Վարողների համար

Ժողովի օրը.

• Զանգահարեք կամ հաղորդագրություն ուղարկեք խմբի անդամներին, եթե դուք ունեք նրանց կոնտակտային տվյալները: Հետաքրքրվեք` արդյոք նրանք գալու են ժողովին: Հրավիրեք նրանց 10 րոպե շուտ գալ՝ ցուցակագրվելու համար:

• Պատրաստեք ժողովի նյութերը.

  • Խմբի յուրաքանչյուր անդամի համար բերեք այս աշխատանքային տետրի և Իմ հիմքը. սկզբունքներ, հմտություններ և սովորություններ գրքույկի մեկ օրինակ:

  • Բերեք Իմ ուղին դեպի ինքնապահովում գրքույկի հինգ լրացուցիչ օրինակ, գուցե խմբի անդամները չեն ստացել այդ գրքույկից:

  • Հնարավորության դեպքում, պայմաններ ստեղծեք տեսանյութեր ցուցադրելու համար:

  • Գրքեր կամ տեսանյութեր չունե՞ք: Կարող եք ձեռք բերել առցանց՝ srs.lds.org:

Ժողովից 30 րոպե առաջ.

• Աթոռները դասավորեք սեղանի շուրջն այնպես, որ բոլորը մոտ լինեն:

  • Ժողովի ժամանակ վարողը չի կանգնում և չի նստում սեղանի գլխավերևում: Վարողը չպետք է ուշադրության կենտրոնում գտնվի, սակայն պետք է օգնի խմբի անդամներին կենտրոնանալ միմյանց վրա:

Ժողովից 10 րոպե առաջ.

• Ջերմորեն ողջունեք խմբի անդամներին, երբ նրանք ներս մտնեն: Սովորեք նրանց անունները:

• Մի թուղթ տվեք, որ խմբի անդամները հերթով գրեն իրենց լրիվ անունը, ծուխը կամ ճյուղը և ծննդյան ամսաթիվը (օրը և ամիսը, ոչ թե տարին): Խմբի ժողովից հետո, այցելեք srs.lds.org/report կայք և հետևեք հրահանգներին՝ խմբի բոլոր անդամներին գրանցելու համար:

  • Առաջին հանդիպումից հետո կազմեք կոնտակտային տվյալներով ցուցակ՝ խմբին տրամադրելու համար:

• Ժամապահին հանձնարարեք, որ խմբին պահի ժամանակային գրաֆիկի մեջ: Խնդրեք նրան ժամը պահել, ինչպես ասվում է գրքում:

  • Օրինակ, դուք կտեսնեք հրահանգներ, որոնք ասում են՝ «Ժամանակ. 60 րոպե ժամանակ պահեք Սովորել բաժնի համար»: Ժամապահը հեռախոսի, ժամացույցի կամ այլ սարքի օգնությամբ ժամ է պահում և խմբին տեղեկացնում, թե երբ է ժամանակը լրացել: Այնուհետև խումբը կորոշի՝ անցնել հաջորդ բաժնին, թե մի քանի րոպե ևս շարունակել քննարկումը:

Երբ սկսում եք՝

• Ասեք. «Բարի գալուստ այս ինքնապահովման խումբ»:

• Խնդրեք մասնակիցներին անջատել հեռախոսները և այլ սարքերը:

• Ասեք հետևյալը.

  • «Սա «Աշխատանքի իմ որոնումը» ինքնապահովման խումբն է: Դուք այստեղ եք, որ աշխատա՞նք գտնեք, թե՞ բարելավեք ձեր աշխատանքը:

  • Աշխատանք գտնելն ինքնապահովման մեր նպատակի միայն մի մասն է: Աշխատանք գտնելուց հետո մենք շարունակելու ենք բարելավումը: Կհաճախե՞ք մեր խմբի ժողովներին աշխատանք գտնելուց հետո:

  • «Մենք հանդիպելու ենք 12 անգամ: Յուրաքանչյուր ժողով կտևի մոտ երկու ժամ: Մենք ամեն օր մեկից երկու ժամ ևս տրամադրելու ենք մեր պարտավորությունները կատարելուն, որը կօգնի մեզ աշխատանք գտնել: Կտրամադրե՞ք այդքան ժամանակ»:

• Բացման աղոթք ասել (և ցանկության դեպքում՝ օրհներգ կատարել):

• Ասեք հետևյալը.

  • «Ամեն անգամ հանդիպելիս մենք սկսում ենք Իմ հիմքը. սկզբունքներ, հմտություններ և սովորություններ անունը կրող գրքույկի մեկ թեմայով: Այդ գրքույկն օգնում է մեզ սովորել և ապրել սկզբունքներով, հմտություններով և սովորույթներով, որոնք տանում են դեպի հոգևոր և նյութական ինքնապահովում»:

• 20 րոպե ժամանակ պահեք Իմ հիմքը գրքույկի թեմայի համար:

• Կարդացեք Առաջին Նախագահության ներածական նամակը, որը տրված է էջ 2-ում, Իմ հիմքը գրքույկ: Այնուհետև լրացրեք այդ գրքույկի սկզբունք 1-ը և վերադարձեք այս աշխատանքային տետրին: