E Faafeiloai atu mai i Lenei Lomiga
Valaauliaina o le Agaga i o Tatou Olaga
O Le Talisuaga Mulimuli, saunia e Simon Dewey
O le Talisuaga Mulimuli sa sili atu nai lo se taumafataga mo Aposetolo; o se taimi faavavega ma paia le i ai i le afioaga o lo latou Alii. O tatalo o le faamanatuga e tuuina mai ai se vavega faapena ia i tatou a o faamanuiaina i tatou i Lona Agaga e faatasi ma i tatou (tagai i le Mataupu Faavae ma Feagaiga 20:77, 79). E mafai faapefea ona tatou, e pei o Aposetolo, lagona le latalata atu i le afioaga o le Faaola?
I lana tusiga i le itulau e 4, o loo faamalamalama mai ai e Elder David A. Bednar e faapea “o lo tatou tiutetauave paia o le atiina ae lea o mausa paia e valaaulia ai le Agaga o le Alii e faatasi ma i tatou i taimi uma.” O le mulimuli ai i le fautuaga i lana tusiga e mafai ona fesoasoani ia i tatou e atiina ae ai mausa paia, e ui atonu e laiti, e mafai ona faalatalata atili atu ai i tatou ia Iesu Keriso.
I le itulau e 40, ou te faasoa atu ai lo’u aafiaga i le maliu ai o lo’u toalua, o lē sa ma’i a o ma nonofo ai i le Eria o Europa Sasae. E ui o se taimi faigata lenei mo a’u, ae o le aafiaga na oo mai i lou mafaufau a o o’u tauivi ma le auala e talanoa ai e uiga i le vavega o le lagonaina o le alofa mutimutivale o le Faaola i ni auala e le’i faamoemoeina.
O se vavega le lagonaina o le i ai o le Alii i o tatou taimi o le tuuatoatasi, tofotofoga, ma vaivaiga. E mafai ona tatou filifili e atiina a’e ni mausa paia o le a valaaulia ai le Agaga i o tatou olaga. Ou te tatalo o le a tatou sailia le malosi ma le taitaiga ua naunau le Atua e tuuina mai ia i tatou e ala i le meaalofa faalelagi o le Agaga Paia.
Ma le faamaoni lava,
Peresitene Susan H. Porter
Peresitene Aoao o le Peraimeri