UGenesise 2–3; uMose 3–5; u-Abrahama 5

U-Adamu no-Eva

Ukuzizwela nokuzibonela ngokuthatha izinqumo

U-Adamu no-Eva babengabantwana bokuqala baBaba oseZulwini ukuphila emhlabeni. Babephila eNsimini enhle yase-Edeni, bezungezwe yizinhlobonhlobo zezitshalo nezihlahla. UNkulunkulu uBaba wethu oseZulwini neNkosi uJesu Kristu babebavakashela futhi bekhuluma nabo.

UGenesise 2:8–9; 3:8; uMose 3:8­–9; u-Abrahama 5:8, 14–19

UNkulunkulu wabavumela ukuba badle izithelo zazo zonke izihlahla ngaphandle kwesisodwa. Uma babedla esihlahleni sokwazi okuhle nokubi, kwakuyofanele beyishiye insimu futhi ekugcineni bayokufa. USathane wakhuluma amanga ku-Adamu no-Eva. USathane wathi uma babedla isithelo, bayokwazi okuhle nokubi kodwa babengeke bafe.

UGenesise 2:16–17; 3:1–5; uMose 3:9; 4:6–11; u-Abrahama 5:9, 12–13

U-Eva wakhetha ukusidla isithelo.

UGenesise 3:5–6; uMose 4:12

U-Eva wanikeza u-Adamu ingcosana yesithelo. Naye wakhetha ukusidla.

UGenesise 3:6–7; uMose 4:12

UNkulunkulu neNkosi babavakashela, kodwa u-Adamu no-Eva babesaba futhi bacasha. UNkulunkulu wababuza ukuthi base besidlile yini isithelo sesihlahla sokwazi okuhle nokubi.

UGenesise 3:8–13; uMose:13–14

U-Adamu no-Eva batshela uNkulunkulu ukuthi bakhetha ukudla isithelo. Ngenxa yesinqumo sabo, kwakufanele bayishiye iNsimu yaseEdene. Behlukaniswa noNkulunkulu, kodwa Wayebahlelele okuthile. Manje base bazi okulungile kokungalungile futhi base bengakwazi ukuba nabantwana.

UGenesise 3:16–24; uMose 4:15–31

U-Adamu no-Eva bethembisa ukuyihlonipha yonke imiyalelo kaNkulunkulu. Bafundiswa ukwenza imihlatshelo ngezilwane. Ngesikhathi belalela, bafunda kabanzi ngeNdodana kaNkulunkulu uJesu Kristu. Bobabili bezwa injabulo enkulu ngoba Wayezosiza umndeni wabo ubuyele kuNkulunkulu.

uGenesise 3:23; uMose 5:1–12