai ai ni elemene eseese o mataupu 4–11 ma o loo faamamafa mai ai le auala latou te fesootai ai i le galuega a le Alii i aso e gata ai.
-
O Le Faaliliuga a Iosefa Samita. E tele fuaiupu i totonu o le tusi o Faaaliga lea na fesoasoani Iosefa Samita e faamanino e ala i le faagasologa o lana faaliliuga musuia o le Tusi Paia. E mafai ona e maua nei mea i le fesoasoani mo suesuega i le scriptures.ChurchofJesusChrist.org.
Na fesoasoani Iosefa Samita ia tatou iloa o le tusi o Faaaliga e le o le le iloaina o mealilo e pei ona manatu ai nisi. Ma sa ia aoaoina foi i tatou, pe afai e lei tuuina mai e le Atua se faaliliuga o se faaaliga vaaia, o le a le faamasinoina i tatou ona o le iloaina (tagai i le Talafaasolopito o le Ekalesia, 5:343). Sa ia fesoasoani ia i tatou e iloa o le faamoemoega autu o le tusi o Iesu Keriso—le faamoemoe o loo ia i tatou e ala atu ia te Ia e manumalo ai i le lalolagi ma toe foi atu i le Tama Faalelagi.