“E Mafai Faapefea e le Agaga ona Fesoasoani ia Ou Avea ma se Soo Sili Atu?” Liahona, Iuni 2023.
Sau, Mulimuli Mai ia te A’u
E Mafai Faapefea e le Agaga ona Fesoasoani ia Ou Avea ma se Soo Sili Atu?
I le Ioane 14–16, o loo ta’u soo mai ai e Iesu Keriso i Ana Aposetolo o le a latou maua le Fesoasoani pe a afio ese o Ia. E masani ona tatou mafaufau i le Fesoasoani o lē e tuuina mai ia i tatou le filemu pe a tatou atuatuvale pe fefefe. Ae o le meaalofa o le Agaga Paia e tele mea e faia mo i tatou, e aofia ai le fesoasoani ia i tatou e faataunuu lo tatou faamoemoega o ni soo o Iesu Keriso.
O lo tatou faamoemoega? Ia avea e faapei o lo tatou Matai
“O se soo o se tasi ua uma ona papatiso ma ua naunau e tauave i ona luga le suafa o le Faaola ma mulimuli ia te Ia. E taumafai se soo ia avea e faapei o Ia e ala i le tausia o Ana poloaiga i le olaga nei, e tutusa lava ma le sailia e se tagata faataitai ia avea e faapei o lona matai” (Robert D. Hales, “Avea ma se Soo o lo Tatou Alii o Iesu Keriso,” Liahona, Me 2017, 46).
Ina ua mavae le maliu o le Faaola, sa faaaoga e Ona soo le meaalofa o le Fesoasoani e faaauau ai ona avea e faapei o lo latou Matai. I mau nei, e faapefea ona fesoasoani le Fesoasoani ia i latou?
E faapefea ona fesoasoani le Agaga i le au soo e talai atu le talalelei? | |
E faapefea ona fesoasoani le Agaga ia Peteru ma Ioane e tutu o ni molimau a Keriso? | |
E faapefea ona fesoasoani le Agaga ia Setefano e faia vavega? | |
E faapefea ona fesoasoani le Agaga ia Filipo, Peteru, ma Ioane ia alolofa ma ositaulaga mo o latou tuaoi? | |
E faapefea ona fesoasoani le Agaga i taitai o le Ekalesia ia iloa ma faatino le finagalo o le Atua? |