Ana iteraniba te aono
Kaain te Ekaretia i Kiribati a Ibuobuoki n Aia Komiuniti
A kaeka kaain te taromauri bwa a na ira te kakao n “Nakomai ao Ibuobuoki”.
Membwa ao raoraoia kaain Ana Ekaretia Iesu Kristo ibukiia aika Itiaki ni Boong aika Kaitira ni kabuta te Betebeke Maeao a tia ni butimwaea namwakainan “Nakomai ao Ibuobuoki”.
Taan kairiiri n te Aono a kaoia membwa ao raoraoia n ataa kainnanon te komiuniti ao imwiina ana baireia ke ni karaoa te bwai teuana ni karaoa te bitaki ae nakoraoi. Mataku n te kakao n te witeo n te Facebook.
Ni kaungaaki man te kakao aei, Aika Itiaki ni Boong aika Kaitira n aia taromauri membwa mai Buota I Tarawa Ieta, Kiribati, a kaitibo n ana Tabo ni Mwakuri te Bootaki n Akawa i Tanaea n te tai ae aki maan n nako ni kaitiaki iaon tano.
Te mwakuri e raonaki ma korean uteute, korean ao kauarerekei baan kaai, rikoan ao karenakoan maange.
N aron are e taekinna Ataake Tekanene, are e ira te mwakuri n ibuobuoki, mwaane ake a ira te kaitiaki “a rangin ni kukurei n te waaki n ibuobuoki are karaoaki.”
Imwiin te kaitiaki, te amwarake ao te mooi a katauraoaki ibukiia taan mwakuri.