Dali, Sunod Kanako: Basahon ni Mormon

Unsa ang Agianan Paingon sa Kinabuhing Dayon?

2 Nephi 31–33 (Marso 2–8)

Makabalik kita sa Langitnong Amahan pinaagi sa paghimo ug pagtuman sa pakigsaad uban Kaniya. Si Jesukristo mipakita kanato sa agianan subay sa dalan niini nga pakigsaad, ug kita makaangkon og kinabuhing dayon pinaagi sa pagsunod sa Iyang ehemplo.

Unsa ang ganghaan paingon sa dalan sa pakigsaad? (Tan-awa sa 2 Nephi 31:17–18.) Unsaon nato sa pagpakita sa atong kaandam nga mosunod sa ehemplo ni Jesukristo ug pagtuman sa Iyang mga sugo?

Unsaon nato sa pag-uswag subay sa dalan? (Tan-awa sa 2 Nephi 31:16, 20; Mosiah 5:7–9.)

Ang sala mopalayo kanato sa dalan. Unsaon nato sa pagbalik? (Tan-awa sa 1 Nephi 10:18; 3 Nephi 9:13–14.)

Unsa nga panalangin ang atong madawat kon molahutay kita sa katapusan? (Tan-awa sa 2 Nephi 31:20.)

Panaghisgutan

Asa ka man diha sa dalan sa pakigsaad? Unsay imong buhaton aron magpadayon sa pag-uswag?

“Ngadto sa matag miyembro sa Simbahan moingon ko, pabilin diha sa dalan sa pakigsaad. Ang inyong pasalig nga mosunod sa Manluluwas pinaagi sa paghimo og mga pakigsaad uban Kaniya ug dayon sa pagtuman niadto nga mga pakigsaad moabli sa pultahan ngadto sa tanang espirituhanong mga panalangin ug pribilehiyo nga mahimong maanaa sa mga lalaki, babaye, ug mga anak bisan asa.”

Presidente Russell M. Nelson, “Samtang Dungan Kita nga Magpadayon sa Unahan,” Liahona, Abr. 2018, 7.

Semana 2

Mga paghulagway pinaagi ni J. Beth Jepson