Sa Unsang Paagi Kita Sulayan ni Satanas sa Paglingla?

2 Nephi 26–30 (Pebrero 24–Marso 1)

Si Nephi mipasidaan kanato mahitungod sa tulo ka malinglahon nga mga taktika sa yawa.

1. Masuko sa Maayo (2 Nephi 28:20)

Unsaon ni Satanas sa paghimo aron ang mga tawo masuko sa maayong mga butang?

Aniay pipila ka maayong butang nga posibling tintalon ni Satanas ang mga tawo sa pagkasuko:

Tradisyonal nga kaminyoon ug pamilya
Pagkamabination ug kamanggiloy-on alang sa tanan, lakip sa mga migrante ug sa mga refugee
Organisadong relihiyon

2. Kasayon ug Kawalay Kadasig (2 Nephi 28:21)

Sa unsang paagi si Satanas mohimo sa mga tawo nga makomportable kaayo nga sila mohunong na paghunahuna mahitungod sa pakigbatok sa dautan o mohunong sa pagpaningkamot nga molambo sa espirituhanong paagi?

Ania ang pipila ka bakak nga mahimong isulti sa yawa kanato aron kita mawad-an sa kadasig:

Ang importante sa tanan mao ang pagtagamtam sa kinabuhi ug pag-angkon og nindot nga butang.
Ang bisan unsa nga dili hayahay o dili komportable siguradong bati, busa likayi kini.
Basta makita lang nga maayo ang kinabuhi, mao kanay importante.

3. Walay Yawa, Walay Dautan, Walay mga Sangputanan (2 Nephi 28: 22)

Unsaon ni Satanas nga ang mga tawo mohunong sa pagtuo nga tinuod nga dunay yawa ug nga ang Dios mohukom kanato?

Ania ang pipila ka mga bakak nga isulti ni Satanas aron makombinser kita nga walay dautan ug walay mga sangputanan:

Ingon ani ra gyud ang kinabuhi, busa pagpakabuhi sa ingon niini.
Kon mobati nga anindot kini, sige buhata.
Tan-awa ang palibut. Ang mga dautan wala siluti. Mao nga nganong dili maglingaw-lingaw sama nila?

Semana 1

Mga paghulagway pinaagi ni Augusto Zambonato