Upoko 5
I hanga a Ihu i te Ao
Nā wai te ao i hanga? He aha te take i hanga Ia i te ao?
I Whai Tikanga nui tētahi Ao mō Tātou
E ai ki te mahere i whakamāramatia e tō tātou Matua i te Rangi ki a tātou, me wehe atu tātou i te Rangi mō tētahi wā. I whai tikanga nui tētahi wāhi hei nohoanga mō tātou, atu i tōna aroaro, kia whiwhi tātou i ngā tinana kikōiwi, kia whakamātauria ai hoki kia kōwhiria ai te tika. I whai tikanga nui kia whakatutuki ai tēnei mahere e tētahi mō tātou. I kōwhiri Ia i a Ihu kia whakatutukitia.
Hei Matapaki
-
He aha i hanga ai te Atua i te Ao mō tātou?
I hanga a Ihu i te Ao
I hanga a Ihu i te ao. Nāna te awatea me te pō i hanga. I hanga Ia i te rā, te marama, me ngā whetū. I whakawehe Ia i te wai me te whenua kia hangaia ai ngā moana, ngā roto, me ngā awa. I whakatipu Ia i te pātītī, ngā rākau, ngā putiputi, me ngā momo tipu katoa ki te ao nei. A muri ake, nāna anō ngā kararehe, ngā ika, ngā manu, me ngā ngārara i tuku mai ki te ao. I muri i tā Ihu mahinga i ēnei mea katoa, i rite te ao hei nohoanga mō te tangata.
Kātahi, ka waihanga tō tātou Matua i te Rangi i te tane me te wahine. I tapaina te tane ko Ārama, i tapaina te wahine ko Iwi. He tinana kikōiwi ō rāua, pērā ki tō tātou Matua i te Rangi. Ka karangatia ēnei mahi katoa, arā, te hanga i te ao me ōna korowaitanga katoa, ko te Hanganga. I hari tō tātou Matua i te Rangi ki te ao me ngā mea katoa i tohua e Ia ki a Ihu kia whakakorowaitia.
Hei Matapaki
-
He aha te rerekētanga o Ārama rāua ko Iwi, i ērā atu o ngā mea i hangaia ai e te Atua?
He tohu ngā hanganga katoa a tō tātou Matua i te Rangi i tōna aroha ki a tātou
E ora ana tātou i te ao ātaahua rirerire i tohua e tō tātou Matua i te Rangi, hei hanganga mā Ihu. Ka homai te rā i te mahana me te mārama. Nā te marangai e tipu ai ngā momo tipu, e whai wai Māori anō tātou kia inumia. Nā ngā tipu me ngā kararehe e whāngaihia ai tātou, e whakakākahuria anōtia tātou.
I hangaia e Ihu ēnei mea katoa mā tātou, e ai ki ngā tohutohu ō tō tātou Matua i te Rangi. He tohu ēnei mea katoa i hangaia ai, mō te aroha, me te kaha ātawhai o tō tātou Matua i te Rangi ki a tātou.
Hei Matapaki
-
Whakaarohia ētahi mea i tohungia e tō tātou Matua i te Rangi, kia hangaia ai mō tātou.
-
Me pēhea e mōhio ai tātou ki te aroha, me te ātawhai o tō tātou Matua i te Rangi mō tātou?
E taea ana e tātou te whakaatu i tō tātou whakamoemiti mō te Ao
Me maumahara tātou, i hangaia ngā mea katoa ki te ao nei, i raro i te mana o tō tātou Matua i te Rangi, mō tātou tonu. Kāore Ia i te harikoa ki te wareware tātou ki tērā. Mā te tiaki i ēnei taonga katoa e tuku whakamoemiti ai tātou ki a Ia. Me kaha tiaki tātou i te whenua, kia kaua hoki tātou e maumau. Me tuku whakamoemiti tātou ki tō tātou Matua i te Rangi mō te ao ātaahua nei i roto i ō tātou inoi. Ka whakaatu anō tātou i te ngākau whakamoemiti mō te ao, mā te mahi i ngā mahi e hiahiatia ana e tō tātou Matua i te Rangi.
Hei Matapaki
-
Me pēhea tātou e whakaatu i te ngākau whakamoemiti ki tō tātou Matua i te Rangi mō te ao?