Upoko 9
Ngā Poropiti
Ko wai e kōrero ana mā tō tātou Matua i te Rangi i te ao i tēnei rā, ā, e taea ana hoki te whakamōhio mai ki a tātou ngā mea e hiahiatia ana e tō tātou Matua i te Rangi kia mōhio ai, ā, kia mahi ai hoki tātou?
He tāne tētahi poropiti, ka kōrero mō tō tātou Matua i te Rangi
Ka kōwhiria e tō tātou Matua i te Rangi tētahi tangata ki te kōrero Mōna i runga i te whenua. E karangatia nei tēnei tangata he poropiti. E arohaina nuitia ana e te poropiti tō tātou Matua i te Rangi, ā, ka mahia e ia ngā mea katoa e hiahia ana tō tātou Matua i te Rangi hei mahi. Ka whakaako tō tātou Matua i te Rangi i te poropiti i ngā mea me mōhio, ā, me mahi hoki tātou. Kātahi, ka whakamōhio mai te poropiti i aua mea ki a tātou. I te wā kōrero ai te poropiti mō tō tātou Matua i te Rangi, ka kōrero ia me te mea nei ko tō tātou Matua i te Rangi tonu e kōrero ana i aua mea ki a tātou.
Ko ēnei ētahi o ngā mea ka kōrero mai te poropiti ki a tātou:
-
Ka kī mai ia ki a tātou, ko Ihu te Tama a tō tātou Matua i te Rangi, ko Ihu tō tātou Kaiwhakaora, ā, he pono ngā akoranga o Ihu.
-
Ka whakaako ia i a tātou i ngā mea kua kī mai tō tātou Matua i te Rangi, me mahi tātou.
-
Ka kī mai ia ki a tātou, kia whakamutua ai te mahi i ngā mea kino.
-
Ka whakamōhio mai ia ki a tātou i ngā mea o anamata.
Ko tō tātou Matua i te Rangi anake e taea ai te kōwhiri i tētahi poropiti. Tē taea e te tangata te kōwhiri i tētahi poropiti. Tē taea e tētahi tāne te kōwhiri i a ia anō hei poropiti. Ka tukuna e tō tātou Matua i te Rangi te mana ki te poropiti kia mahia ai Āna mahi, ā, kia kōrero anō tētahi Māna. Tē taea e te tangata te tū hei māngai mō tō tātou Matua i te Rangi mehemea kāore i a ia tēnei mana.
Hei Matapaki
-
Ka kōrero tētahi poropiti mā wai?
-
He aha ētahi mea ka kōrerotia mai e tētahi poropiti ki a tātou?
Mai rāno tonoa ai e tō tātou Matua i te Rangi i ngā poropiti hei āwhina i a tātou
Mai rānō arohaina ai e tō tātou Matua i te Rangi i Āna tamariki. Nō te wā tonu o Ārama, kua tonoa e Ia he poropiti hei āwhina i Āna tamariki. Ka tono Ia i ngā poropiti hei whakatūpato i ngā tāngata i ngā mōreareatanga. Ka tono Ia i a rātou, kia ārahina atu ngā tāngata i ngā raruraru. Ka tono Ia i a rātou hei āwhina i ngā tāngata ki te whakarite mō ngā kaupapa nui. Ko ēnei ētahi o ngā poropiti i tonoa e tō tātou Matua i te Rangi:
-
Noa: I whakatūpato ia i ngā tāngata, ka tono tō tātou Matua i te Rangi i tētahi waipuke hei whakangaro atu i a rātou, ki te kore rātou e whakamutua te mahi i ngā mahi kino.
-
Āperahama: I whakarongo ia ki tō tātou Matua i te Rangi, ā, i whakaako ia i āna tamariki kia whakarongo ai ki tō tātou Matua i te Rangi. I kī taurangi ai tō tātou Matua i te Rangi ka hoatungia ngā mea maha ki a Āperahama me ōna uri.
-
Mohi: I ārahi ia i te iwi o Iharaira atu i Īhipa, ki te whenua i whakaritea e tō tātou Matua i te Rangi mō rātou.
I ō tātou rā hoki, kua tono poropiti tō tātou Matua i te Rangi. Ko tētahi o ngā poropiti i ora inā tata nei, ko tētahi tāne ko Hōhepa Mete tōna īngoa. I noho ia ki Amerika. I te tau 1820, tekau mā whā tau te pakeke o Hōhepa Mete. I taua wā, he tokomaha ngā tāngata i hono atu ki ngā hāhi rerekē, ā, e kimi ana i te hāhi tūturu. I hiahia a Hōhepa kia pai Ia, ā, kia kimihia ai e ia te hāhi tūturu o tō tātou Matua i te Rangi.
I tētahi rā, i te pānui a Hōhepa i tētahi pukapuka tapu e kīa nei ko te Paipera. Ko te kī o tērā i pānuitia e ia, mehemea e kimi mōhiotanga ana koe i tētahi mea, me pātai atu ki tō tātou Matua i te Rangi, ā, ka whakamōhio atu Ia ki a koe. I tino whakapono ia ka whakamōhio atu tō tātou Matua i te Rangi ki a ia, ngā mea me mahi. I whai whakaaro ia kia tuku i tētahi inoi nō tōna ngākau ki tō tātou Matua i te Rangi.
I tētahi ata, i haere a Hōhepa ki tētahi ngahere iti ki te inoi. I a ia e inoi ana, i heke iho tētahi mārama i te rangi, i runga ake i te pīatatanga o te rā. I roto i tēnei mārama, i kite ia i tō tātou Matua i te Rangi rāua ko Ihu Karaiti. I tohu atu tō tātou Matua i te Rangi ki a Ihu, ā, i mea, “Ko Taku Tama Arohaina tēnei. Whakarongo ki a Ia!”
I whakarongo a Hōhepa ki ngā mea katoa i kōrero a Ihu ki a ia, ā, i whakarongo ia ki ngā tohutohu katoa i hoatungia ki a ia e Ihu.
Tipu ake ana a Hōhepa, ka kōwhiria ia e tō tātou Matua i te Rangi hei poropiti Māna. He tino poropiti ia. I whakaako ia i ngā tangata i ngā mea i hiahiatia e tō tātou Matua i te Rangi kia akona ai rātou.
I mate a Hōhepa Mete i te tau 1844. I muri i tōna matenga, i kōwhiri anō tō tātou Matua i te Rangi i tētahi atu tāne hei poropiti māna. I tēnei rā, kia mate ai tētahi poropiti, ka kōwhiria anōtia he tāne e tō tātou Matua i te Rangi, hei kaikōrero Māna i te ao nei.
Kua tonoa e tō tātou Matua i te Rangi he poropiti i ō tātou anō rā.
Hōhepa Mete
Brigham Young
John Taylor
Wilford Woodruff
Lorenzo Snow
Joseph F. Smith
Heber J. Grant
George Albert Smith
David O. McKay
Joseph Fielding Smith
Harold B. Lee
Spencer W. Kimball
Ezra Taft Benson
Howard W. Hunter
Gordon B. Hinckley
Thomas S. Monson
Russell M. Nelson
Hei Matapaki
-
Ko wai ētahi o ngā poropiti i kōwhiria e tō tātou Matua i te Rangi?
-
I aha a Hōhepa Mete?
He poropiti i te ao i tēnei rā
E aroha ana tō tātou Matua i te Rangi i Āna tamariki i te ao i tēnei rā. E mōhio ana Ia he nui o tātou raruraru. Kua tonoa e Ia he poropiti hei āwhina i a tātou. Ka kōrero Ia ki te poropiti i tēnei rā, pērā ki ngā rā o mua. Ka tuku tohutohu tō tātou Matua i te Rangi ki te poropiti mō ngā tāngata katoa o te ao. Ko te poropiti anake e āhei ai te whiwhi tohutohu i tō tātou Matua i te Rangi mō te ao katoa.
He tino tangata te poropiti ora i tēnei rā. E aroha ana ia ki tō tātou Matua i te Rangi, ā, e hiahia ana ia kia whakarongo ai tātou ki a Ia. Ka whakamōhio atu tō tātou Matua i te Rangi ki te poropiti i ngā mea e hiahia ana Ia kia mōhio ai, ā, kia mahi ai tātou.
Hei Matapaki
-
He aha te take i tono ai tō tātou Matua i te Rangi i tētahi poropiti i tēnei rā?
-
Ka whiwhi tohutohu te poropiti mā wai?
-
He aha te take ka taea e tātou te whakapono ki ngā mea katoa ka kī mai te poropiti ki a tātou?
Ka āwhina tō tātou Matua i te Rangi i a tātou mehemea ka whakarongo tātou ki ngā tohutohu ka hoatungia e Ia ki te poropiti
Kua whakahau tō tātou Matua i te Rangi i a tātou, kia whakarongo ai ki Tōna poropiti i te poropiti e kōrero ana Mōna. Ki te whakarongo tātou ki ngā tohutohu e hoatungia ai e tō tātou Matua i te Rangi ki te poropiti, ka ako tātou kia meinga tonu, pērā ki tō tātou Matua i te Rangi. Ka ako tātou i ngā mea me mahi tātou. Ka taea e tātou te ako me pēhea e whakatikahia ai ngā raruraru ki te toko ake rātou. Ka āwhina tō tātou Matua i te Rangi i a tātou, ā, ka tau te rongomau ki ō tātou ngākau.
Hei Matapaki
-
He aha te take me whakarongo tātou ki ngā mea ka tohungia mai ki a tātou e te poropiti?
-
Ka āwhina pēhea tō tātou Matua i te Rangi i a tātou, ki te mahi tātou i ngā mea ka tohutohungia e Ia ki a tātou mā Tōna poropiti?