សន្និសីទទូទៅច្រើនឆ្នាំកន្លងមក

ឥឡូវនេះជាឆ្នាំទី ១៩០ សន្និសីទទូទៅគឺជាប្រពៃណីដែលមានយូរមកហើយរៀងរាល់ខែ មេសា និងខែ តុលា ប៉ុន្តែមានការផ្លាស់ប្ដូរដ៏គួរឲ្យចាប់អារម្មណ៍មួយចំនួនជាច្រើនឆ្នាំកន្លងមកនេះ ៖

ឆ្នាំ ១៨៣០

ពីរខែបន្ទាប់ពីសាសនាចក្រត្រូវបានបង្កើតឡើង យ៉ូសែប ស៊្មីធ បានធ្វើជាអធិបតីនៅសន្និសីទទូទៅលើកដំបូងបង្អស់នៅភូមិហ្វាយែត រដ្ឋញូវយ៉ក ។ មានសមាជិកប្រហែលជា ៣០ នាក់ និងអ្នកផ្សេងទៀតមួយចំនួនបានចូលរួម ។
ឆ្នាំ ១៨៥០

Deseret News បានបោះពុម្ពរបាយការណ៍ពេញលេញដំបូងបង្អស់របស់សន្និសីទដោយសារតែអ្នកយកព័ត៌មានវ័យក្មេងម្នាក់ឈ្មោះ ចច ឌី វ័ត បានមានលទ្ធភាពក្នុងការចម្លងសុន្ទរកថាទាំងឡាយជាអក្សរកាត់ ។
ឆ្នាំ ១៨៦៧

សន្និសីទទូទៅបានធ្វើឡើងបួនថ្ងៃជំនួសឲ្យបីថ្ងៃដែលធម្មតាត្រូវបានធ្វើឡើង ដោយសារតែក្រុមជំនុំបានបោះឆ្នោតឲ្យនៅបន្តមួយថ្ងៃទៀត ។
ឆ្នាំ ១៩២៤

មីក្រូហ្វូនត្រូវបានប្រើជាលើកដំបូងនៅឯវេទិកានៅក្នុងរោងឧបោសថ ។ ពីមុន អ្នកនិយាយត្រូវតែពឹងផ្អែកលើកម្លាំងសំឡេងរបស់ពួកគាត់ផ្ទាល់ដើម្បីឲ្យគេបានឮ ។
ឆ្នាំ ១៩៤៩

ការប្រើម៉ាស៊ីនថតនៅក្នុងរោងឧបោសថ សន្និសីទត្រូវបានចាក់ផ្សាយលើទូរទស្សន៍ជាលើកដំបូង ។
ឆ្នាំ ១៩៦២

សុន្ទរកថាត្រូវបានបកប្រែជាភាសាផ្សេងៗទៀត—ភាសាអាល្លឺម៉ង់ ភាសាហូឡង់ និងភាសាអេស្ប៉ាញ—ជាលើកដំបូងនៅក្នុងរោងឧបោសថ ។ ឥឡូវសុទ្ធរកថាត្រូវបានបកប្រែជាង ៩០ ភាសា ។
ឆ្នាំ ១៩៦៧

សន្និសីទទូទៅត្រូវបានចាក់ផ្សាយនៅលើទូរទស្សន៍មានពណ៌ ។ បុរសក្នុងក្រុមចម្រៀងរោងឧបោសថបានពាក់អាវពណ៌ខៀវខ្ចី ហើយស្ត្រីបានពាក់អាវពណ៌ត្រីសាលមុន ។
ឆ្នាំ ១៩៧៧

ការផ្លាស់ប្ដូរពីបីថ្ងៃ និងប្រាំមួយសម័យប្រជុំ សន្និសីទបានធ្វើឡើងចំនួនពីរថ្ងៃ ហើយមានប្រាំសម័យប្រជុំ ។
ឆ្នាំ ២០០០

មជ្ឈមណ្ឌលសន្និសីទថ្មីនៅទីក្រុងសលត៍លេក មាន ២១០០០ កៅអី បានរៀបចំសន្និសីទទូទៅលើកដំបូងរបស់វា ។

រចនារូបភាពវេទិកាដោយ ដេវីឌ ហ្គ្រីន; រូបថតនៃទូរទស្សន៍មកពីរូបភាព ហ្គេតធី