Ngā Rauemi
Upoko 3: Tō tātou Kaiwhakaora

Upoko 3

Tō tātou Kaiwhakaora

Ko wai te tangata kotahi e āhei ana te ārahi i a tātou ki tō tātou Matua i te Rangi? He aha te take me aru tātou i a Ia?

I whai tikanga nui he kaiārahi mō tātou

I mōhio tō tātou Matua i te Rangi, i a tātou e ora ana ki a Papatūānuku nei, kua kore tātou e maumahara i tō tātou oranga ki Tōna taha i mua. Kua kore tātou e mōhio me aha, kia hoki atu ki a Ia. I mōhio hoki Ia, ka hara tātou. Nā ō tātou hara, ka whiua tātou, ā, ka whakawehea i a Ia mō āke tonu atu. Kia mate tātou, kāhore hoki ō tātou tinana kikōiwi.

Ka whai tikanga kia āwhinatia ai tātou e tētahi me ēnei raruraru. Ka whakaako tēnei tāngata i a tātou me aha, kia hoki anō ki tō tātou Matua i te Rangi. Ka āwhina Ia i a tātou ki te whakatika i ā tātou mahi hē. Māna anō tātou e whiwhi anō i ō tātou tinana kikōiwi i muri i te mate. Ka karangahia tēnei tāngata, ko tō tātou Kaiwhakaora. Ko Ia anake te mea e whakaora ai tātou i ā tātou mahi hē. Ko Ia anake te mea ka āwhina i a tātou ki te ako me pēhea e ngohengohe ai ki tō tātou Matua i te Rangi. Ko Ia anake te mea e āhei ai tātou te whiwhi i ō tātou tinana kikōiwi i muri i te mate.

Hei Matapaki

  • He aha ētahi raruraru i mōhio ai tō tātou Matua i te Rangi ka tūpono mai ki a tātou ki te ao nei?

  • He aha e tino whai tikanga ai tētahi Kaiwhakaora hei āwhina i a tātou?

I kōwhiri tō tātou Matua i te Rangi i a Ihu hei Kaiwhakaora mō tātou

E aroha ana tō tātou Matua i te Rangi i a tātou, ā, i mōhio Ia ka whai tikanga kia āwhinatia ai tātou. I mōhio Ia, ka tino pōuri tātou mei kore ake ō tātou tinana kikōiwi mei kore ake hoki tātou e hoki atu ki Tōna taha noho ai mō āke tonu atu. I whai tikanga kia āwhina tētahi i a tātou. I hiahia tō tātou Matua i te Rangi i tētahi hei Kaiwhakaora mō tātou. Tokorua ō tātou tuākana i whakaaetia atu hei Kaiwhakaora mō tātou.

I pātai tō tātou kauaemua a Ihu i tō tātou Matua i te Rangi, kia tonoa Ia. I kī Ia, ka whāia e Ia te mahere ō tō tātou Matua i te Rangi. Ka haramai Ia ki te ao, ā, ka whakaako i a tātou ki ngā mea katoa e whai tikanga ai, kia hoki anō ki tō tātou Matua i te Rangi. Ka mate hoki Ia, hei utu mō ā tātou mahi hē. Māna anō tātou e whakaora i muri i te mate. Ka tukuna tātou e Ia te whiriwhiri mēnā rānei ka whakarongo, ka whakarongo kore rānei ki tō tātou Matua i te Rangi.

I mōhio a Ihu, he mea matua kia kōwhiri tātou i ā tātou ake mahinga. Mēnā ka meinga tētahi kia ngohengohe ai tātou, kua kore tātou e ako, e kore hoki e pērā rawa ki tō tātou Matua i te Rangi. I hiahia a Ihu, kia riro tō tātou Matua i te Rangi i te korōria me te hōnore katoa.

I pātai hoki a Hātana, arā ko Rutiwha, kia kōwhiri hoki tō tātou Matua i te Rangi i a ia hei Kaiwhakaora mō tātou. I kī a ia, ka haramai ia ki te ao, ā, ka meinga i a tātou, kia mahia ai ngā mea me mahi. I kī a ia, kāore tētahi o tātou e ngaro. E kore ia e whakaae kia kōwhiri tātou mō tātou anō. Hei koha mōna anō, i hiahia ia i te korōria me te hōnore katoa o tō tātou Matua i te Rangi.

Nā te aroha o tō tātou Matua i te Rangi ki a tātou, i kōwhiri Ia i a Ihu hei Kaiwhakaora mō tātou. Mō tēnei take e karangatia ana a Ihu, ko Ihu Karaiti. Ko te tikanga o te Karaiti, nā, he mea kōwhiri e tō tātou Matua i te Rangi hei Kaiwhakaora. I kōwhiri tō tātou Matua i te Rangi i a Ihu, hāunga a Hātana, nā te mea kāore tō tātou Matua i te Rangi i hiahia kia ngaro ai tātou i te mana kia kōwhiri mō tātou anō. I mōhio Ia, me mahi tonu tātou i ngā mea pai i runga i ō tātou ake hiahia, kia kaua e meinga e tētahi atu.

Hei Matapaki

  • He aha te hiahia o Ihu mō tātou?

  • He aha te hiahia o Hātana?

  • He aha i kōwhiri ai tō tātou Matua i te Rangi i a Ihu hei Kaiwhakaora mō tātou?

Christ at Emmaus [Ko te Karaiti kei Emauha], nā Carl Heinrich Bloch

I kōwhiri tō tātou Matua i te Rangi i a Ihu hei Kaiwhakaora mō tātou.

Ko Ihu tō tātou Kaiwhakaora me tō tātou Kaiārahi

I te kōwhiringa o tō tātou Matua i te Rangi i a Ihu, i tino pukuriri a Hātana. I whakapakepake Ia i te kotahi-hautoru o ngā wairua i te Rangi kia aru i a Ia. I whawhai ngātahi rātou ki a Ihu me āna kaiaru. I ngana a Hātana mā kia meinga atu i tō tātou Matua i te Rangi kia whakaaetia tana mahere. I meinga e tō tatou Matua i te Rangi kia wehe atu ai a Hātana me āna kaiaru i te Rangi.

E kore a Hātana me āna kaiaru e whiwhi ki ngā tinana kikōiwi. E kore e āhei i a rātou te hoki atu ki tō tātou Matua i te Rangi ora ai. Ko ngā wairua anake i whakaae ki a Ihu hei Kaiwhakaora mō rātou ka whiwhi ki ngā tinana kikōiwi.

E mōhio ana tātou, i whakaae tātou ki a Ihu hei Kaiwhakaora mō tātou, nō te mea he tinana kikōiwi ō tātou. I kōwhiri tātou i te tika i te Rangi. Me kaha tonu tātou ki te kōwhiri i te tika i a tātou ki te ao nei. Me aru tātou i a Ihu. Ko Ia anake e āhei ana te whakaako i a tātou me pēhea e hoki atu ai ki tō tātou Matua i te Rangi. Ka taea e Ia te āwhina i a tātou ki te whakatika i ā tātou mahi hē, me te ako hoki ki te mahi i te pai, kia meinga rānō tātou pērā ki tō tātou Matua i te Rangi.

E hiahia ana tō tātou Matua i te Rangi kia aru tātou, kia ngohengohe hoki ki a Ihu. E mōhio ana Ia, ka whakaako a Ihu i a tātou ki ōna anō tikanga mahi. Nō reira, ki te ngohengohe tātou ki a Ihu, ka ngohengohe hoki tātou ki tō tātou Matua i te Rangi. He ōrite tonu te whakahaunga, te karere rānei a Ihu, me te whakahaunga, karere ō tō tātou Matua i te Rangi.

Hei Matapaki

  • E pēhea tātou e mōhio ai, i kōwhiri tātou i a Ihu hei Kaiwhakaora mō tātou?

  • Ko wai anake te tangata e āhei ana te whakaatu ki a tātou, me pēhea e hoki atu ai ki tō tātou Matua i te Rangi?

  • He aha te take me aru tātou i a Ihu?