Ռեսուրսներ

Ի՞նչ է Նա փնտրում. Մաս I

Ընտրեք դերերը և դերերով ներկայացրեք հետևյալը:

ԻՐԱՎԻՃԱԿ. Խոսեն (տնօրեն) հարցազրույց է անցկացնում Միգելի (աշխատանք փնտրող) հետ: Հարցազրույցի մեջտեղում:

ԽՈՍԵ. Շատ լավ: Այժմ, խնդրում եմ նկարագրեք ձեր վերջին մեծ սխալը, թե ինչու է դա պատահել և ինչ եք արել այդ առումով:

ՄԻԳԵԼ. [Մտածում է] Ի՞նչ հարց է սա: Ի՞նչ է նա ուզում: Կուզենայի իմանալ, թե ինչ է նա փնտրում:

ԽՈՍԵ. [Մտածում է] Պարզապես ուզում եմ տեսնել, թե արդյոք նա հասկանում է, թե ինչ սխալ է նա արել և արդյոք լուծել է այդ խնդիրը:

ՄԻԳԵԼ. [Մտածում է] Ես գիտեմ՝ ինչ է նա փնտրում: Պետք է բացասականը դրականի փոխեմ:

ՄԻԳԵԼ. [Բարձրաձայն] Դե, ես հիշում եմ, մի անգամ ղեկավարս կարծում էր, թե ուշացրել եմ ժամկետը: Իրականում այդպես չէր, ես չէի տեղեկացրել նրան հաճախորդի կողմից կատարված փոփոխության մասին: Դրանից հետո, ես անպայման մյուսներին տեղյակ էի պահում, թե ինչ է կատարվում:

ԽՈՍԵ. Դա շատ լավ է, Միգել: Երևում է դուք ինչ-որ բան եք սովորել:

Վերադարձեք էջ 56-ին

Ի՞նչ է նա փնտրում. Մաս II

Ընտրեք դերերը և դերերով կատարեք հետևյալը: Ի գիտություն վարողին. Երբ ասվում է՝ քննարկել, թող խումբը պատասխանի, նախքան կշարունակեք:

ՊԱՏՄՈՂ. Այստեղ են Խոսեն (հարցազրույց վարողը) և Միգելը (հավանական աշխատակիցը): Խոսեն պատրաստվում է չորս ընդհանուր հարցեր տալ: Մենք կխոսենք, թե ինչպես Միգելը պետք է պատասխանի: Դուք պատրա՞ստ եք:

ԽՈՍԵ. Բարև ձեզ: Դե, ի՞նչ կարող եք ինձ պատմել ձեր մասին:

Քննարկեք.(1) Ի՞նչ է հարցազրույց տվողը ցանկանում իմանալ: (2) Ի պատասխան, ինչպե՞ս է Միգելն օգտագործում «իմ մասին 30 վայրկյանում» իր բնութագիրը: (Տես ակնարկը աջ կողմում:)

«Իմ մասին 30 վայրկյանում»

1. Անուն

2. Նպատակ

3. Մասնագիտական որակավորումներ

4. Բնավորության գծեր

5. Հարցով ավարտել

ՊԱՏՄՈՂ. Դե լավ, ահա թե ինչ է տնօրենը իրականում մտածում:

ԽՈՍԵ. Կարո՞ղ է նա հստակ պատասխանել: Արդյո՞ք նա որակավորված է:

ՊԱՏՄՈՂ. Այսպիսով, Միգելը հավանաբար պետք է ներկայանա՝ «իմ մասին 30 վայրկյանում»-ով:

ՄԻԳԵԼ. Ես Միգել Ֆուենտեսն եմ: Ես դիմել եմ գլխավոր հաշվապահի պաշտոնի համար: Ես ունեմ վեց տարվա փորձ և ղեկավարել եմ հինգ հոգուց բաղկացած հաշվապահական բաժինը: Միասին մենք անցյալ տարի նվազեցրել ենք մեր ծախսերը 15%-ով և ավելացրել ենք թողարկումը 23%-ով: Ես ունեմ հաշվապահի վկայական և պետական արտոնագիր: Հանգստյան օրերին ես սիրում եմ ֆուտբոլ խաղալ: Ուրիշ ի՞նչ կուզենայիք իմանալ իմ մասին:

ԽՈՍԵ. Շատ լավ է, շնորհակալություն: Իսկ ուրիշ ի՞նչ ուժեղ կողմեր ունեք:

Քննարկեք.(1) Ի՞նչ է հարցազրույց վարողը ցանկանում իմանալ: (2) Ի պատասխան, ինչպե՞ս կարող է Միգելը տպավորիչ արտահայտություն օգտագործել: (Տես ակնարկը աջ կողմում:)

Տպավորիչ արտահայտություն

1. Բացահայտեք հմտություն կամ ուժեղ կողմ

2. Առանձնահատուկ օրինակ

3. Արդյունք

4. Համապատասխանեցնել կարիքներին

ՊԱՏՄՈՂ. Ահա թե ինչ է իրականում Խոսեն ցանկանում լսել:

ԽՈՍԵ. Նա ունի՞ մեզ համար անհրաժեշտ հմտությունները: Կարո՞ղ է արդյունքներով ապացուցել:

ՊԱՏՄՈՂ. Քանի որ դա է ցանկանում Խոսեն իմանալ, ի պատասխան Միգելը հավանաբար տպավորիչ արտահայտություն կարող է օգտագործել:

ՄԻԳԵԼ. Ուզում եմ ձեզ մի օրինակ բերել: Ես միշտ ծախսերը կրճատելու ուղիներ եմ փնտրում: Օրինակ մոտ երեք ամիս առաջ ես մոտեցա իմ ղեկավարին և բացատրեցի, որ շաբաթական 3000 կորցնում էինք ուշացած վճարումների պատճառով: Սկզբում նա կասկածանքով մոտեցավ, բայց ես ցույց տվեցի նրան թվերը: Եվ նա խնդրեց ինձ լուծել այդ խնդիրը: 10 շաբաթվա ընթացքում ես կարողացա 30 օրով կրճատել ուշացած վճարումները յուրաքանչյուր հաշիվ-ապրանքագրի համար, որը հազարներ խնայեց: Ես կարող եմ այդ խնդրի լուծման հմտությունն օգտագործել ի նպաստ ձեր Սպորտային կորպորացիայի:

ՊԱՏՄՈՂ. Ահա մեկ ուրիշ հարց, որը մենք չենք սիրում լսել:

ԽՈՍԵ. Որո՞նք են ձեր թուլությունները:

Քննարկեք.(1) Ի՞նչ է հարցազրույց վարողը ցանկանում իմանալ: (2) Ինչպե՞ս կարող է Միգելը պատասխանել՝ բացասականը փոխելով դրականի: (Տես ակնարկը աջ կողմում:)

Բացասականը դրականի փոխեք

1. Կիսվեք մի թուլությամբ, որը ընդհանուր է շատ մարդկանց համար:

2. Մասնավորապես նկարագրեք, թե ինչպես եք դուք հաղթահարում այդ թուլությունը:

3. Տեղեկություն ավելացրեք ձեր տպավորիչ արտահայտություններից:

ՊԱՏՄՈՂ. Ահա թե ինչ է մտածում հարցազրույց վարողը:

ԽՈՍԵ. Նա տեղյա՞կ է` ինչ է թուլությունը: Նա ինչ-որ բան արե՞լ է դա լուծելու համար:

ՊԱՏՄՈՂ. Քանի որ դա է ուզում Խոսեն լսել, Միգելը կարողացավ պատասխանել՝ բացասականը դրականի փոխելով:

ՄԻԳԵԼ. Ոմանք ասում են` ես չափից շատ եմ հետաքրքրված օգնելու հաճախորդներին` ժամանակին վճարել իրենց հաշիվ-ապրանքագրերը: Այնպես որ, ես քրտնաջան աշխատել եմ հավասարակշռել վճարման արդյունքները հաճախորդներին սպասարկելու հետ: Եվ ես շատ բան եմ սովորել: Բոլոր հաճախորդների և նրանց կարիքների մասին հոգ տանելով, ես իրականում կարողացա օգնել, որպեսզի ընկերությունը վճարներն ավելի արագ ստանար: Եվ ես պարգևավճար ստացա անցյալ ամիս` որպես հաճախորդների լավագույն սպասարկող:

ՊԱՏՄՈՂ. Լավ, ահա վերջին ընդհանուր հարցը:

ԽՈՍԵ. Հրաշալի է, Միգել: Շնորհակալություն: Այդ դեպքում, ինչո՞ւ եք ցանկանում աշխատել մեզ համար:

Քննարկեք.(1) Ի՞նչ է հարցազրույց տվողը ցանկանում իմանալ: (2) Ի պատասխան, ինչպե՞ս կարող է Միգելը տպավորիչ արտահայտություն օգտագործել: (Տես ակնարկը աջ կողմում:)

Տպավորիչ արտահայտություն

1. Բացահայտեք հմտություն կամ ուժեղ կողմ

2. Առանձնահատուկ օրինակ

3. Արդյունք

4. Համապատասխանեցնել կարիքներին

ՊԱՏՄՈՂ. Այսպիսով, ահա թե ինչ էր մտածում հարցազրույց վարողը:

ԽՈՍԵ. Նա տեղյա՞կ է, թե ինչ է մեզ պետք: Նրան հետաքրքրո՞ւմ է:

ՊԱՏՄՈՂ. Քանի որ դա էր ցանկանում իմանալ հարցազրույց վարողը, ի պատասխան Միգելը կարողացավ օգտագործել իր մեկ այլ տպավորիչ արտահայտություն:

ՄԻԳԵԼ. Դե, պարոն Մարտինեզ, հետազոտությունը, որ կատարել եմ ձեր Սպորտային Կորպորացիայի մասին, շատ հետաքրքիր էր: Դուք կենտրոնանում եք սպորտային սարքավորումներ վաճառելու վրա և հաջողություններ եք գրանցել: Ես լսել եմ, որ դուք սկսում եք նոր, բարելավված ապրանքներ վաճառել: Ես ցանկանում եմ աշխատել հաջողակ և աճող ընկերության հետ: Ես նաև ինչ-որ չափով տեղյակ եմ սպորտից և մարզանքից: Վերջին տարում ես կամավոր աշխատել եմ որպես ֆուտբոլի մարզիչ և օգնել եմ թիմին բարձրացնել տոկունությունն ու մարզական արդյունքերը: Ես հասկանում եմ, թե դուք ինչ ձեռքբերումներ եք ցանականում ունենալ, և ես կարող եմ օգնել ձեզ այդ հարցում:

Վերադարձեք էջ 57-ին

Պարապեք ընդհանուր հարցերին պատասխանելու համար

Նախքան մեր հաջորդ ժողովը, ձեր վարժության ընկերոջ, ընտանիքի կամ ընկերների հետ պարապեք պատասխանել հարցերին:

ԸՆԴՀԱՆՈՒՐ ՀԱՐՑԵՐ	ԻՆՉ Է ՀԱՐՑԱԶՐՈՒՅՑ ՎԱՐՈՂԸ ՑԱՆԿԱՆՈՒՄ ԻՄԱՆԱԼ ՁԵՐ ՄԱՍԻՆ	ՊԱՏԱՍԽԱՆՆԵՐԻ ԳՈՐԾԻՔՆԵՐ
Ի՞նչ կարող եք ինձ պատմել ձեր մասին:	Կարողանո՞ւմ է նա լավ խոսել: Արդյո՞ք նա որակավորված է:	«Իմ մասին 30 վայրկյանում»
Որո՞նք են ձեր ուժեղ կողմերը:	Արդյո՞ք նրա փորձը համապատասխանում է մեր կարիքներին:	Տպավորիչ արտահայտություններ
Որո՞նք են ձեր թույլ կողմերը:	Արդյո՞ք նա ազնիվ է: Արդյո՞ք նա առաջադիմել է:	Բացասականը փոխեք դրականով
Ինչո՞ւ եք ցանկանում աշխատել մեզ համար:	Արդյո՞ք նա հետազոտություն կատարել է: Արդյոք նա ունի՞ նպատակներ:	Տպավորիչ արտահայտություն
Նկարագրեք ձեր վերջին մեծ սխալը:	Արդյո՞ք նրա սխալի պատճառը տրամաբանական է: Նա դրանից դասեր քաղե՞լ է:	Բացասականը փոխեք դրականով
Ի՞նչ կարծիք ունեք ձեր նախկին ղեկավարի մասին:	Արդյո՞ք նա հարգում է ղեկավարներին:	Տպավորիչ արտահայտություն
Ինչպե՞ս եք արձագանքում ճնշմանը:	Արդյո՞ք նա զբաղվում է խնդիրների լուծմամբ:	Տպավորիչ արտահայտություն
Երբևէ ձեր արտահայտած գաղափարները մերժվե՞լ են:	Արդյո՞ք նա հաստատակամ է: Արդյո՞ք նա դրական է:	Բացասականը փոխեք դրականով
Որո՞նք են ձեր կարիերայի նպատակները:	Նա կօգնի՞ մեզ հաջողություն գրանցել: Արդյո՞ք նա կենտրոնացած է:	«Իմ մասին 30 վայրկյանում»
Ի՞նչ աշխատավարձ եք ակնկալում ստանալ:	Արդյո՞ք նրա ակնկալիքները խելամիտ են:	Հարցով պատասխանեք
Ինձ հարցեր ունե՞ք:	Արդյո՞ք նա հոգատար է: Արդյո՞ք նա հետաքրքրված է:	Հարցով պատասխանեք

Ինչպե՞ս եմ ես բանակցում իմ պահանջներին բավարարող աշխատանքի համար: (Ոչ պարտադիր վարժություն)

Կարդացեք.Երբ գործատուն որոշում է մեզ աշխատանք տալ, մենք գուցե քննարկենք մեր աշխատանքային պայմանագիրը: Այն ընդգրկում է՝ մեր աշխատավարձը, աշխատանքային ժամերը, աշխատանքային պայմանները և այլն: Նպատակն է լինել բաց, ազնիվ և որ բոլորի համար արդյունքներն ընդունելի լինեն:

Քննարկեք.Ինչո՞ւ է բանակցելը դժվար: Ինչո՞ւ եք դուք բանակցում:

Կարդացեք.Ահա հինգ քայլեր, որ մենք կարող ենք կատարել այսպիսի քննարկմանը պատրաստվելու համար:

• Նախօրոք ճշտել մեր կարիքները:

• Որոշել, թե որոնք են ամենակարևոր և նվազագույն ընդունելի պայմանները:

• Տեղեկանալ, թե գործատուն ինչ կարող է առաջարկել և ինչն է կարևոր նրա համար:

• Փնտրել ոգեշնչում, մտածել ուղիներ, որոնց դեպքում երկուսս էլ՝ մենք և գործատուն կշահենք:

• Այս քննարկումը պարապեք ընտանիքի անդամի կամ ընկերոջ հետ:

Կիրառեք.Օգտագործեք հետևյալ աղյուսակը ձեր աշխատանքի հետ կապված կարիքները դիտարկելու համար:

Օրինակները տրված են մոխրագույնով, պարզապես գրեք դրանց վրա:

1. Համարակալեք յուրաքանչյուր կարիքը ըստ ձեր առաջնահերթության: Օգտագործեք «1»-ը որպես գերակա առաջնահերթություն:

2. Ձեր կարծիքով, որն է նվազագույն մակարդակը յուրաքանչյուր կարիքի համար:

3. Քննարկեք դրանք ձեր ամուսնու կամ ընտանիքի հետ: Թող նրանք էլ արտահայտեն իրենց առաջնահերթությունները և միասին որոշեք նվազագույն մակարդակները: Եթե կան տարբերություններ, ապա եկեք համաձայնության:

ԻՄ ԿԱՐԻՔՆԵՐԸ (ավելացրեք մյուս կարիքները)	ԻՄ ԱՌԱՋՆԱՀԵՐԹ-ՈՒԹՅՈՒՆՆԵՐԸ (համարակալեք յուրաքանչյուրը, 1-ը բարձրագույնն է)	ԸՆՏԱՆԵԿԱՆ ԱՌԱՋԱՀԵՐԹ-ՈՒԹՅՈՒՆՆԵՐ (նրանք համարակալում են յուրաքանչյուրը, 1-ը բարձրագույնն է)	ՆՎԱԶԱԳՈՒՅՆ ՉԱՓՈՎ ԸՆԴՈՒՆԵԼԻ (յուրաքանչյուր կարիքի նվազագույն սահմանը)	ԳՈՐԾԱՏՈՒԻ ԱՌԱՋՆԱՀԵՐԹ-ՈՒԹՅՈՒՆՆԵՐ (նրանց ցանկությունները/կարիքները ըստ առաջնահերթությունների, եթե դուք տեղյակ եք)
Վճարում	1	2	3000/ամիս	Վճարման միջակայքը 2200–3200
Աշխատանքային ժամեր	5	1	Կիրակին ոչ աշխատանքային	Անհրաժեշտության դեպքում աշխատել հանգստյան օրերին
Մաքուր միջավայր	6	5	Առանց վնասակար քիմիկատների	Քիմիկատներ, որոնք արագացնում են աշխատանքը
Աշխատակիցներ	3	6	Ազնիվ	Ճշտապահ, աշխատասեր
Հնարավորություն	2	4	90-օրյա առաջխաղացում	Թիմային աշխատող
Առողջապահություն	4	3	-----

Քննարկեք.Ի՞նչ սովորեցիք այս վարժությունից:

Կիրառեք.Այժմ մտածեք, թե ինչպիսի գործատուի համար կցանկանայիք աշխատել: Որո՞նք են նրանց առաջնահերթությունները: Կարո՞ղ եք պարզել, թե ինչն է առավել կարևոր նրանց համար: Գրեք ձեր գործատուի առաջնահերթությունները վերևում տրված աղյուսակում, նախքան ձեր հարցազրույցը:

Քննարկեք.Ձեր փորձի վրա հիմնվելով, ինչպե՞ս կարող եք ձեր կարիքները համապատասխանեցնել գործատուի ցանկություններին:

Խորհուրդ.

Եթե առաջարկը շատ ցածր է, փորձեք լռել: Նախքան պատասխանելը 10 վայրկյան սպասեք: Հաճախ բանակցող կողմն ավելի լավ առաջարկ կանի լռությունը խախտելու համար:

Կիրառեք.Ընտանիքի անդամի կամ ընկերոջ հետ դերերով կատարեք հետևյալը:

1. Կարդացեք հետևյալ իրավիճակը. Իր առաջին հարցազրույցի ժամանակ Կոֆին տեղեկացավ, որ այդ պաշտոնի համար աշխատավարձի միջակայքը կազմում էր օրական 95-105: Այժմ նա ներկայացել է իր երկրորդ հարցազրույցին: Գործատուն առաջարկում է աշխատանք օրական 96-ով: Կոֆիին ամենաքիչը հարկավոր է օրական 100: Նա կարող էր նաև օգտվել տրանսպորտային միջոցից և որոշել է չաշխատել կիրակի օրերին:

2. Ձեզանից մեկը թող վերցնի գործատուի դերը, իսկ մյուսը՝ Կոֆիի դերը: Գործատուն սկսում է` Կոֆիին առաջարկելով աշխատանք օրական 96-ով: Նա խնդրում է նրան ամսվա մեջ երկու կիրակի աշխատել: Կոֆին պետք է փորձեր բանակցել` հանգելով մի որոշման, որը ընդունելի կլիներ երկու կողմին:

3. Այնուհետև փոխվեք դերերով և փորձեք կրկին:

Քննարկեք.Ինչպե՞ս ընթացավ այն: Դուք հարցերին հարցերով պատասխանեցի՞ք: Դուք մտածո՞ւմ էիք բանակցել այլ արտոնությունների համար:

Կարդացեք.Ահա մի տարբերակ, թե ինչպես կարող էր Կոֆիի բանակցությունն ընթանալ: Եկեք կարդանք այս աղյուսակը: Ո՞վ է հաղթում: Նրանք լուծեցի՞ն կիրակի օրը աշխատելու հարցը:

ՆԱԽՆԱԿԱՆ ԱՌԱՋԱՐԿ	ԿԱՐԵՎՈՐ Է ԸՆԿԵՐՈՒԹՅԱՆ ՀԱՄԱՐ	ԿԱՐԵՎՈՐ Է ԿՈՖԻԻ ՀԱՄԱՐ	ԻՆՉ Է ԲԱՆԱԿՑՈՒՄ ԿՈՖԻՆ	ՎԵՐԱՆԱՅՎԱԾ ԱՌԱՋԱՐԿ
Աշխատավարձ՝ օրական 96	Ընկերությունը կարող է վճարել օրական մինչև 98 Կոֆիի փորձառության մակարդակն ունեցողին:	Կոֆիին հարկավոր է օրական 100: 100-ից 3-ը նա վճարում է տրանսպորտին՝ աշխատանքի վայր հասնելու համար:	Կոֆին խնդրում է ընկերությանը վճարել օրական 97 և վճարել իր ավտոբուսի ուղեվարձը, որն օրական կազմում է 3:	Ընկերությունը համաձայնվում է Կոֆիին վճարել օրական 97 և վճարել նրա ավտոբուսի ուղեվարձը: Ընկերությունը պայմանավորվածություն ունի ավտոբուսի ընկերության հետ: Նրանք ընդամենը վճարում են օրական 1 Կոֆիի ուղեվարձի համար:

Քննարկեք.Իսկ եթե դուք չեք կարողանում հանգել համաձայնությա՞ն: Արդյոք դուք պետք է հրաժարվեք այդ հնարավորությունից, եթե այն չի բավարարում ձեր պահանջները:

Կարդացեք.Ձեր բանակցելու հմտությունները զարգացնելով` դուք կարող եք հաճախ հասնել համաձայնության, որը ընդունելի կլինի բոլորի համար: Ինչպիսի համաձայնության էլ որ դուք գաք, խնդրեք նրանց գրավոր հաստատել այն որոշակի ամսաթվով: Դա պաշտպանում է բոլորին:

Դիմում-թերթիկի օրինակ

application example page 1

Աշխատանքի դիմում-թերթիկ

Անուն-ազգանուն.ԱզգանունՊուլագարիԱնունԱմիթ

Ամսաթիվ.Դեկտեմբերի 6, 2013

Հասցե.1234 ցանկացած փողոց, Հայդերաբադ

Հեռախոս.1234567890

Է-փոստ. [e-mail]

Պաշտոն.Մեթոդիստ

Ցանկալի աշխատավարձ.70000

Հասանելիության ամսաթիվ.Հունվար 2014

Երբևէ աշխատե՞լ եք այս ընկերության համար:

• Այո

• Ոչ X

Եթե այո, ե՞րբ:

Երբևէ դատապարտված եղե՞լ եք որևէ հանցագործության համար:

• Այո

• Ոչ X

Եթե այո, բացատրեք:

Կրթություն

Ավագ դպրոց.Որևէ հանրային դպրոց

Հասցե.1234 ցանկացած փողոց, Հայդերաբադ

Ում կողմից.2002

Ուղղված է.2007

Ավարտե՞լ եք:

• Այո X

• Ոչ

Դիպլոմ.Վկայական

Քոլեջ.Որևէ տեխնիկական քոլեջ

Հասցե.4321 ցանկացած փողոց, Հայդերաբադ

Ում կողմից.2011

Ուղղված է.2013

Ավարտե՞լ եք:

• Այո X

• Ոչ

Աստիճան.Վկայական

Երաշխավորագրեր

Լրիվ անունը.Վիվեկ Սինկխ

Ով է հանդիսանում.Ուսուցիչ

Հեռախոս.1234567891

Լրիվ անունը.Շրատի Պատել

Ով է հանդիսանում.Տնօրեն

Հեռախոս.1234567892

Լրիվ անունը.Կավիտա Ռամ

Ով է հանդիսանում.Աշխատակից

Հեռախոս.1234567893

application example page 2

Նախորդ աշխատանքները

Պաշտոնը.Ղեկավար

Նախնական աշխատավարձը.40000

Վերջնական աշխատավարձը.45000

Պարտականությունները.Վերահսկել գծի աշխատողներին

Ում կողմից.2010

Ուղղված է.2011

Հեռանալու պատճառը.Շարունակել ուսումը

Ընկերություն.Որևէ ընկերություն

Հեռախոս.1234567894

Պաշտոնը.Աշխատանքի վերապատրաստող

Նախնական աշխատավարձը.30000

Վերջնական աշխատավարձը.32000

Պատասխանատվությունները.Վերապատրաստել գծի աշխատողներին

Ում կողմից.2008

Ուղղված է.2010

Հեռանալու պատճառը.Նոր աշխատանքը

Ընկերությունը.Այլ ընկերություն

Հեռախոս.1234567895

Ես հաստատում եմ, որ իմ պատասխանները ճշմարիտ և ամբողջական են իմ իմացության չափով:

Աշխատանքի ընդունվելու դեպքում ես հասկանում եմ, որ իմ դիմում-թերթիկի վրա կամ հարցազրույցի ժամանակ տրված սխալ կամ ապակողմնորոշիչ տեղեկությունը կարող է հանգեցնել աշխատանքից ինձ ազատելուն:

Ստորագրություն․Ամիթ Պուլագարի

Ամսաթիվ.Դեկտեմբերի 6, 2013

Ռեզյումեի օրինակ

resume example

Վիլյամ Օվուսու Հասցե. 1234 որևէ փողոց, Ակկրա, Գանա Հեռ.1234567896 Է-փոստ. [e-mail]

Անձնական տեղեկություն
Լրիվ անուն	Վիլյամ Օվուսու
Սեռը	Արական
Ծննդյան թիվը	Ապրիլի 16, 1980
Ծննդավայր	Կումասի, Գանա
Ամուսնական կարգավիճակը	Ամուրի

Կրթությունը
2007–2011	Վկայական Որևէ Տեխնիկական ինստիտուտից
2000	Ավարտել եմ Որևէ ավագ դպրոց

Աշխատանքային փորձ
2004-2006	աշխատել եմ որպես լիաժամկետ միսիոներ
2007-2011	աշխատել եմ որպես թիմի ղեկավար որևէ ռեստորանում
2011–	աշխատում եմ Որևէ Լիմուզին տրամադրող ընկերությունում` որպես պատվերների ամրագրման գործակալ

Ուսումնական դասընթացներ
2009	Ավարտել է էլեկտրոնային աղյուսակների դասընթաց
2013	Ավարտել եմ հաճախորդների սպասարկման դասընթաց
2012	Ավարտել եմ փոքր բիզնեսի դասընթաց

Ունեմ համակարգչի հետ աշխատելու փորձ
2003	Էլեկտրոնային աղյուսակներ, տվյալների բազաներ, համացանց/ է-փոստ

Լեզուներ
Աշանթի Թվի	Մայրենի լեզու
Անգլերեն	Լավ

Հետաքրքրություն և հոբբիներ
	Գրքեր, սպորտ, համացանց

Երաշխավորագրեր
1. Սանդրա Օսեյ	Հեռ. 1234567897
2. Էրիկ Կատոկա	Հեռ. 1234567898

Նշումներ