Tracy Y. Browning

Fesoasoani Lua i le Au Peresitene Aoao o le Peraimeri

Pe tusa o le 15 tausaga le matua o Tracy Y. Browning i le taimi na vaai ai lona tina i se faasalalauga o le Tusi a Mamona i le tuneva o le po i le televise ma talosagaina se kopi maua fua.

I se taimi puupuu lava, sa tuitui atu ai faifeautalai o le Au Paia o Aso e Gata Ai i lona faitotoa, tuuina atu le Tusi a Mamona, ma amata ona aoaoina o ia i le talalelei a Iesu Keriso.

I lena taimi, sa nofo Tracy i New Jersey, ISA, ma lona tama, ae sa masani ona ia asiasi atu i lona tina i Niu Ioka, ISA. A o asiasi atu, sa matauina e Tracy ma le fiailoa a o agai atu lona tina i laasaga o le papatisoga.

Faatasi ai ma lona tinamatua, sa auai Tracy i se lotu Kerisiano, lea sa ia aoaoina ai talitonuga faavae faaKerisiano. E lei umi ae amata ona auai Tracy ma lona tina i sauniga tapuai a le Au Paia o Aso e Gata Ai.

Na oo mai le aafiaga taualuga ina ua auai atu le tina ma le afafine i le Faaaliga i le Mauga o Kumora. O le tu ai i le Vao Paia, auai i le lotu, ma le faalogologo i savali o le talalelei i ni auala fou na uunaia ai o ia. Sa ta‘u atu e Tracy i lona tina ua saunia o ia e aoao atili e uiga i le Ekalesia.

“Sa vave ona ia tuuina au i luma o faifeautalai ina ua mavae lena,” o le tala lea a Sister Browning.

Sa soifua mai Tracy Yeulande Browning i New Rochelle, Niu Ioka, i le aso 9 o Oketopa, 1976, ia Clive Adams ma Sharon Cox. Sa soifua ae o ia i Jamaica, New Jersey, ma Niu Ioka. Na faaipoipo o ia ia Brady Browning i le Malumalu o Sate Leki i le aso 2 Me, 1997. E toalua o la alo.

Sa aoga Sister Browning i le Iunivesite o St. John. Sa galue o ia i auaunaga tautupe mo le 15 tausaga ma ua avea nei ma faatonusili i le Matagaluega o Auaunaga o lomiga a le Ekalesia. Sa volenitia foi Sister Browning i le National Multiple Sclerosis Society, Habitat for Humanity, ma le United Way‘s Day of Caring.

Sa auauna atu Sister Browning o se fesoasoani i le au peresitene o le Aualofa a le uarota ma le siteki, o se faiaoga o le Aualofa ma le Aoga Sa, ma i le faalapotopotoga a Tamaitai Talavou. Sa galue o ia i le aufono faufautua aoao a le Aualofa ina ua valaauina o ia i le Au Peresitene Aoao o le Peraimeri.