Mga Istorya sa Kasulatan
Nag-ampo si Enos
Mga paghulagway pinaagi ni Apryl Stott
Si Enos nangayam sa kalasangan. Nagsugod siya sa paghunahuna mahitungod sa Dios.
Gusto siyang mas makaila sa Dios. Mao nga nag-ampo siya. Nadungog niya ang tingog sa Dios!
Miingon ang Dios nga tungod kay si Enos dunay pagtuo kang Jesus, gipasaylo ang iyang mga sala. Nalipay si Enos. Apan wala siya mohunong sa pag-ampo.
Si Enos nag-ampo alang sa iyang mga higala. Nag-ampo siya alang sa iyang mga kaaway. Nag-ampo siya mahitungod sa mga kasulatan. Padayon siyang nag-ampo sulod sa taas nga panahon!
Ako makaampo sa Dios bisan kanus-a, bisan asa. Makatabang ako sa ubang tawo pinaagi sa pag-ampo alang kanila. ●