Lokol Pej
Ol Komuniti Lida long Vanuatu Oli Joen long Ol Lata-dei Sent blong Makem Wetem Respek 200 Yia blong Fas Visen
Long Mandei, 9 Maj, 2020, ol lida blong komuniti, gavman, bisnis nara fet oli kam tugeta wetem ol lida blong Jos Ia blong Jisas Kraes blong Ol Lata-dei Sent long Port Vila, Vanuatu blong makem wetem respek 200 yia blong Fas Visen blong Josef Smit.
Elda Ian S. Ardern, Presiden blong Jos long Pasifik Eria, i talemaot tangkyu blong hem long olgeta evriwan we oli bin kam from evri samting we oli stap mekem blong blesem wanwan man, woman, famli mo komuniti.
Hem i givim wan bigfala lukluk blong “Fas Visen,” we i taem ia we i stamba long histri blong Jos Ia blong Jisas Kraes blong Ol Lata-dei Sent.
Ol memba blong Jos Ia blong Jisas Kraes blong Ol Lata-dei Sent i bin pat long hem long Vanuatu stat long 1973. Jos i bin stat long Vanuatu wetem sam misinari mo sam memba blong ol famli blong Samoa mo Tonga. Naoia i gat kolosap long 10,000 memba long Jos long Vanuatu, long 35 kongregesen. Olgeta i pat long wan wol waed membasip blong ova 16 milian.
Elda Ardern i bin serem sam apdeit long sam long ol yumaniterian mo komuniti projek we Jos i bin sponsarem long Vanuatu mo truaot long wol.
Hem i talem, “Lav blong mifala long God mo tingting blong hat blong mifala blong folem Boe blong Hem, Jisas Kraes, i lidim mifala blong faenem ol wei blong lavem mo givim seves long neba blong mifala.”
Hem i talem, “Ol lata-dei sent oli traem blong stap olsem ol gudfala sitisen, gudfala neba, mo resemap ol strong famli. Taem i gat wan man, famli o komuniti long nid, mifala i traem blong stap olsem ol faswan blong givhan.”
Blong klosem, Elda Ardern i talemaot tangkyu blong hem long ol pipol truaot long Vanuatu we olgeta tu, oli stap traem blong gat ol gud laef mo helpem ol narawan folem rod.
Hem i talem, “Mi hop mo prea se yumi save gohed blong wok tugeta, kolosap mo moa gud bitim bifo, blong leftemap ol laef, mekem ol famli i kam strong mo kontribiut blong stap kea mo lavem ol komuniti.”