Ang Matinabangon nga Kamot ni Jesus
Kausa miadto kami sa dulaanan sa mga bata. Usa sa mga kalihokan mao ang taas kaayo nga bungtod, diin nagkinahanglan ka nga mokatkat gamit ang pisi. Gisulayan nako kini sa daghang higayon, apan hangtud ra gyud sa ikatulo nga bahin ang akong maabut. Sa dili pa ko makaabut sa tumoy, matagak ko nga magdailos padung sa ubos sa bungtod.
Akong gibati nga dili gyud ko makalahos sa ibabaw. Dayon ang usa ka empleyado dali nga mikatkat sa ibabaw sa bungtod ug gitunol ang iyang kamot gikan didto. Uban sa iyang tabang, dali ra kong nakaabut sa ibabaw.
Nianang gutloa naghunahuna ko mahitungod ni Jesus. Gihimo Niya ang samang butang para kanato. Kon buhaton nato ang pinakamaayo apan dili gihapon makab-ot ang atong tumong, Iyang itunol ang iyang matinabangong kamot ngari kanato. Kini nga kasinatian usa ka espiritwal kaayo alang kanako, ug hinumduman ko kini sa tibuok nakong kinabuhi. ●
Paghulagway pinaagi ni Maren Scott