Ngā Rauemi
Upoko 18: Te Hāhi i Whakaritea e Ihu Karaiti
Christ Ordaining the Apostles [Ko te Karaiti e whakamana ana i ngā Āpotoro], nā Harry Anderson

I whakamana a Ihu i ngā Āpotoro.

Upoko 18

Te Hāhi i Whakaritea e Ihu Karaiti

I whakarite a Ihu i tētahi hāhi i a Ia i te ao. He aha te īngoa o te hāhi nei? Nā wai Tōna hāhi i ārahi?

Ko Ihu te Upoko o te Hāhi i whakaritea ai e Ia

I a Ihu i te ao nei, i whakarite Ia i tētahi hāhi. I karangahia te hāhi nei ko Te Hāhi o Ihu Karaiti. I karangahia ngā mema o te hāhi nei ko te hunga tapu. Ko Ihu tonu te rangatira o te hāhi nei. Nāna tonu te hāhi i ārahina ai. I kōwhiri Ia i ngā tāne tekau mā rua hei āwhina i a Ia ki te ārahi i te hāhi. I karangahia rātou ko ngā Āpotoro. He poropiti hoki ēnei Āpotoro. I pāngia e Ihu Ōna ringa ki ō rātou māhunga, ā, i hoatu i te tohungatanga ki tēnā me tēnā o rātou. I whakarite Ia i a rātou ki te mahi i Āna mahi. He kaiārahi ēnei Āpotoro, otirā, ēnei poropiti o te Hāhi o Ihu Karaiti.

I roto i te Hāhi o Ihu Karaiti, i whakapāngia ngā ringaringa o ngā tāne i whakawhiwhia ki te tohungatanga, ki ngā māhunga o ētahi atu tāne pai, ā, i hoatu hoki i te tohungatanga ki a rātou. Ko tēnei anake te huarahi e tukuna iho ai te tohungatanga mai i tētahi tāne ki tētahi atu. Tē taea te hoko i te tohungatanga.

Hei Matapaki

  • Ko wai te rangatira o te Hāhi o Ihu Karaiti?

  • He aha i te ingoa i karangahia ai ngā tāne i āwhina i a Ihu?

I haere tonu te Hāhi o Ihu Karaiti i te ao i muri i Tana hokinga atu ki te Rangi

I muri i te hokinga atu o Ihu ki te Rangi, i haere tonu Tana Hāhi i te ao. I ārahina e ngā Āpotoro tekau mā rua. I te matenga o tētahi Āpotoro, i kōwhiria e Ihu he tāne anō hei Āpotoro Māna. Mā te Wairua Tapu, I whakamōhio a Ihu ki ngā Āpotoro katoa, ko wai te Āpotoro hou. I kōwhiri ngā Āpotoro i ētahi atu tāne pai, ā, i hoatu i te tohungatanga ki a rātou hei āwhina i a rātou ki te mahi i te mahi o te Hāhi o Ihu Karaiti. I karangahia ēnei tāne ko Ngā Whitu Tekau, ngā tohunga teitei, ngā erata, ngā pīhopa, ngā tohunga, ngā kaiako, me ngā rīkona. Kua whakamāramatia ā rātou haepapa ki te upoko 20.

I ārahi a Ihu i te Hāhi mā te whakakitenga

Ko ngā whakakitenga, he karere nā Ihu ka tukuna ai ki ngā tāngata i te ao mā te Wairua Tapu. Ka ārahi a Ihu i Tana Hāhi mā te whakakite atu ki te poropiti me ētahi atu kaiārahi i ngā mea me mahi rātou.

I mua i te hokinga atu o Ihu ki te Rangi, I kī Ia ki Āna Āpotoro, kei tō rātou taha Ia e piri ana i ngā wā katoa. Ko te tikanga o tēnei, ka ārahi tonu a Ihu i a rātou mā te Wairua Tapu.

Hei Matapaki

  • I ārahi pēhea a Ihu i Tana Hāhi i muri i Tana hokinga atu ki te Rangi?

I mau Te Hāhi o Ihu Karaiti i Āna whakaakoranga Pono

I whiwhi ngā kaiārahi o Te Hāhi o Ihu Karaiti i ngā whakakitenga i a Ihu mā te Wairua Tapu. Hei tauira, i kī a Ihu ki te Āpotoro a Pita, me whakaako i te rongopai ki ngā tāngata katoa, ā, kaore ki ngā tāngata o Iharaira anake. He maha ngā mea i kī atu a Ihu ki te Āpotoro a Pāora hei whakaako māna ki ngā tāngata. He maha ngā mea i kī atu a Ihu ki te Āpotoro a Hōani mō ngā mea o ānamata.

I a Ia e noho ana i te ao, i whakaako a Ihu i ngā tāngata kia whakapono ki a Ia, kia rīpenetā ai, ā, kia rumakina ai. I whakaako Ia i a rātou kia aroha ki tō tātou Matua i te Rangi, ā, kia whakarongo ki a Ia. I whakaako Ia i a rātou, kia aroha atu ki ētahi atu tāngata, ā, kia āwhina hoki i a rātou.

I muri i te hokinga atu o Ihu ki te Rangi, i whakaakona e ngā Āpotoro aua mea anō i whakaakona ai e Ihu Karaiti. Ko rātou katoa i ngana ai kia meinga hei mema o Te Hāhi o Ihu Karaiti, me whakapono ki a Ihu Karaiti, me rīpenetā i ō rātou hara, ā, me rumaki. I whiwhi rātou i te takohatanga o te Wairua Tapu, pērā i tā Ihu i kī taurangitia ai. I ako rātou ki te aroha ki tō tātou Matua i te Rangi me te whakarongo ki a Ia. I ako rātou ki te aroha me te mahi pononga ki ētahi atu tāngata.

Hei Matapaki

  • I ahatia e ngā tāngata kia hono atu ai ki Te Hāhi o Ihu Karaiti?

I Whiwhi te Hunga nō te Hāhi o Ihu Karaiti i ngā Takohatanga Wairua

I whiwhi te hunga nō te Hāhi o Ihu Karaiti i ngā takohatanga wairua. Ko ētahi o aua takohatanga, ko te whakapono ki te whakaora i te hunga māuiui, ko te kitenga atu i ngā mea anamata, me te kaha ki te kite i ngā whakakitenga.

Hei Matapaki

  • He aha ētahi o ngā takohatanga ā-wairua?

Kāore tonu tā Ihu Hāhi i runga i te Whenua

I muri i te hokinga atu o Ihu ki te rangi, i ārahi Āna Āpotoro i te Hāhi. He tokomaha ake ngā tāngata i meinga ai hei mema o te Hāhi. Heoi, i timata ētahi o ngā mema ki te whakaako me te whakapono ki ngā mea parau, hāunga ngā mea i whakaakongia e Ihu me ngā Āpotoro. Hei tauira, i whakaako ētahi kāore he tinana kikōiwi tō tō tātou Matua i te Rangi.

I tīmata ngā tāngata kino ki te whakahāwea i ngā kaiārahi me ētahi atu mema o te Hāhi. I whakamate ngā tāngata kino i ngā Āpotoro me ētahi atu o ngā kaiārahi i mau ai i te tohungatanga. He tokomaha hoki ngā mema o Te Hāhi o Ihu Karaiti i whakamatea ai e rātou.

I nui ake tā ngā tāngata whakaako i ngā whakaakoranga parau, tae noa ki te wā kāhore he tangata i whakapono ki ngā whakaakoranga pono a Ihu. Kāore noa he tangata kotahi i mau ai i te tohungatanga, nō reira kāore he tangata ki te mahi i ngā mahi a Ihu i te ao, ā, kāore rānei he tangata hei whiwhi tohutohu i a Ihu mā ngā tamariki katoa o tō tātou Matua i te Rangi. Kua mōhiotia tēnei wā, arā, te wā kāore he tangata i whakapono ki ngā whakaakoranga pono a Ihu, ā, kāore rānei tētahi i mau te mana, ko te Whakaparahakotanga Whakapono.

Puta noa i te Whakaparahakotanga Whakapono, i whakarite ētahi tāngata i ētahi atu hāhi rerekē i te hāhi i whakaritea e Ihu. I whakaako rātou i ngā mea kāore i whakaakongia e Ihu. Kāore i a rātou te tohungatanga. I mahi rātou i ngā tikanga rerekē nei i ngā tikanga i mahia ai i roto i tō Ihu hāhi. Kāore ō rātou whakakitenga i a Ihu. Kāore rātou i whakaako i ngā whakahaunga o te rongopai pērā ki tā Ihu me Āna Āpotoro whakaakoranga ki a rātou. I kī ngā poropiti katoa ka tūpono ai tēnei.

Hei Matapaki

  • I pahawa pēhea nei te Whakaparahakotanga Whakapono?

I kī taurangi a Ihu ka whakahou Ia i Tana Hāhi ki te ao

I mōhio a Ihu ka ngaro ngā tāngata i Tōna kaha me Āna whakaakoranga pono. Nā wai rā, i whakarite Ia i tētahi huarahi kia whakaritea anōtia te Hāhi tūturu ki te ao.

I kite ā-whakakitenga nei te Āpotoro a Hōani, i te wā e whakahokia mai ai te rongopai ki te ao. I kite Ia, ka tono anahera a Ihu ki te whakaako i ngā tāngata i te pono o tō tātou Matua i te Rangi. Ka meinga a Ihu kia whiwhi ai ngā tamariki katoa o tō tātou Matua i te Rangi i te rongopai, i te tohungatanga, i ngā manaakitanga me ngā mea katoa e whai tikanga ai mā rātou, kia hoki atu ki tō tātou Matua i te Rangi.

Hei Matapaki

  • He aha i whakarite ai a Ihu i tētahi huarahi kia whakaritea anōtia Tana Hāhi ki te ao?