2023
Sootaga Loloto atu ia Keriso
Iuni 2023

“Sootaga Loloto Atu ia Keriso,” Liahona, Iun. 2023.

Mo Mātua

Sootaga Loloto atu ia Keriso

tagata o loo ‘aai ma feinu i le faamanatuga

Ata na pueina e Machiko Horii

Mātua Pēlē,

O le lomiga o lenei masina o loo i ai tusitusiga o loo aoao mai ai ia i tatou le auala e mafai ai ona tatou faalolotoina a tatou sootaga ia Iesu Keriso. I le avea ai o se aiga, e mafai ona outou iloiloina le matafaioi a le Agaga Paia i le taitaiina atu o i tatou i lo tatou Faaola, le mana faapaiaina o Iesu Keriso a o tatou aai ma feinu i le faamanatuga, ma le alofa mutimutivale paia o loo maua e ala i le Togiola a le Faaola.

Talanoaga o le Talalelei

O Se Sootaga Faalefeagaiga

Faasoa atu i lou aiga nisi o aoaoga mai le tusiga a Elder David A. Bednar i le itulau e 4. Talanoa ma lou aiga e uiga i feagaiga na osia pe o le a osia e tagata taitoatasi. O le a le matafaioi a le Agaga Paia e fai e fesoasoani ai ia i tatou e tausia a tatou feagaiga ma manatua Iesu Keriso?

Matafaioi a le Agaga Paia

I le faaaogaina o le tusiga Faavae o le Talalelei o loo i le itulau e 22, talanoa ma lou aiga po o ai le Agaga Paia ma po o a matafaioi o loo Ia faia i le fuafuaga a le Tama Faalelagi. Faasoa atu ni aafiaga na e lagonaina ai le Agaga Paia pe mulimuli i Ana uunaiga.

Alofa Mutimutivale Faalelagi

I le itulau e 40, ua tuuina mai ai e Peresitene Susan H. Porter ni malamalamaaga i le tala ia Iesu o faamaloloina le taliga o se tagata na auina atu e pue faapagota o Ia. Faitau le tusiga ona talanoaina lea ma lou aiga le matafaioi o le alofa mutimutivale mo le tagata ma Peteru, o lē na tipieseina le taliga. Pe na i ai ni taimi na e manaomia ai se tasi po o nei ituaiga uma e lua o le alofa mutimutivale?

Mea Mālie Faaleaiga o le Sau, Mulimuli Mai ia te A’u

Faamalosia o Isi

Luka 22

Na tuuina atu e Iesu Keriso ia Peteru lenei fautuaga i le liua: “Pe a liua mai oe, ona e faamalosi ai lea i ou uso” (Luka 22:32).

  1. Faitau faatasi ma lou aiga le Luka 22:32 .

  2. Valaaulia tagata o le aiga e nonofo i luga o le fola.

  3. Fai atu ia i latou e taumafai e tutu i luga e aunoa ma le faaaogaina o ō latou lima e faapaleni ai.

  4. Filifili ni tagata se toalua o le aiga e nonofo i luga o le fola, e feu’ai papatua, ma felave’ai ogalima.

  5. Faatonu tagata o le aiga e tulei le tasi i le isi i le taimi e tasi ma tutu i luga. O le galulue faatasi, o le a faigofie atu ai le tutu i luga.

  6. Toe fai le taaloga seia maua e tagata uma se avanoa e galulue faatasi ai.

Talanoaga: A oo ina tatou liua moni i le talalelei a Iesu Keriso, e mafai ona tatou faamalolosia isi. O a ni auala e mafai ai e le Tama Faalelagi ona faamalolosia i tatou? E mafai faapefea ona tatou faaaogaina lo tatou liua e faamalosia ai isi?