Upoko 8
Te Kōrerotanga ki tō tātou Matua i te Rangi
He nui te aroha o tō tātou Matua i te Rangi ki a tātou. Kua whakaritea e Ia he huarahi kia kōrero ai tātou ki a Ia i ngā wā e hiahia ana tātou. Me pēhea tātou e kōrero atu ki tō tātou Matua i te Rangi?
Ka taea e tātou te kōrero ki tō tātou Matua i te Rangi
Kua mōhiotia te whakawhitinga kōrero me tō tātou Matua i te Rangi, arā, ko te inoi. Ahakoa kei Tikitiki ō rangi te kāinga o tō tātou Matua i te Rangi, ka taea tonu tātou te kōrero ki a Ia, ā, ka rongo tonu Ia i a tātou. E hiahia ana Ia ki te āwhina i a tātou. Kua meatia Ia kia kōrero tātou ki a Ia. Ki te kōrero tātou ki a Ia, ka āwhina Ia i a tātou ki te mahi i ngā mea e pai ai hei mahinga mā tātou.
Ka taea e tātou te whakapuaki ki tō tātou Matua i te Rangi, i ō tātou whakaaro Mōna. Ka taea e tātou te whakapuaki i tō tātou aroha Mōna. Ka taea e tātou te whakapuaki i te whakamoemititanga mō Āna manaakitanga maha. Ka taea e tātou te pātai atu ki a Ia, kia āwhinatia ai tātou.
Ka taea e tātou te kōrero ki tō tātou Matua i te Rangi i te wā e hiahiatia ana. Me kōrero tātou ki a Ia i a tātou e noho takitahi ana. I a tātou e noho takitahi ana, ka taea e tātou te kōrero ki a Ia e pā ana ki ō tātou kare ā-roto me ō tātou raruraru. Me kōrero tātou ki a Ia ia ata, ia pō hoki, te itinga rawa.
Me kōrero ngātahi tātou ki a Ia ā whānau. Ka taea e tātou te mahi i tēnei ia ata, ia pō hoki. Ka taea anō tatou te mahi pēnei i mua i te kai, mā te tuku whakamoemiti ki a Ia mō ngā kai.
E kore rawa e mutu te hiahia o tō tātou Matua i te Rangi, kia kōrero ai tātou ki a Ia. E kore e mimiti Tōna aroha mō tātou, ā, me Tōna hiahia anō ki te āwhina i a tātou. Ahakoa ka mahi tātou i ngā mea hē, ka aroha tonu Ia ki a tātou. Ka whakarongo Ia ki a tātou, ā, ka āwhina Ia i a tātou.
Hei Matapaki
-
He aha tātou e kōrero ai ki tō tātou Matua i te Rangi?
-
Hei āwhea tātou kōrero atu ai ki a Ia?
Me inoi takitahi tātou, ā-whānau hoki, ia ata, ia pō.
Kua whakamōhio mai tō tātou Matua i te Rangi me pēhea e whakawhiti kōrero ai ki a Ia
I te wā inoi ai tātou, me whakamōhio atu tātou i tō tātou Matua i te Rangi i ngā mea e tino rangona ana, ā, ngā mea e tino hiahiatia ana hoki e tātou. Ehara i te mea me ōrite katoa ā tātou kōrero ki a Ia i ia whakawhitinga kōrero. Ehara i te mea me taki pao me hāparangi rānei.
Kua whakamōhio mai Ia i te āhua me kōrero atu ki a Ia. Me kōrero hāngai atu ki a Ia, e kī ake ana: “E tō mātou Matua i te Rangi,” ngā kupu ōrite rānei. Me kōrero tātou ki a Ia i runga i te aroha me te whakaute.
Kātahi ka tuku mihi atu ki a Ia mō āna mahi pai mō tātou.
Koinei ētahi mea kia tuku whakamoemiti atu tātou ki a Ia:
-
Me tuku whakamoemiti tātou ki a Ia mō te ao ātaahua, mō te kai, ngā kākahu, me ētahi atu taonga.
-
Me tuku whakamoemiti tātou ki a Ia mō Āna akoranga, ā, mō te ako hoki e pā ana ki a Ia.
-
Me tuku whakamoemiti tātou ki a Ia mō ō tātou whānau me ō tātou hoa, tō tātou hauora, me ā tātou mahi.
Kātahi ka pātai atu tātou ki a Ia mō ngā mea whai tikanga nui ki a tātou. Ko ēnei pea ētahi mea ka pātaitia e tātou ki a Ia:
-
Ka taea e tātou te pātai ki a Ia kia āwhinatia ai tātou ki te mōhio he aha ngā mea pono, he aha hoki ngā mea kāore i te pono.
-
Ka taea e tātou te pātai ki a Ia kia tiakina ai tātou, ō tātou whānau me ō tātou kiritata.
-
Ka taea e tātou te pātai ki a Ia, kia āwhinatia ai tātou ki te mahi i ngā mahi e hiahiatia ana e Ia.
-
Ka taea e tātou te pātai ki a Ia, kia āwhinatia ai tātou ki te kōwhiri i ngā mahinga tika.
-
Ka taea e tātou te pātai ki a Ia, kia āwhinatia ai tātou ki te rīpenetā i ō tātou hara.
-
Ka taea e tātou te pātai atu ki a Ia kia rawaka te kai mō te rā.
-
Ka taea e tātou te pātai atu ki a Ia, kia āwhinatia ai tātou ki te kimi putanga mō ā tātou raruraru.
-
Ka taea e tātou te pātai atu ki a Ia, kia āwhinatia ō tātou whānau, kia kimi putanga rātou mō ā rātou raruraru.
Me whakakapi i ō tātou inoi mā te kī, “i runga i te ingoa o Ihu Karaiti, amine.” Mā tēnei e maumahara ai tātou, ko Ihu tō tātou Kaiwhakaora. Ka mahi a Ihu i raro i te mana whakahaere o tō tātou Matua i te Rangi ki te āwhina i a tātou i ngā mea e whai tikanga nui nei ki a tātou. Me whai whakaaro tātou ki te āhuatanga whakamahi i te īngoa o Ihu, nā, me whakaute.
Hei Matapaki
-
I te kōrerotanga atu ki tō tātou Matua i te Rangi, ka tīmata pēhea tātou?
-
He aha ētahi mea e taea ai e tātou ki te tuku whakamoemiti atu ki a Ia?
-
He aha ētahi o ngā mea whai tikanga, e taea ai e tātou te pātai atu ki a Ia hei rirohanga mā tātou?
-
He aha ā tātou kupu whakamutunga hei whakakapi i tā tātou kōrerotanga ki tō tātou Matua i te Rangi?
Ka Whakautu Tō Tātou Matua nui i te Rangi i a Tātou i ngā Wā Katoa
Me ngākau titikaha tātou i te mōhio, ka whakarongo tō tātou Matua i te Rangi ki a tātou. Kei te mōhio Ia i ngā mea pai ake mā tātou. Kua rite Ia i ngā wā katoa ki te āwhina i a tātou.
Ka tuku putuputu nei tō tātou Matua i te Rangi i ngā whakautu ki ō tātou pātai mā te Wairua Tapu. Ka āwhina te Wairua Tapu i a tātou kia mārama ai ki ngā mea me mōhio me ngā mea me mahi. I ētahi wā, ka whakaawe te Wairua Tapu i tētahi atu tangata hei āwhina i a tātou.
Me ngākau tūwhera tātou ki ngā whakautu ka homai ki a tātou e tō tātou Matua i te Rangi. Tērā pea, kāore Ia mō te homai i ngā mea i pātaitia nei e tātou. Tērā pea, kāore hoki Ia mō te whakautu i ō tātou pātai e ai ki ā tātou i whakapae nei. Heoi, e mōhio ana Ia i ngā mea pai ake mā tātou.
Hei Matapaki
-
Ka whakautu pēhea tō tātou Matua i te Rangi i a tātou?
-
He aha Ia e kore ai e homai i ngā mea katoa ka pātaitia nei e tātou?
Ka tangata pai ake tātou mā te inoi
Tērā pea, kāore tātou i te mōhio he aha ngā mea tika kia mahia ai. Tērā pea ka mataku tātou. Kāore rānei pea tātou e mōhio ana, me pēhea te whakatika i ō tātou raruraru. Tērā pea, kāore tātou i te mōhio he aha ngā mea pono, he aha hoki ngā mea kāore i te pono. Tērā pea, kei te mōhio tātou i ngā mea tika, heoi he iti noa iho te kaha kia whakatutuki ai aua mea tika.
Ki te kōrero putuputu nei tātou ki tō tātou Matua i te Rangi, ka āwhina Ia i a tātou me ō tātou raruraru. Ka āwhina Ia i a tātou, kia mōhio ai, ā, kia mahia ai ngā mea tika. Kia mōhio ai, ā, kia mahi ai tātou i ngā mea tika, ka tangata pai ake tātou. Ka meinga tātou kia pērā tonu ki tō tātou Matua i te Rangi.
Hei Matapaki
-
Ka pēhea tō tātou whakapai ake i a tātou anō mā te whakawhiti kōrero me tō tātou Matua i te Rangi?