Mahimo Akong Mag-ampo Sama ni Enos

Nag-ampo si Enos sa tibuok adlaw ug nakadungog sa tingog sa Dios! Basaha ang mahitungod niini diha sa Enos 1 sa Basahon ni Mormon o diha sa istorya nga “Si Enos Nag-ampo” nga anaa sa pahina H20.

Kon Ikaw Mag-ampo:

Sugdi pinaagi sa “Pinalanggang Langitnong Amahan …”
Pasalamati Siya sa mga panalangin.
Sultihi Siya mahitungod sa imong adlaw o sa imong mga pagbati.
Pangayo Kaniya kon unsay imong gikinahanglan o pag-ampo alang sa mga tawo nga nagkinahanglan og tabang.
Tapusa pinaagi sa “Sa ngalan ni Jesukristo, amen.”
Gahini og panahon ang pagpaminaw sa Espiritu Santo.

Posibling dili ka makadungog sa tingog sa Dios sama sa nahitabo ni Enos, apan makadawat ka og mga tubag sa ubang mga paagi, pinaagi sa mga hunahuna o mga pagbati. Usahay ang mga tubag dugay-dugay pa. Apan ang Dios nahigugma kanimo sa kanunay!

Ipapilit o i-tape kini nga mga litrato sa usa ka gamay nga kahon o sa piraso sa karton aron sa paghimo og usa ka talan-awon sa sugilanon ni Enos.

Mga paghulagway pinaagi ni Adam Koford