Elda Gregorio E. Casillas

Jeneral Atoriti Seventi

Gregorio Enrique Casillas i bon i kam long wol long Tijuana, Baja California, Mexico, long 26 Ogis, 1975. Hem i bin stap long we kasem taem hem i givim seves olsem wan fultaem misinari long Meksiko Tampiko Misin.

Alma Angelina Obeso Gonzalez mo hem tufala i sil long San Diego Kalifonia Tempol long Jun 1999. Tufala i papa mo mama blong trifala pikinini.

Bifo tufala i mared, tufala i stap laef 161 kilomita longwe long tufala taem Elda Casillas i stap stadi long Tijuana, mo Sista Casillas i stap stadi long Mexicali. Long ol manis bifo we bae tufala i mared, tufala i prea mo lego kaekae, blong save weaples blong stap long hem mo statem famli blong tufala. Elda Casillas i tingbaot filing ia we hem i bin gat we i kam long Tabu Spirit.

“Mi tingbaot taem mitufala i lego kaekae, mi harem Lod i stap talem, ‘Sapos maonten blong yu hem i La Rumorosa [wan bigfala maonten we i stap long medel blong tu siti], bae mi karemaot,’” Elda Casillas i talem.

Hem i talem se Lod i bin kliarem rod blong mekem se tufala i save stap long Mexicali taem yunivesiti we hem i no tingting se bae oli akseptem hem, oli akseptem hem olsem wan transfea studen.

Long Mexicali, “mifala i bin mitim ol pipol we mifala i nidim blong mitim. Mifala i givim seves long ol koling we mifala i nidim blong givim seves long hem,” hem i talem.

Eksperiens ia i bin stanemap wan fasin blong mekem samting long laef blong tufala taem tufala i stap tugeta. “Taem mifala i putum God faswan, evri nara samting i faenem ples blong olgeta,” Elda Casillas i talem. “I nidim smol fet mo smol aksen, mo afta Lod bae i openem han blong Hem blong blesem yumi.”

Elda Casillas i winim wan bajela digri long sivil enjinia long Universidad Autónoma de Baja California. Hem i winim wan masta tu long bisnis administresen long Xochicalco University. Hem i bin wok long konstraksen projek manejmen mo i no long taem i pas, hem i wok olsem tempol fasiliti maneja eria blong Jos long Meksiko.

Elda Casillas i bin givim seves olsem wan Eria Seventi, misin presiden blong Meksiko Meksiko Siti Saot Misin, stek presiden, bisop, hae kaonsela, presiden blong kworom blong ol elda, mo wod Yang Man presiden.