Ang Pagkahimong sakop sa Simbahan Susama sa …

Aron makatabang sa pagsaulog sa ika-200 nga anibersaryo sa Unang Panan-awon, dinhi niini nga isyu atong gisaulog ang mga panalangin sa pagkahimong sakop sa Ang Simbahan ni Jesukristo sa mga Santos sa Ulahing mga Adlaw. Ania ang tulo ka paagi sa gihimong paghulagway sa mga lider sa Simbahan bahin sa pagkahimong sakop sa Simbahan.

Sama sa usa ka Monarch nga Alibangbang

“Sama sa monarch nga mga alibangbang, nagpanaw kita balik sa atong langitnong panimalay, diin didto atong ikahiusa ang Langitnon natong mga Ginikanan. Sama sa mga alibangbang, gihatagan kita og balaang mga hiyas aron makanabigar kita sa kinabuhi. … Sama nila, kon mabugkos kita sa paghiusa, panalipdan kita sa Ginoo … ug himoon kitang matahum nga kaleidoscope.”

Sister Reyna I. Aburto, Ikaduhang Magtatambag sa Kinatibuk-ang Kapangulohan sa Relief Society, “Magkahiusa” Liahona, Mayo 2018, 78.

Mahimong usa ka sumpay sa Kinabuhi ngadto sa Uban

“Kon maghupot kita sa atong mga pakigsaad, makapalahi kini kanato sa uban diha sa atong kultura ug katilingban, apan naghatag kini kanato og agianan sa inspirasyon aron makahunahuna kita og lahi nga mga solusyon, lahi nga mga paagi, lahi nga mga paggamit. Kita dili gayud kanunay mohaum sa kalibutan, apan ang pagkalahi sa positibo nga mga paagi mahimong kakapyutan sa uban nga nanlimbasug.”

Sister Sharon Eubank, Unang Magtatambag sa Kinatibuk-ang Kapangulohan sa Relief Society, “Pasigaa ang Inyong Kahayag,” Liahona, Nob. 2017, 8.

Kauban sa Choir

“Kini mao ang plano sa Dios nga dili tanan nga tingog sa choir sa Dios mao ra gihapon. Kinahanglan lain-lain—mga soprano, ug alto, mga baritone ug baho—aron makahimo og nindot nga huni. …

“… Ayaw biyai ang inyong katungdanan sa koro. Ngano man? Tungod kay kamo lahi; ug dili kapulihan. Ang pagkawala sa bisan sa usa lang ka tingog magpakunhod sa kaepektibo sa matag mag-aawit niining talagsaong koro sa atong kinabuhi, lakip ang pagkawala niadtong mibati nga dili ilado o wala dawata sa katilingban o sa Simbahan.”

Elder Jeffrey R. Holland sa Korum sa Napulog Duha ka mga Apostoles, “Mga Awit nga Naawit ug Wala Maawit,” Liahona, Mayo 2017, 49, 50.