Brata Gabriel W. Reid

Seken Kaonsela long Sandei Skul Jeneral Presidensi

Long Gabriel W. Reid, wan long naes pat blong stap olsem wan misin lida, i blong luk ol misinari oli “kakae gud long ol toktok blong Kraes,” developem wan lav blong ol skripja, mo wantem blong kam moa olsem Sevya.

“Sapos yu faenemaot gud olsem wanem blong mekem ol gospel stadi blong yu i kam ‘swit’ long yu, olsem we i talem long ol skripja [luk long Alma 32:28], long taem taem ia nao bae laef blong yu i stap jenis,” Brata Reid i talem, taem hem i stap kam long en blong seves blong hem olsem presiden blong Ostrelia Sidni Misin long Julae.

Brata Reid i bon i kam long wol long Pago Pago, Ameriken Samoa. Hem i toktok lanwis Samoa, Spanis, mo Inglis. Long lanwis blong Samoa, hem i talem se toktok ia kakae gud insaed long Buk blong Momon, oli transletem se “taumamafa fiafia” mo long Spanis hem i “deleitar.” Hem i talem se tugeta toktok i soem fasin blong stap glad.

Olsem wan kaonsel insaed long niufala Sandei Skul Jeneral Presidensi, “mi mi glad tumas blong helpem ol narawan blong luk hamas glad i stap taem yu stap openem ol skripja,” hem i talem.

Gabriel “Gabe” Walter Po’u Reid i bon i kam long wol long 28 Mei, 1977, mo Papa blong hem Eugene Reid mo mama blong hem Tupu Reid. Hem i groap long vilej blong Leone long Ameriken Samoa. Lav blong hem long God mo hat blong hem we i wantem blong putum God faswan, i stat long wan yangfala yia mo hemia i helpem hem taem hem i stap plei long futbol tim blong Brigham Young University stat long 1999 kasem 2002, mo afta hem i gohed long talen blong hem long National Football League stat long 2003 kasem 2006.

Long taem ia blong laef blong hem, hem i lanem wan lesen we i gat fulap valiu: “Taem Lod i talem long yu blong mekem wan samting, yu mas ‘givim evri samting we yu gat.’”

Brata Reid i maredem Heather Lynn Sasse long Baontiful Yuta Tempol long 24 June, 2000. Tufala i gat fo pikinini. Hem i graduet long BYU wetem wan bajela digri long ol intanasonol rilesensip. Tedei hem i gat wan konstraksen manejmen kampani.

Antap long wok blong hem we hem i stap prisaed ova long Ostrelia Sidni Misin, Brata Reid i bin givim seves olsem wan stek presidensi kaonsela, hae kaonsela, wod Yang Man presiden, tempol odinens wokman, mo wan fultaem misinari long Chile Santiago South Misin stat long 1996 kasem 1998.