Sau, Mulimuli Mai ia te A’u

Luka 22; Ioane 18

E Mafai Faapefea Ona Tatou Atiina A’e se Vaaiga e Faavavau?

tamaitai o loo tatalo

Ao puapuagatia Iesu Keriso mo i tatou taitoatasi i le Faatoaga o Ketesemane, na Ia tatalo atu, “Lo’u Tama e, a e finagalo i ai, ia e aveese lenei ipu ia te au: a e aua le faia lo’u loto, a o lou finagalo” (Luka 22:42). Sa lei aveesea le ipu. Sa ia gauai atu i le finagalo o le Tama ma “inu ma faauma ai [Ana] tapenapenaga mo le fanauga a tagata” (Mataupu Faavae ma Feagaiga 19:19).

Na faapefea ona maua e Iesu Keriso le malosi e onosaia ai? O se vaega o le tali atonu na Ia silafia o Lona malo e lē mai lenei lalolagi (tagai Ioane 18:36). O Lona puapuagatia na saunia ai le ala mo se mea e lē iu lona tāua—o se auala mo i tatou e ulu atu ai i Lona malo.

Auala e Atiina Ae ai se Vaaiga e Faavavau

E pei o Keriso, e mafai ona tatou maua se vaaiga e faavavau. “O se vaaiga faaletalalelei e faalauiteleina lo tatou vaai atu i se vaaiga faavavau. A e faaaogaina matatioata faaletalalelei, o le a maua le taulaiga ma le vaaiga mamao i le ala o e mafaufau ai e uiga i au mea e faamuamua, ou faafitauli, ou faaosoosoga, ma e oo lava i au mea sese. O le a e vaai i se malamalama susulu atu e le mafai ona e vaaia e aunoa ma i latou” (Gary E. Stevenson, “Gasetoto Faaleagaga,” Liahona, Nov. 2017, 45).

O auala nei e fa e mafai ona tatou mulimuli ai i le faataitaiga a Iesu Keriso ma atiina a’e ai se vaaiga e faavavau. E pei o Ia, e mafai foi ona tatou maua le malosi e fai atu ai, “Aua le faia lo’u loto, a o lou finagalo.”

1. Tatalo ma le faamaoni (tagai Luka 22:41–42).

2. Atiina a’e se sootaga o le alofa ma le lotogatasi ma le Atua (tagai Ioane 17:20–26).

3. Faalagolago i le fesoasoani faalelagi (tagai Luka 22:43).

4. Vaavaai i talaatu o le taimi nei (tagai Ioane 18:36–37).

Talanoaga

E faapefea e le sailia o le alofa mama, po o le alofa paia o Keriso, ona fesoasoani ia i tatou e faaogatusa o tatou loto ma le finagalo o le Tama Faalelagi? (tagai Ioane 15:13).