Նախորդ հրատարակություններ
Սովորել

Սովորել

Նկար
lightbulb-blue

Ի՞նչ ենք անելու այս խմբում:

Ժամանակ.60 րոպե ժամանակ պահեք Սովորել բաժնի համար:

Կարդացեք.Այս ինքնապահովման խմբի նպատակը հասկանալու համար բացեք աշխատանքային տետրի շապիկի ներսի էջը և կարդացեք նախաբանը:

Մենք այստեղ ենք օգնելու միմյանց գտնել նոր կամ ավելի լավ աշխատանք: Մենք նաև ունենք ավելի մեծ նպատակ՝ դառնալ ինքնապահով, որ կարողանանք ավելի լավ ծառայել մյուսներին:

Կիրառեք.Կիրառելով սկզբունքները, մենք միասին կսովորենք հաճախ շատ արագ աշխատանք գտնել: Այնպես որ դա արժե անել: Բացեք այս աշխատանքային տետրի վերջին էջում տրված Աշխատանքի որոնման հաջողության քարտեզը և հերթով կարդացեք այն:

Կարդացեք.Ամեն օր մենք կբարելավենք մեր աշխատանքի որոնումը: Սկսելով այսօր, մենք կկենտրոնանանք Աշխատանքի որոնման հաջողության քարտեզի վեց հարցերին ինքնուրույն պատասխանելու վրա: Մենք պարտավորություններ կստանձնենք, կգործենք և ապա կզեկուցենք խմբին: Մենք հաջողության կհասնենք միասին:

Անգամ աշխատանք գտնելուց հետո մենք պիտի շարունակենք հաճախել խմբի ժողովներին, որ սովորենք և գործնականում կիրառենք Հիմքի սկզբունքները: Մենք կարող ենք շարունակել օգնել՝ բարձրացնելով մեր խմբի անդամներին և ստանալով խմբի օգնությունը աշխատանքի որոնման դժվար պահերին:

Տրված է այս շաբաթվա հարցը և վարժությունը:

Կարդացեք.ՇԱԲԱԹՎԱ ՀԱՐՑ—Ինչպե՞ս կարող եմ աշխատանքի լավ հնարավորություններ գտնել:

ՇԱԲԱԹՎԱ ՎԱՐԺՈՒԹՅՈՒՆ—Պատրաստվել և պարապել «իմ մասին 30 վայրկյանում»-ը և կիսվել դրանով հնարավորինս շատ մարդկանց հետ: Կարող եք կատարել Աշխատանքի արագացված որոնում (ոչ պարտադիր վարժություն):

Այս ժողովի մնացած մասը կօգնի մեզ պատասխանել այս հարցին և ձեռնարկել այդ քայլերը:

Կիրառեք.Եկեք խմբով կատարենք առաջին վարժությունը: Եկեք հինգ րոպեում որոշենք, թե ինչպես կոչենք մեր խումբը:

Ներքևում գրեք խմբի անունը.

Նկար
job search success map

Ի՞նչ պետք է ես առաջարկեմ:

Քննարկեք.Եղե՞լ է այնպես, որ ամաչել եք ասել մարդկանց, որ դուք աշխատանք եք փնտրում:

Կարդացեք.Մենք չպետք է մտահոգվենք: Բոլորն էլ ինչ-որ պահի աշխատանք են փնտրել: Մեզանից յուրաքանչյուրը տաղանդներ և փորձ ունի: Բացի այդ, մենք Աստծո զավակներն ենք: Մենք կարո՛ղ ենք հաջության հասնել: Մենք պետք է բոլորին ասենք, որ լավ աշխատանք ենք փնտրում և արժանի ենք դրան:

Կիրառեք.Բաժանվեք երեք հոգանոց փոքր խմբերի: Ձեր աթոռներն այնպես դրեք, որ նստեք դեռ առ դեմ և կատարեք հետևյալ վարժությունը:

  1. Ձեզանից մեկը թող պատմի մյուսներին իր նվաճումներից մեկի մասին: Եղեք հակիրճ: Կարող եք ասել. «Աշխատավայրում ինձ շնորհեցին «լավագույն սպասարկում» պարգևը կամ «Ես միսիա եմ ծառայել» (կամ նշեք Եկեղեցու այլ կոչում), կամ «Ես մայր եմ»:

  2. Այժմ հնարավորինս արագ մյուս երկուսն ասում են ձեզ, թե ինչ հմտություններ և ունակություններ են անհրաժեշտ այդ ձեռքբերումն ունենալու համար: Եթե ասեք. «Ես միսիա եմ ծառայել», մյուսները կարող են արագ ասել. «Ուրեմն դու քաջ ես, լավ ուսանող ես, աշխատասեր ես, ղեկավար, նպատակասլաց, մարդկանց հանդեպ բարյացակամ, ուսուցիչ, լավ պլանավորող և կարող ես դժվար առաջադրանքներ կատարել»:

  3. Այդ վարժությունը կրկնեք ձեր խմբի բոլոր անդամների համար։

Քննարկեք.Ինչպե՞ս եք զգացել, երբ մյուսները խոսել են ձեր տաղանդների և հմտությունների մասին:

Կարդացեք.Այս վանդակում շրջանակի մեջ առեք ձեր ձեռքբերումները և գրեք ավելին: Ամաչկոտ մի եղեք: Այնուհետև շրջանակի մեջ առեք ձեր ունակությունները, հմտությունները, հատկանիշները և գրեք ավելին: Փորձեք ձեզ տեսնել, ինչպես Երկնային Հայրն է տեսնում ձեզ:

Ինչպե՞ս պատմեմ մյուսներին իմ մասին:

Կարդացեք.Այժմ դուք գիտեք, որ շատ բան ունեք առաջարկելու: Լավ աշխատանք գտնելու համար դուք պետք է ասեք մարդկանց, թե ինչպես կարող եք օգտագործելով ձեր հմտություններն օգնել նրանց, և դուք պետք է այդ ամենն ասեք արագ և տպավորիչ ձևով: Ամբողջ խմբով հերթով կարդացեք «Սոֆյայի բնութագիրը»:

Կիրառեք.Այժմ գրեք ձեր անձնական բնութագիրը այս չորս մասերով: Գրեք ստորև տրված տողերում: Վերցրեք 2-3 րոպե: Ընդգրկեք.

  1. Ձեր անունը

  2. Ինչ աշխատանք եք ցանկանում գտնել (նպատակը)

  3. Դուք ինչու լավ կկատարեիք այդ աշխատանքը (մասնագիտական որակավորումներ)

  4. Բնավորության գծեր կամ հմտություններ, որոնք կօգնեն ձեզ հաջողության հասնել տվյալ աշխատանքում

«Իմ մասին 30 վայրկյանում» խորհուրդ. եղեք հակիրճ: Մարդիկ կլսեն միայն մի քանի վայրկյան:

Այսպիսի բնութագիրը կոչվում է «Իմ մասին 30 վայրկյանում»: Մեկ առ մեկ կանգնեք և ներկայացեք 30 վայրկյանում: Սահմանափակվեք 30 վայրկյանով: Ծափահարենք և ոգևորենք միմյանց:

Կարդացեք.«Իմ մասին 30 վայրկյանում» բնութագիրը ձեզ ներկայացնելու հրաշալի եղանակ է, հատկապես, երբ դա յուրահատուկ է: Ավելի տպավորիչ է դառնում, երբ մենք վերջում հարց ենք ավելացնում, որը հատուկ է այն մարդուն, ում հետ խոսում ենք: Սոֆյան պարապեց, իր խոսքին ավելացնելով տարբեր հարցեր, կախված նրանից, թե ում էր նա հանդիպել.

Ընկեր, ընտանիք. Ի՞նչ ուսուցիչների կամ դպրոցների տնօրենների եք դուք ճանաչում:

Քարտուղար. Կարո՞ղ եք ինձ ուղեկցել տնօրենի՝ տիկին Գոմեսի մոտ:

Գործատու. Ինչպե՞ս կօգնի ձեզ իմ փորձառությունը:

Մենք պետք է ներկայացնենք մեզ` որքան հնարավոր է շատ մարդկանց, տեղյակ պահելով նրանց, որ մենք աշխատանք ենք փնտրում:

Կիրառեք.Մի քանի րոպե տրամադրեք «իմ մասին 30 վայրկյանում» ձեր բնութագիրը կրկին գրելու համար: Բարելավեք այն: Ավելացրեք հատուկ որակավորումներ և բնավորության գծեր: Ավելացրեք հարց, որ կարող եք օգտագործել գործատուի հետ խոսելիս:

Հարց.

Կիրառեք.Խմբով կատարեք հետևյալ վարժությունը: Այն չպիտի տևի 5-6 րոպեից ավել:

  1. Յուրաքանչյուրը թող կանգնի և շարժվի դեպի բաց տարածք: Բոլորը պիտի կանգնեն միմյանց դեմ առ դեմ:

  2. Ձեր ընկերոջը ներկայացեք 30 վայրկյանում:

  3. Այնուհետև թող մյուս անձը ձեզ ներկայանա 30 վայրկյանում:

  4. Միմյանց համար արագ ամփոփեք.

    • Արդյո՞ք նշվում էին բոլոր չորս մասերը: (անուն, նպատակ, մասնագիտական որակավորումներ, հատկանիշներ)

    • Ավարտվե՞ց հարցով:

    • Վստահորեն և անկե՞ղծ էր ասված: Արդյո՞ք վստահություն էր ներշնչում:

    • Արդյո՞ք այդ մարդը ժպտում էր:

    • Դուք ցանկություն կունենայի՞ք միջնորդ լինել այդ անձնավորության համար կամ աշխատանք առաջարկել նրան:

  5. Այնուհետև փոխեք ընկերներին և կատարեք նորից: Եվ նորից:

  6. Կատարեք որքան հնարավոր է արագ, մինչև ամեն ոք փորձել է կատարել հինգ անգամ:

Կարդացեք.Այսուհետ մենք անհարմար չենք զգա ասելու մարդկանց, որ աշխատանք ենք փնտրում: Մենք կարող ենք բացել մեր բերանը և ասել բոլորին, որ մենք աշխատանք ենք փնտրում և որքան որակավորված ենք մենք:

Պատրա՞ստ ենք արդյոք գնալ և մեզ ներկայացնել 30 վայրկյանում բոլոր նրանց, ում մենք կտեսնենք մինչև մեր հաջորդ ժողովը: Կանե՞նք:

ՈՉ ՊԱՐՏԱԴԻՐ ՎԱՐԺՈՒԹՅՈՒՆ. ԱՇԽԱՏԱՆՔԻ ԱՐԱԳԱՑՎԱԾ ՈՐՈՆՈՒՄ

(ԴԱ ԺՈՂՈՎԻ ԺԱՄԱՆԱԿ ՄԻ ԱՐԵՔ:)

Մեր հինգերորդ ժողովին մենք կսովորենք՝ ինչպես արագացնել մեր աշխատանքի որոնումը: Ինչևէ, եթե ցանկանում եք այժմ ավելի արագ աշխատանք փնտրել, դուք կարող եք մինչ այդ այս լրացուցիչ վարժությունը կատարել: Դուք կարող եք դա անել ինքնուրույն կամ մյուսների հետ:

Անգամ ավելի արագ հաջողության հասնելու համար դուք կարող եք ուսումնասիրել «Աշխատանքի արագացված որոնում», Ռեսուրսներ բաժնում, էջ 15-20: Քննարկեք և սովորեք ձեր ընտանիքի, խմբի անդամի կամ մեկ այլ ընկերոջ հետ: Անցեք գործի՝ գտեք ռեսուրսներ, ստեղծեք կապեր և հանդիպումներ ունեցեք` որքան հնարավոր է շատ մարդկանց հետ: Ամենայն հավանականությամբ սա ձեզանից կպահանջի 2-4 ժամ:

Աշխատանք որոնելն ինքնին աշխատանք է: Բայց երբ մարդիկ հետևում են այս ամենին, նրանք շատ ավելի արագ են աշխատանք գտնում:

Եթե դուք ընտրում եք կատարել սա՝ վերադարձեք և զեկուցեք խմբին: Ձեր փորձը կօգնի խմբի մյուս անդամներին:

Ինչպե՞ս կարող եմ խելամիտ ձևով տնօրինել իմ ֆինանսները:

Կարդացեք.Ինքնապահով լինելն իր մեջ ներառում է մեր վաստակածից քիչ ծախսելը և գումար խնայելը: Խնայողությունների շնորհիվ կարող ենք հոգալ չկանխատեսված ծախսերը կամ ապահովել մեզ և մեր ընտանիքը, երբ մեր եկամուտը սպասվածից ավելի քիչ է: Որպես այս խմբի մաս, մենք պարտավորվում ենք ամեն շաբաթ խնայել, թեկուզ փոքրիկ գումար:

Քննարկեք.Որոշ տարածքներում լավ գաղափար է՝ գումարը կուտակել բանկում: Որոշ տարածքներում էլ դա այդքան էլ լավ գաղափար չէ, մասնավորապես, երբ երկրում բարձր սղաճ է կամ բանկերն անկայուն են: Ձեր տարածաշրջանում արդյո՞ք պայմանները բավարար են բանկում գումարը խնայելու համար: Ո՞ր բանկերն են բարձր տոկոսադրույք առաջարկում խնայողությունների համար:

Կարդացեք.Ինքնապահով լինելու համար կարևոր է անձնական պարտք չունենալը: Անձնական վարկերն օգտագործվում են մեր ունեցածից ավելի շատ գումար ծախսելու համար: Մարգարեները խորհուրդ են տվել մեզ խուսափել անձնական պարտքերից, և ավելի ինքնապահով դառնալու հետ մեկտեղ մենք կկրճատենք անձնական պարտքերը և կազատվենք դրանցից (թեպետ որոշ դեպքերում բիզնես պարտքը կարող է իմաստալից լինել):

Բժշկական առումով արտակարգ իրավիճակները հաճախ մեծ ֆինանսական բեռի պատճառ են դառնում: Ապահովագրությունը և պետական բուժապահովագրական ծրագրերը հաճախ կարող են օգնել պաշտպանված լինել նման բեռից: Մեր ինքնապահովման ուղու կարևոր մասը կարող է լինել ապահովագրություն ձեռք բերելը կամ պետական բժշկական ծրագրին միանալը:

Քննարկեք.Ապահովագրության որոշ տեսակներ (ինչպես օրինակ առողջապահական ապահովագրությունը կամ կյանքի ապահովագրությունը) առավել մատչելի են և օգտակար, քան մյուս տեսակի ապահովագրությունները: Որոշ ապահովագրություն տրամադրողներն ազնիվ են, իսկ ոմանք էլ՝ խարդախ: Որո՞նք են ձեր տարածքի լավագույն ապահովագրության տարբերակները:

Ինչո՞ւ է Տերը ցանկանում, որ ես ինքնապահով լինեմ:

Քննարկեք.Ինչո՞ւ է Տերը ցանկանում, որ ես ինքնապահով լինեմ:

Կարդացեք.Կարդացեք աջ կողմում տրված մեջբերումը:

Քննարկեք.Ինչպե՞ս կարող են աշխատանք գտնելու մեր ջանքերը ծառայել «սուրբ նպատակի համար», ինչպես Երեց Քրիստոֆերսոնն է ասել:

Կարդացեք.Տերն ի զորու է օգնել մեզ ինքնապահով դառնալ: Նա ասել է. «Ահա Ես եմ Աստված. և ես հրաշքների Աստված եմ» (2 Նեփի 27.23): Երբ մենք նվիրաբերենք կամ սրբագործենք աշխատանքում հաջողության հասնելու մեր ջանքերը ինքնապահով դառնալու սուրբ նպատակով, Տերը կառաջնորդի մեզ ոգեշնչում պարգևելով: Երբ մենք ցույց տանք մեր հավատքը` լսելով և հնազանդվելով Նրա հուշումներին, Տերը հրաշքներ կգործի և մեր ջանքերի արդյունքը կլինի առավել, քան եթե մենք ինքներս անեինք:

Տպել