“Elder James W. McConkie III,” Liahona, Me 2022.
Elder James W. McConkie III
Fitugafulu o le Pulega Aoao
Ina ua taunuu Elder James W. McConkie III i Siekisolovakia i le 1990 o se faifeautalai talavou, sa o ese mai le atunuu mai le faakomunisi ma ua saunia e amata ona toe sailiili i faamatalaga faalelotu ma faatuatuaga. “Sa ou i ai i le nofoaga sa‘o i le taimi sa’o faatasi ma tagata sa’o,” o lana tala lea.
Sa ia toe foi mulimuli ane i le eria o se tagata tomai faapitoa talavou, na faavaeina se faalapotopotoga e le sue tupe, ona auauna atu ai lea o se peresitene o le Misiona a Siekisolovakia/Silovaka.
Ina ua 12 ona tausaga, sa valaaulia o ia e ona matua e suesue i tusi a taitai o le Ekalesia ona talanoaina lea o mea sa ia faitauina. “Sa talitonu lo‘u tama ma lo’u tina i le taua o le aoaoina o le la fanau i le talalelei, e pei ona fautuaina mai i le Mataupu Faavae ma Feagaiga,” na saunoa ai Elder McConkie. “O le vaega 68 ua valaaulia ai matua e aoao a latou fanau ‘aoaoga faavae o le salamo’ ma le ‘faatuatua ia Keriso’ (fuaiupu 25). Sa matuai manatu mamafa i ai o‘u matua.”
O lona lagona mo le mana o le talalelei e suia ai tagata na ulu ifo i le taele o lona agaga. Sa ia vaaia lena lava mea e tasi na tupu i le Au Paia i le Ripapelika o Siekisolovakia ma Solovakia.
Sa soifua mai Elder James Wilson McConkie III i le Aai o Sate Leki, Iuta, ISA, i le aso 27 Aokuso, 1971, ia James Wilson McConkie II ma Judith Miller McConkie. Na ia faaipoipo ia Laurel Springer ia Iulai 1995, i le Malumalu o Sate Leki. E toafa o la alo.
Sa faauu Elder McConkie mai le Iunivesite o Iuta ma se faailoga o le tagata malaga i talafaasolopito i le 1995 ma maua ai se faailoga faaloia i le 1999 mai le National Law Center i le Iunivesite o Siaosi Uosigitone. Talu ai nei lava sa ia faigaluega ai o se loia i Workman Nydegger ma o se faatonusili o le Wallace Toronto Foundation, lea sa ia fesoasoani e faavae.
Sa auauna atu Elder McConkie o se peresitene o le siteki i le taimi o lona valaauga. Sa ia auauna atu foi o se epikopo, fautua maualuga, fesoasoani i le au epikopo, taitai misiona a le uarota, fesoasoani i le au peresitene o le korama a toeaina, faiaoga sauniuni mo le misiona, faiaoga o Aoaoga Faavae o le Talalelei, ma le peresitene o Alii Talavou a le uarota.