Unsaon Nato nga Malikay sa “Pagtan-aw lapas sa Tumong”?

Ang propeta nga si Jacob mitudlo nga ang espirituhanong pagkabuta sa mga Judeo midangat tungod sa “pagtan-aw lapas sa tumong” (Jacob 4:14). Unsaon nato nga malikay sa pagtan-aw lapas sa tumong?

Unsa Man ang Tumong?

Ang “pagkabuta midangat [sa uban] tungod sa ‘pagtan-aw lapas sa tumong’ (Jacob 4:14) dihang si Kristo mao ang tumong.”

Elder Neal A. Maxwell (1926–2004) sa Korum sa Napulog Duha ka mga Apostoles, “Jesus of Nazareth, Savior and King,” Ensign, Mayo 1976, 26.

Unsay Buot Ipasabut sa Pagtan-aw lapas sa Tumong?

Diha sa pagpanâ, kon gusto nimong maigo ang target, kinahanglang itumong nimo kini. Ang paglapas og tan-aw sa target mosangput nga mosipyat ka. Posibling usa kana sa hinungdan nga ang pulong nga sala diha sa Bag-ong Tugon naggikan sa Gresyanhong pulong nga hamartia, nagpasabut nga “pagkasipyat sa tumong.” Unsang mga sala sa mga Judeo ang gilista diha sa Jacob 4:14?

Unsaon nga Atong Maigo ang Tumong?

“Kon ang atong primerong gi-focus, gihunahuna, ug gipaningkamutan nakasentro sa pagpalambo sa atong gugma alang sa Labing Gamhanan nga Dios ug paghatag sa atong kasingkasing sa uban, mahibaloan nato nga atong nakit-an ang eksaktong target ug nagpunting kita sa bull’s-eye—nga mamahimong tinuod nga mga disipulo ni Jesukristo.”

Elder Dieter F. Uchtdorf sa Korum sa Napulog Duha ka mga Apostoles, “Pagpunting sa Sentro,” Liahona, Ene. 2017, 5.

Semana 3

Litrato gikan sa Getty Images