“Elda Christopher H. Kim,” Liahona, Mei 2024.
Elda Christopher H. Kim
Jeneral Atoriti Seventi
Taem Elda Christopher H. Kim i gat 14 yia mo hem i bin gat janis ia blong serem gospel wetem ol fren blong hem, hem i luksave se hem i nidim blong save trutok abaot Buk blong Momon blong mekem se hem i save toktok wetem strong bilif.
“Taem mi prea abaot Buk blong Momon, sol blong mi filim kamfot,” hem i talem. “Mo olsem nomo, i nomo gat eni kwestin o tu tingting abaot Buk blong Momon.” Blong fas taem long laef blong hem, hem i talem, “Mi rili filim Spirit, mi save trutok abaot Buk blong Momon, mo mi save se Josef Smit hem i wan profet blong God.”
Christopher Hyunsu Kim i bon i kam long wol long 18 Novemba, 1965, long Daegu, South Korea, mo hem i fas bon aot long fofala pikinini blong Chinho Kim mo Kuncha Kim. Papa mo mama blong hem i joenem Jos taem hem i wan smol bebi. Elda Kim laef long Daegu kasem taem hem i graduet long hae skul mo famli blong hem i muv i go long Yunaeted Stet, mo oli go stap long Saot Kalifonia.
Taem hem i stap givim seves long wan misin long Washington Seattle Misin, Sista Seongmi (Sue) Hong i stap givim seves long California Los Angeles Misin. Taem hem i stap long we, hem i kam blong save mama blong Elda Kim. Afta, Elda Kim mo Sista Hong i finisim misin blong tufala mo tufala i stat blong deit. Tufala i mared long7 Disemba, 1991, long Los Anjeles Kalifonia Tempol. Tufala i gat wan boe mo tri gel.
Elda Kim i graduet long Brigham Young University wetem wan bajela digri long sosioloji long 1995 mo afta masta blong bisnis administresen long 1997. Afta long skul blong hem, hem i wok long Ol Yunaeted Stet, Tailan, mo Saot Koria. Stat long 2005, hem i bin wok long Unicity International, wan bisnis we i stap long Yuta, we i mekem ol prodak blong kaekae mo mekem man o woman i naes, mo i no longtaem i pas, hem i kam presiden blong ol maket blong olgeta raon long wol mo oli stap long Seoul, Saot Koria.
Elda Kim i bin givim seves olsem wan Eria Seventi stat long 2019. Hem i givim seves tu olsem wan stek presiden, kaonsela blong stek presidensi, stek misin presiden, mo hae kaonsela.